رواية وقعت في عشق المنتقم الفصل الرابع عشر 14 بقلم موني وسكر
رواية وقعت في عشق المنتقم الفصل الرابع عشر
ونزل فهد بسرعه ركب عربيته وراحلها
اول ما دخل الاوضه. جريت عليه وحضنته وعيطت وكانت ماسكه الرساله ف ايدها
فهد: اهدي بس وفهميني ايه ال حصل
اسيل بعياط: ع.... عمار... بعتلي.. د دي
وادته الرساله
فهد قراها
فهد : اهدي ده مجرد تهديد وهو لو يقدر يعمل حاجه كان عملها دلوقتي
اسيل: يا فهد عمار شراني واكيد هيعرف يدخلي
فهد : مش هيعرف يعمل حاجه ممكن تهدي بقا وتبطلي عياط
اسيل مسحت دموعها : انا اسفه اني جيبتك ف وقت زي دا
انا بس كنت خايفه اوي
فهد : مافيش داعي للاسف
انا كده كده امي مش طيقاني وهتفضل تقطمني لو روحت فهبات هنا اكرملي
اسيل:ليه مش طايقاك؟
فهد : يييييه حكايه طويله
لما اصحي ابقي احكيلك يلا ندخل ننام
اسيل: ماشي تصبح علي خير
فهد : وانتي من اهله
ونامو هما الاتنين
وتاني يوم
تاني يوم صحي فهد من النوم خد دوش ولبس كانت اسيل لسه صاحيه
اسيل: صباح الخير
فهد : صباح النور
اسيل:رايح فين الصبح كدا
فهد : هروح المديريه وبعد كده رايح البيت
اسيل: تمام ماشي
فهد: سلام
اسيل: سلام
وراح فهد المديريه خلص شويه شغل وراح الفيله لقي امه قاعده قدام التليفزيون
دخل فهد مكتب وليد
فهد: صباح الخير
وليد: صباح النور
فهد: ايه مفيش اي اخبار عن عمار
وليد:لا لسه مش عارفين نوصله ايه بعت حاجه تاني
فهد: لا لسه لازم تلاقيه ف اسرع وقت يا وليد
وليد:متقلقش قريب جدا انت حرص بس وخلي عينك علي اسيل
فهد: ماشي انا هروح اخلص شويه شغل بقا وامشي سلام
وليد:تمام سلام
وراح فهد خلص شويه شغل وراح البيت
اول ما دخل لقي امه قاعده بتتفرج علي التلفزيون
فهد : سلام عليكم
امينه: وعليكم السلام
وقعد ف جنب والدته
فهد : ايه يا ست الكل انتي لسه زعلانه مني
امينه: اة يا فهد لسه زعلانه لاني مربيتكش علي كدا ولا عمري كنت اتوقع انك تعمل كدا
فهد : طب قوليلي اعمل ايه عشان ارضيكي
امينه: كفايه انتقام لحد كدا وسيب البنت ف حالها بقا سيبها تعيش حياتها
فهد : والله بطلت اديقها من بعد ما ابوها اتسجن
بس مش هينفع اطلقها واسيبها دلوقتي
امينه: ليه
فهد : لسه حد من رجالة ابوها بيشكل خطر علي حياتها
امينه: يا حبيبتي يا بنتي طيب هاتها وسطنا هنا يا ابني
فهد : نعم ؟!
اجيبها فين ؟
امينه: هنا معانا ف الفيله
فهد : بلاش يا ماما احسن
امينه: ليه بلاش
فهد : مش عارف اسيل هتتعايش معانا هنا
امينه: دي شكلها طيبه يا ابني هاتها بس وانا هتعامل معاها متخافش
فهد : يا ماما......
