رواية الملتزمة الصغيرة الفصل الثالث عشر 13 بقلم سمر ابراهيم

 رواية الملتزمة الصغيرة الفصل الثالث عشر 13 بقلم سمر ابراهيم

رواية الملتزمة الفصل الثالث عشر

نفس انفجرت فيه بتتكلم بسرعة وصوت عالي:- واضح اوي أن تساهلي معاك أول مرة خلاك تتجرأ زيادة عن اللزوم ولازم احط ليك حد أسمع بقى وركز اوي في كلامي أنا نفس بتاعت نفس مش بتاعت حد وايدك دي لو لمست أيدي تاني اكسرها أنا مش وحدة زي البنات اللي تعرفها ها ي اخ وبعدين ايه بتاعتي بتاعتي أنت فاهم مش حافظ ي بني مفيش عندك غير الكلمة دي

أويس مصدوم مش مصدق أنها ضربته وقالت كل الكلام دا عمره ما حد ضربه حتى عامر ومنال أهله وبس أبتسم على أخر كلامها هي معها حق ايه أنتي بتاعتي أنت بتاعتي ممكن لأنه حاسس تجها بتملك وبس مش حاجه تانية زي الحب مثلاً ما هو مش عبيط عشان يحب طفلة فاق من تفكيره الغريب وأنه نسي القلم ومشغول بكلامها على صوتها وهي بتقول

نفس:- على بال ما عقلك الصغير دا يستوعب كلامي تعالى ورايا عند جدو بدل ما يبعت حد يجيبك من قفاك بالغصب ي شاطر

،،،،،،،،،،،،،،سمر إبراهيم

في اوضة الجد

نفس:- جدو أنا أسفه على اللي هقوله بس أنا وعدت ماما وعد شرف قبل ما تموت أحافظ على نفسي ومخليش حد يلمسني بس ابن ابنك قالي أنا بتاعته ويمسك أيديا التنين دي ودي مرتين ي جدو مش مرة مرتين يعني مرة ومرة ومرة زمان ومرة انهاردة وفضل يهزني مش عارف كدا هو متربي على كدا ي جدو

الجد كاتم ضحكته على طريقة كلامها:- لا طبعاً دا عايز تربية من أول وجديد حقك عليا ي نفس هانم

نفس:- أنا علمت عليه وضربته قلم ضباط وشوف أنت بقى ربيه بمعرفك ولو اتكررت تاني مش هسكت ها أنا سكت عشان خاطرك أنت ي كبير

أويس:- نعم يختي علمتي على مين ي بت أنتي

نفس بسياسة لما شافت لون عيونه أحمر:- أختك هو أنت ترضها على أختك حد يمسكها كدا لا طبعاً بس أنا عادي لأني مليش حد يدافع عني

أويس حس بغلطه وكلمها أثر فيه جامد ميعرفش أنها بتمتص غضبه

الجد:- تحبي اطرده من البيت ي نفس لو مدايقك

نفس:- لا لا خليه بس اقرص ودنه عشان يتربى شوية

أويس:- اتربى شوية ماشي ي نفس ماشي

نفس بقوة مزيفة:- أمشي مفكر أنك بشوية العضلات دي تقدر تعمل حاجة تبقى عبيط هههههههه

أويس:- ي بت أنتـ.....

الجد:- أويس صوتك ميعلاش عليها فاهم

نفس:- طيب استأذن أنا على فكرة كنت هقول لعمو عامر بس أنت هتقوم بالوجب وزيادة ي جدو صح

الجد:- طبعاً أنتي سبيه عليا أنا هعيد تربيته

،،،،،،،،،،،،،،،سمر إبراهيم

الجد:- ليه عملت كدا معها

أويس:- بتهزر مع أسد

الجد:- وأنت مالك

أويس:- مالي اذاي يعني تهزر ليه معاه هي

الجد:- ما أنت عودتها على الهزار معاك اشمعنا هو لا ولا حلال ليك حرام على غيرك

أويس:- بس أنا قولتها متهزرش معايا ولا مع أي راجل غيري

الجد:- وقولت ليها متخليش اي راجل يمسكك أيدك ويقولك أنتي بتاعتي

أويس:- جدو أنا عملت جريمة دي لمست أيد وهي طفلة أنتم مكبرين الموضوع كدا ليه

الجد:- وهي هزرت مع ابن عمك مش جريمة أنت مكبر الموضوع وبعدين أنت قولت ليها أنها بتاعتك مرتين مش مرة مرتين اتنين مرة ومرة، مرة زمااااان ومرة دلوقتي هههههههه

