رواية كيف اغفر الفصل الرابع عشر 14 بقلم يارا رشدي
رواية كيف اغفر الفصل الرابع عشر
~ سجينه ~
_مش هروح معاك في اي مكان وبلاش تتحكم فيا بطريقه دي
_ طيب بكره الصبح تجهزي شنطتك وتيجي معايا برضاكي احسن علشان ماخدكيش غصب عنك تمام الي زيك اصلا المفروض ميتكلمش نص كلمه
لم يمهلها فرصه للرد حيث اختفي من امامه لتجلس هي علي الاريكه وتخفي وجهها بين يديها بحزن ..
صعد الي غرفته ثم قام باخراج هاتفه وارسال رساله الي اشرقت علي تطبيق واتساب
هان عليكي ترمي الدبله في وشي ؟
انتظر لحظات وظهر امامه انها قامت برويه الرساله ولكنها لم تجيبه بشئ ليرسل هو :
مكنش قدامي حل تاني وانتي شوفتي بعينك الوضع كان ايه،
لم يصل اليه رد قام بالاتصال بها اكثر من مره واخيرآ قامت هي بالرد عليه هاتفه :
نعم ؟
_ لازم الف رنه علشان تتكرمي وتردي عليا ؟
_ اهو ده الي عندي عايز ايه اخلص انا مش فضيالك
_ مكنش قدامي حل تاني اهو انتي شوفتي الفضيحه الي الهانم عملتها
لتقول هي بانفعال :
لا كان في اخوك وانت بنفسك قولت قبل كده انه اتقدملها
_ فادي هو السبب في المصايب دي كلها، وانا مش هسلمها لفادي نيره ضايعه يا اشرقت وهو هيضيعها اكتر
_ يا سلام وانت بقي الي هتنتشلها من الضياع ده ؟"
قالها اشرقت بسخريه ليقول سليم :
بلاش تريقه وحيات ابوكي علشان انا الي فيا مكفيني ومش ناقص
_ عايز ايه انت دلوقتي ؟! كل الي بينا خلص خلاص روح اشبع ببنت عمك وانتشلها من الضياع
_ التفاهم معاكي صعب بجد بكره عايز اقابلك في المكان بتاعنا هوصل نيره الشقه واجيلك
_ شقه ايه مش فاهمه ؟! انت هتعيش معاها لوحدك ؟! وكمان عندك شقه غير الي هنتجوز فيها ومقولتليش ؟!
_ بس اهدي اهدي انا بتكلم علي شقه الي كنا هنتجوز فيها
_ يا مراااري وكمان هتاخدها شقتنا الي انا مختاره كل حاجه فيها يا شيخ حسبي الله ونعمه الوكيل فيك
قالتها وانهت المكالمه نظر الي شاشه هاتفه بعدم رضا اطلاقآ وهو يقول :
صدق الي قال علي البنات انها مجنونه
_____________________
وفي صباح اليوم التالي
هتف فادي بقلق :
هتاخدها شقتك ليه ؟!
_ مش حابب اقعد بيها هنا عادي مراتي وانا حر
ليقول شريف :
ناوي علي ايه يا سليم ؟! ا
_ ولا حاجه يا بابا هكون ناوي علي ايه يعني هقتلها مثلا ؟!
_ امال عايز تاخدها شقه لوحدكم ليه !!
_ هربيها بنت اخوك متربتش اساسا من اول ما جات البيت ده وهي مدلعه من كله وكلامها هي الي بيمشي ومينفعش حد يقولها لا علي اي حاجه وادي النتيجه فضحيه محترمه وصورها معبيه النت
_ انا كلمت كذه حد وقالوا ان الصور دي هتختفي خالص
_ بعد ايه ؟ الناس كلها شافتها وحتي لو اختفت من علي نت بنسبه للصور الي اتبعتت علي موبيلات المعازيم وضعها ايه ؟!
قالها سليم بعصبيه مكتومه لتقول ناديه :
انت هتطلقها ولا هتكمل معاها ؟!
_ اكيد هطلقها اكمل معاها ايه دي كانت اشرقت تروح فيها
ظهرت امامهم نيره وهي تحمل حقيبتها ثم هتفت :
انا جهزت حاجتي
نظر اليها سليم وهتف :
لو كنتي اتاخرتي دقيقه واحده كنتي هتلاقيني جايبك من شعرك
_ يا عمو متخلهوش يكلمني بالطريقه دي
قالتها نيره بضيق ليقول شريف :
انتي وجوزك احرار مع بعض
زاغت يعينيها عليهم جميعآ لا احد يقف في صفها الجميع ضدها ..