امينه: مفيش ماما روح هاتها وتعالي لو عايز تصالحني فعلا
فهد : امري لله
حاضر
امينه: حضرلك الخير يا حبيبي هحضر الغدا علي ما تيجي
فهد : تمام
ومشي فهد ركب عربيته وراح الاوتيل
ودخل لقاها فاتحه الدولاب وقاعده قدامه بحيره
فهد : سلام عليكم
اسيل: وعليكم السلام مش عادتك يعني تيجي دلوقتي
فهد : اه
ما انا جيت عشان اخدك
اسيل: تاخدني فين؟ هنخرج؟
فهد : هنروح علي البيت
اسيل: بيت مين
فهد : بيتي
اسيل: بيتك ازاي يعني انت اشتريت شقه؟
فهد : لا
انا اقصد بيت اهلي
اسيل: نعم؟ ومامتك؟
فهد : هي الي طلبت
اسيل:فهد انت عارف انت بتقول ايه؟
فهد : اه
فين المشكله
اسيل: مامتك عرفت ازاي؟
فهد : تقصدي موضوع جوازنا
اسيل: اة
فهد : سمعتني انا وبابا بنتكلم فاضطريت اشرحلها الموضوع
اسيل: بس اكيد متدايقه مني صح؟
فهد : لا
مدايقه مني انا
اسيل بهزار: احسن فرحانه فيك
فهد : بقي كده
اسيل: ايون 
فهد : ماشي يا اسيل
اما وريتك
اسيل: خلاص يا حبيبي معدش فيه الكلام دا هبقي ف حمايه مامتك
فهد : بكره نشوف يلا البسي
اسيل: حاضر
ودخلت اسيل تلبس وتحط هدومها ف الشنطه
اسيل: انا خلصت اهو
فهد : يلا
ونزلو راحو الفيله
واسيل كانت محرجه اول ما دخلت ولقت مامته ف استقبالهم
فهد : سلام عليكم
يدخل يتفاجئ بعمته الي جت هي وبنتها بعد ما عرفوا ان فهد طلع برئ وهما اصلا كانوا اول ناس بتلسن عليه
عمته: فهد حبيبي حمدلله علي سلامتك
فهد من غير نفس : الله يسلمك يا عمتي
امينه: نورتينا يا بنتي
اسيل: ربنا يخليكي يا طنط
عمته: معرفتناش يعني يا فهد مين القموره ال معاك دي
فهد : مراتي
اسيل استغربت انه عرفها عليهم بالسهوله ديه
حاولت متبينش دا وابتسمت باحراج
عمته: مراتك فجاه كدا من غير ما حد يعرف غريبه يعني
طب كنت اعزمنا
فهد : اعزمكم ؟!
هو مش كنتو متبرين مني يادوب من قيمه يومين بس
اجي اعزم مين علي ايه بقي يا عمتي
عمته: بقا احنا نتبري منك لا طبعا دي كانت ساعه شيطان بس
اسماء: احنا مستحيل نتبري منك يا فهد وانت عارف دا كويس
امينه : اهي غمه وانزاحت الحمد لله
عمته: اة الحمد لله انزاحت عي وال كان السبب انا بدعي يتعدم مش يتسجن بس
فهد وقد لاحظ تغيرات وجه اسيل
فهد : خلاص يا جماعه
بلاش السيره ديه هو خلاص خد جزاءه
امينه: اة الحمد لله اطلعو غيرو بقا عشان الغدا
فهد : تمام
بعد اذنكوا
الكل: اتفضل
وشد اسيل من ايدها وطلعو
اسيل: فهد هو انا هقعد معاك ف نفس الاوضه؟
فهد : مش عارف
هو عمتي باتت يبقي اه
لو مشيت يبقي هتنامي في اوضة الضيوف
اسيل: طب انا دلوقتي عايزه اغير هدومي طيب
مش هقعد ب جينز انا بيخنقني
فهد : ادخلي غيري في الحمام ده
اسيل: تمام ماشي
ودخلت اسيل غيرت هدومها ولبست دريس قصير وكت وسابت شعرها زي ما هو
وبعدين طلعت
وخرجت اسيل من الحمام لقت فهد خلص لبس
اسيل: انا خلصت بس استني احط البيرفيوم دا ولا دا انا محتاره
فهد : انزلي من غير برفيوم
اسيل: يادي الرخامه خلاص انا هختار
فهد : بس يا ماما
يلا مش لازم حفلطه
اسيل: خلاص متزقش يلا
ونرلو تحت
فهد :انتي عملتي ايه صحيح مع الست سعاد
انا نسيها تماما
بتكلميها
اسيل:
مكلمتهاش بقالي حبه بس اخر مره كلمتها كانت بتحكيلي ان ادم واخد بالو
منها جدا ربنا يباركله كاني موجوده واكتر هي دايما بتدعيله والله بسبب ال
هو عامله معااها
فهد : طيب
فكريني اكلمهم بعد الغدا عشان اطمن عليهم
اسيل: طيب ماشي انا هدخل اساعد طنط
فهد : تمام
ودخلت اسيل وكانت مامته بتقطع السلطه
ربتت اسيل علي كتفها
اسيل: ارتاحي انتي يا طنط عنك هعمل انا السلطه وقوليلي بس ال حضرتك عايزاه وانا اعملو
امينه : تسلمي يا حبيبتي