أويس:- هي قالت كدا

الجد:- اسمعني ي أويس نفس كتلة طهارة وبراءة بلاش تغيرها وتتجرأ أنت معها لأنك لو لغيت المبادئ اللي ربتها والدتها عليها تتجرأ معاك ومع غيرك لو مش هنغير نفس للأفضل والعيشة معانا أثرت عليها بالسلب أخليها تعيش بعيد عننا وفي شقة واجيب ليها مربية أنا مش مستعد اخليها تتحول زي فرح بسببك أو بسبب غيرك كفاية البيت كله واقع وهي بتبني فينا نقوم احنا نهدمها

أويس بقلق:- أنا غلطان وهي كمان غلطت الأول والموضوع مش كبير للدرجة دي أنك تعيشها بعيد عني قصدي عننا كلنا يعني

الجد:- النظرة عند ربك كبيرة اوي ي أويس ما بالك لمس وبلاش تنسى كلامك مع فهد من اسبوعين مش حذرته يكلم أختك وأنت عارف أنه عايزها من زمان ومع ذلك قلتله أبعد لحد ما تكبر أنت كمان أبعد ي أويس حافظ عليها من نفسك عشان لو ربنا كرمك بيها تكون جوهرتك اللي تعبت عشان توصل ليها لو هي تسهلت معاك حتى لو أنت السبب هتقل من نظرك غصب عنك وهتبقى عادية وزي اي بت تانية وممكن تفقد الثقة فيها

أويس:- معاك حق أنا آسف وحط أيده مكان القلم وابتسم لازم اعتذر منها

في اوضة تفاؤل نفس قاعدة على الكرسي بتهز فيه لورا وقدام وتفاؤل ع السرير ووشها للباب

نفس:- بس ي ستي مفكرني زيهم من البنات اللي أنتي عرفاهم قمت ضربته حتت قلم وقع صف سنانه كله

تفاؤل حطت أيدها على بقها من الصدمة:- بجد

نفس لقيت تفاعل ضافت شطة للموضوع:- بس كدا أسكت لا طبعاً مسكته وعطيته كام كلمة ثمت بدنه بيهم كلام جامد جمدان وهو كان مرعوب أقول لحد من أهله

تفاؤل لسه مصدومة وخايفة تنطق أويس يدبحها

نفس:- بس أنا أسكت لاااااا جرجرته ورايا على جدو وسخنت جدو عليه وهو شكلة مرعوب ههههههههه

أويس:- وايه كمان كملي كملي ي اوختشي

نفس:- و و و وأنا مووووت

نفس قالت أنا موت وطلعت لسانها وغمضت عيونها ونامت على الكرسي بتمثيل أنها ميته

أويس:- قومي ي نفس

نفس بخوف:- نعم

أويس:- أنا آسف مش هتتكرر تاني وأخر مرة وحقك عليا

نفس:- عنجد شو قلت سمعني كدا تاني آسف يعني مش تسلخ جلدي وبعدها تدبحني وترميني للذئاب في الصحراء تأكل لحمي آسف اللي هو اذاي يعني مش فاهمة

أويس:- لا أنا اللي استاهل كدا مش أنتي آسف وأنا غلطان وحقك عليا مش تتكرر تاني كمان

نفس:- خلاص قبلت اعتذارك

أويس:- طيب نخلص الحساب بقى قلم وشتيمة وكدب لسان طويل يبقى الحساب كام ي بتاعت الرياضه

نفس جريت:- يبقى صافي ي لبن وقلبك ابيض وضرب البنات مش رجولة خالص ي هندسة هههههههه

أويس:- تعالي ي تفاؤل اقعدي هنا

تفاؤل:- نعم

أويس:- أنتي زعلانه مني ليه ومش بتتكلمي معايا

تفاؤل:- أنت خليت فهد يخاصمني ومن وقت كتير مش بيتكلم معايا لما أنت قولته ملكش دعوة بأختي وكسفته قدامنا أنا ونفس وجدو