_ انا رايحه استناك جمب العربيه
قالتها ورحلت وهي تحمل حقيبتها ليقول شريف :
خف عليها شويه يا سليم
_ ربنا يسهل
____________________
دلفت معه الي الشقه لتجد امراة في الاربعين من عمرها تجلس
نظرت الي سليم باستغراب ليقول هو :
دي نيره يا عايده
ابتسمت لها عايده هاتفه :
اهلا بيكي يا حبيبتي
_ مين دي يا سليم ؟!!
_ عايده هتقعد معاكي لحد ما تخلص فتره جوازنا واطلقك
_ تقعد معايا ايه ؟ هو انت هش هتقعد هنا !!
حرك راسه بالنفي قائلا ;
لا طبعا يلا سلام دلوقتي خلي بالك منها يا عايده
_ في عنيا متقلقش
رحل سليم لتجلس نيره علي الاريكه بحسره واضحه
_ __ _ _ _ _ __ __ _ ___ _ ____
قامت بفتح الباب لتجد سليم امامها زفرت بقوه وهتفت :
انت كمان ليك عين تيجي هنا
_ ممكن تهدي شويه علشان نعرف نتكلم مع بعض
قالها وهو يدلف الي الشقه لتقول هي :
بقي يا بجح متجوز وواخد مراتك شقتنا وعايزني اهدي!!
_ الشقه دي اعتبري نفسك مشوفتهاش ولا جهزتي فيها اي حاجه، ومن بكره ننزل سوا نختار شقه تانيه تمام كده ؟
_ لا مش تمام كده هو ايه الي اعتبري ومتعتبريش ؟ وجوازك منها ده ايه ؟!
تنهد سليم هاتفآ :
اعتبريه محصلش انا اتجوزتها بس علشان الفضيحه
_ بس كلام ملهوش لازمه بلا علشان الفضيحه ده انت خدتها شقه علشان تقعد معاها براحتك
_ علي فكره انا جبتلها واحده قاعده معاها هناك وقافل عليها الشقه اساسا وقعدتي هتبقي في اي فندق لحد ما مده جوازي منها تخلص واطلقها
_ وليه كل الهبل ده ؟!
_______________________
ضربت الباب بقدميها وهي تصرخ باكيه :
يعني انا هفضل محبوسه هنا ؟!
تنهدت عايده وهي تنظر اليها باسي لتقول نيره :
علشان خاطري يا طنط لو معاكي المفتاح هاتيه انا هروح الفيلا عند عمو شريف
_ مش معايا ممكن لما يجي استاذ سليم بكره تتكلمي معاه وتطلبي منه ياخدك الفيلا تاني
لتقول هي باكيه :
مش هيوافق هو جايبني هنا علشان يعذبني
قالتها وهي تجلس علي الارضيه بجانب الباب
_________________
ينظر امامه بشرود تام نيره انتهت بسببه هو كل شئ حدث هو المذنب به وليس نيره
قفز في عقله مريم تناول هاتفه ثم قام بالاتصال بها وعندما وصل اليه صوتها هتف هو :
انا تعبان ومش قادر استحمل ضيعتك انتي زمان ودلوقتي نيره
ثم اكمل وهو يغمض عينيه وهتف بصوت ضعيف :
شايف قدامي كل الي حواليا بيحملوها هي الذنب وانا مش قادر اتكلم ولا اقول اي حاجه انا جبان وزباله اوووي
_ ياااه جه اليوم الي اشوفك فيه يا فادي متعذب كده
قالتها وهي تبستم بتشفي ليقول هو :
عارف انك فرحانه فيا حقك بردو
نهايته عايز ايه ؟!
_ عايز ارتاح واقدر اغمض عيني وانام عايزك تسامحيني وعايز كمان نيره تسامحني
_ مش هيحصل محدش هيسامحك وانت عمرك ما هترتاح هتفضل بتتعذب كده طول حياتك لحد ما ربنا ياخدك والبشريه ترتاح منك
قالتها وانهت المكالمه علي الفور
___ ___ __ _ _ _ _ _ _ _ _ _ __ _ _
_ ايه الاخبار عندك ؟!