هو مافيش غير السلطه وهنسخن الاكل ونغرف
اسيل : تمام
بدات اسيل تجهز السلطه و طبعا واقفه بتقول ايه الورطه ديه يعني كنت لازم اعمل فيها شاطره
لتدخل اسماء
اسماءبصوت عالي : طنط امينه
لتنخض اسيل وتقطع اديها بالسكينه
اسيل: اةةةة
امينه: يا لهوي اسيل انت ايدك اتعورت جامد واكملت بصوت عالي فهددددددد
فهد جري مخضوض هو ووالده علي المطبخ
فهد : في ايه يا ماما
آمينه: بسرعه خد مراتك علي المستشفي يا ابني ايدها اتعورت جامد
اسيل بالم: م ممفيش داعي يا فهد هات بس علبه اسعاافات
فهد مردش عليها
وخدها ومشي
العمه : هو خايف كده ليه
الجرح مش يخوف اوي كده الله
الاب : معلش يا ختي مراته وحقه يخاف عليها
يبا انتو كملوا الغدا عشان لما يجوا نتغدي علي طول
امينه : حاضر
ركب فهد واسيل العربيه وطلعوا علي المستشفي
اسيل: براحه يا فهد هنعمل حادثه
مردش عليها وفضل سايق زي ما هو لحد ما وصلو المستشفي ودخلو الطواري
وجالهم دكتور شاب في اواخر العقد الثاني
الدكتور ب ابتسامه: متقلقيش يا فندم الجرح بسيط خالص
ومسك ايدها وبدا ينضف الجرح ويعمله
اسيل كان واجعها اوي ف مسكت ف ايد فهد وحان باين عليه انو مرعوب عليها
الدكتور: علي كدا بقا احنا لازم منحطش سكاكين ف المطابخ تاني لما هيعورو الانسات الحلوين ال زيك
فهد بغيظ : نعم ؟!
طب يا ريت ننجز يا دكتور عشان في ناس تانيه هتموت بسبب الحلوين دول
الدكتور: اهدي يا فندم انا بس بهزر مع الانسه عشان تنسي الالم شويه
انا عامه خلصت
بس لازم تاخد الادويه ال هكتبها دي
وكتب الروشته ومدلها ايده بيها وابتسم
فهد خطف الروشته من ايده
فهد : شكرا
وخد اسيل وركبو العربيه
ومطلعش بيها فضل قاعد دقيقه كدااا وخبط علي الدركيسون بعصبيه اسيل اتخضت
اسيل: ايه ال حصل فيه ايه بس
فهد : في استظراف وخفة دم علي الصبح
اسيل: طب وهو انا نطقت هو اتكلم وانا سكتت مقلتش اي حاجه يعني معني كدا ان مكنش عاجبني السلام
ومسكت ايده
اسيل: علي فكره يعني مش دا ال يملي عيني يعني
فك بقا متزعلش
وبعدين بقا قريبتك دي السبب هي ال خضتني انا هروح اقتلها
فهد : برحتك
ولعي فيها اختي مش هقولك بتعملي ليه
ويلا عشان ما نتاخرش عليهم زمانهم قلقانين
اسيل: ماشي يلا
ودور العربيه وراحو البيت
واول ما دخلو امه راحت ناحيتهم
امينه: ايدك عامله ايه يا حبيبتي الف سلامه عليكي ياريتك ما عملتي السلطه
اسيل: متقلقيش يا طنط انا ايدي كويسه. متقلقيش
عمته: ايه يا جماعه هتفضلو واقفين ما تقعدو بقا
امينه: لا هقولهم يحطو الغدا علي السفره وبعدين اسيل تطلع ترتاح
وحطو الغدا علي السفره
وقعدو كلو وبعدين قامو وهو ساعدها تغسل ايدها عشان مكنتش عارفه تغسلها
اسيل: شكرا
فهد : العفو
فهد : ماما
انا هطلع ارتاح شويه
عايزه مني حاجه
امينه: لا يا حبيبي تسلم
اسيل: هي عمتك بايته؟
فهد : مسألتش
ماما
امينه قربت منهم
امينه : نعم يا حبيبي
فهد : هي عمتي هتبات
امينه : اه
اصلها جايه تصيف هي وبنتها وهيقعدوا اسبوع
فهد : حلاوه
امينه : اطلع انت ومراتك ارتاحوا وماتشغلش بالك بيهم
وخد اسيل وطلع ودخلو الاوضه
اسيل اول ما دخلت دخلت السرير كانت مش قادره
فهد: استني خدي الدوا
اسيل: طيب ماشي
واداها الدوا. ونامت علطول
وهو قعد شويه وبعدين نام
وف نص الليل حس بيها بتتكلم فكرها صحيت
قام قعد لقاها بتخطرف حد ايده علي دماغها لقاها سخنه مولعه
قام فهد وعملها كمدات مايه سقعه طول الليل لحد ما اطمن ان حرارتها نزلت ونام
يتبع الفصل التالي اضغط هنا
الفهرس يحتوي علي جميع فصول الرواية '' رواية وقعت في عشق المنتقم '' اضغط علي اسم الرواية
تعليقات
إرسال تعليق