قالها سليم وهو يتحدث بالهاتف لتجيبه هي :
اول ما عرفت ان الباب مقفول عليها فضلت تعيط وتخبط في الباب لحد ما تعبت ونامت جمبه
قالتها وهي تنظر الي نيره النائمه بجانب باب الشقه ليقول سليم ;
شويه وهتتعود المهم عينك عليها واوعي تسهيكي وتاخد منك المفتاح وتخرج براه الشقه فهماني ؟
_ حاضر يا استاذ سليم
انهت المكالمه معه ثم اقتربت من نيره وهتفت وهي تهزها برفق :
قومي يا حبييتي نامي في الاوضه
فتحت عينيها نيره بصعوبه بسبب البكاء وهتفت :
انا مش عايزه افضل محبوسه هنا
_ مين قال انك محبوسه ؟ انتي قاعده في بيتك وعندك كل حاجه اكل ولبس وتلفزيون بذمتك في حد محبوس يبقي عنده الحاجات دي ؟
بكت نيره وهي تقول :
انا مش عايزه كل ده مش عايزه هو انا علشان بابا رميني اتهبدل البهدله دي
اغمضت عينيها وهي تصرخ باكيه :
ليه يا ماما موتي وسبتيني ليه موتي وخلتيني اتبهدل البهدله دي كلها لو كانت عايشه مكنش حصل فيا كل ده يارب خدني عندها يارب علشان ارتاح من حياتي دي
___________________
استطاع سليم اقناعها وارتدت اشرقت خاتم خطبتها مره اخري تنهد سليم وهتف :
اياكي تشليه من ايدك تاني فاهمه ؟
_ موضوع نيره هتخلصه امته بابا لو عرف انك اتجوزت مش هيعدي موضوع بساهل
_ وهيعرف منين ؟! باباكي مش بيتابع اخبار ولا اي حاجه وعموما يا ستي انا عندي حل احنا نتجوز الايام دي ايه رايك؟
_ نعم يا حبيبي؟ عايز تتجوزني علي واحده !!
_ يا بنتي انسي نيره دي بصي نيره بنسبالي اختي الصغيره بنتي الي مسئوله مني بس واهو قدامك كلمت عايده
_ ميخصنيش كل ده تطلق نيره نتجوز
ضغط علي شفتيه بضيق قائلا :
ماشي استني بقي لحد الفتره دي ما تعدي
_________________________
مر يوم اثنين ثلاثه اربعه خمسه ست سبع ثمانيه تسع عشر ... ومرت الكثير من الايام عليها وهي سجينه في تلك الشقه ولم ياتي احد لزيارتها حتي سليم ..
لاول مره تشعر بالكره ناحيه سليم ذلك
جلست امام التلفاز تقلب به بملل لتجد علي احدي القنوات وزير التربيه والتعليم وهو يقول انه بعد نصف ساعه موعد ظهور نتيجه الثانويه العامه
_ وانا دلوقتي اجيب النتيجه ازاي !!
تحركت من مكانها ثم هتفت الي عايده التي تقوم بطهو الطعام :
ممكن يا طنط تديني موبيلك بعد شويه اجيب نتيجه بتاعتي
_ سامحيني مش هينفع استاذ سليم منبه عليا متمسكيش موبيل خالص
_ الله يحرق سليم يعني الناس كلها تعرف نتيجتها وانا لا !! حرام عليكي يا طنط اعتبريني بنتك طب بصي انا هقولك رقم جلوس بتاعي وانتي هاتيها ينفع ؟!
صمتت عايده بتفكير ثم هتفت :
ماشي بس اياكي تجيبي سيره لاستاذ سليم اتفقنا
احتضنتها نيره وهي تقول بفرحه :
ولا هيعرف اي حاجه متقلقيش
بعد مرور الوقت
تجلس نيره بجانب عايده التي تحاول الحصول علي نتيجه الخاصه بنيره هتفت هي :
اكيد علشان في ضغط علي موقع حاولي تاني يا طنط بالله عليكي
_ اهو يا نيره بحاول
وبعد ثانيه هتفت عايده :
فتحت
_ وريني كده اشوف كام وريني وريني
نظرت نيره الي الشاشه وهتفت بعدم تصديق :
60% ماشالله عليا جبتها ازاي دي ؟! وكمان مطلعتش بمواد الله عليا ممتازه يا نيره
_ انتي بتكلمي بجد ولا بتتريقي علي نفسك ؟
قالتها عايده باستغراب لتقول نيره :
طبعا بتكلم بجد انا كنت خايفه اسقط خالص تعرفي
تزغردي ؟
حركت عايده بنعم لتقول نيره :
يلا كده ارقعي زغروده محترمه بسبب نجاحي الخطير ده
استجابت لها عايده وهي تبتسم ثم قامت باطلاق زغروده عاليه لمده عدده ثواني ضحكت نيره وهي تقول :
ايوه ايوه اديها اكتر يا طنط اكترر
_ خير خير ليه الزغاريد دي كلها ؟!
قالها سليم الذي دلف توءآ للشقه اختفت ضحكت نيره ثم اشاحت بوجهها بعيدآ لتقول عايده :
دي بمناسبه نجاح نيره ..
تعليقات
إرسال تعليق