أويس:- طيب أنا اخوكي وبغير على أختي فيها ايه يعني مش عيزاني اغير عليكي منه

تفاؤل:- هو كان بيوصلني المدرسة ويفسحني كتيييير اكتر منك أنت ومصطفى بس ما دام أنت بتغير خلاص مش أكلمه تاني

أويس:- طيب أنا مش بقيت افسحك أنتي ونفس علطول

تفاؤل:- ايوه أنت أحلى اخ في الدنيا وباسته

وبعد ما خرج

تفاؤل:- ههههه عليا أنا ي أويس قال بيتغير وهو أصلا كان زعلان لأن فهد خد نفس معيا وهو بيفسحني عشان يخرج نفس معاه عبيطة أنا وأصدق كلامه قال بيتغير قال مكشوف

،،،،،،،،،سمر إبراهيم

أويس راح اوضة فهد حس بيه لما اتحط في نفس مكانه ههه

فهد:- عايز ايه

أويس:- أنت زعلان مني

فهد:- هو أنت عملت حاجة تزعل لا سمح الله

أويس:- طيب من الأخر كدا تاخد نفس معاك ليه ها مالك بيها أنت كمان مش كفاية أخوك الرخم دا كل شواية يجي يستخف دمه معاها

فهد ضحك:- هو الموضوع كدا طيب قول من الأول ههههه بتغيري ي بيضة

أويس:- بقيت زيك ي خويا لسه مضروب قلم عشان مسكت أيدها قول الحمد لله أنها معلمتش عليك وأنا انقذتك من الأول تبعد البنتين دول بقوا مفترين اوي وتفاؤل بقت نسخة تانية من نفس حتى في الشكل

فهد:- ممكن أسألك سؤال هو عمي ممكن يوافق عليا وهو ومرات عمي فرق السن بينا كبير اوي ١٣ سنة مش زيك أنت ونفس

أويس:- لو تفاؤل وافقت وقتها أوعدك تتجوزها بس أبعد عنها خالص وأنا زيي زيك قررت أبعد عن نفس واسيبها تهتم بدراستها ومستقبلها ولما يكبروا ي عالم ايه يتغير ومين يعيش ومين يموت

فهد:- شكراً ي ابن عمي بس أنت بقيت تقول حكم وفيلسوف زمانك واتنازلت وجيت صالحتني هو أنت سخن ولا اتعبان أتصل بدكتور

أويس:- قلقان عليا تعالي في حضن اخوك ي فواز

فهد:- هههه هو قعدتك مع البنات علمتك التمثيل هههههههه

أويس:- الأداء بتاعي اتحسن صح

فهد:- دا أنت رايق اوي انهاردة ولا كأنك مضروب قلم منها على العموم ماما صورتك وهي بتضربك وبعتت الفيديو للبيت كله أتفرج ممكن انشره هتطلع اتريند في ساعة

أويس:- بجد بابا شاف الفيديو طيب أهرب أنا بشوية الكرامة اللي عندي هههههههه

"جماعة أويس انهاردة بيصالح كله ويصفي حسباته مش مطمنة"

،،،،،،،،،،،سمر إبراهيم

على العشاء الكل بيضحك وكتم ضحكته على أويس اللي فاهم ونفس اللي بتضحك معاهم مش عارفه على ايه بس بتضحك وخلاص

أويس:- اضحكوا اضحكوا بلاش تكتموا

الكل انفجار في الضحك ونفس ماتت على نفسها من الضحك الكل سكت وبص ليها باستغراب

نفس:- هو في ايه ههههههههه اضحكوا سكتوا ليه

عامر:- أنتي بتضحكي على ايه طيب

نفس:- على اللي بتضحكوا عليه

عامر:- ايوه اللي هو ايه يعني

نفس:- معرفش أنا قولت أدعمكم وأتفاعل معاكم وضحك زيكم عادي

الكل انفجار في الضحك مرة تانية على هبلها حتى أويس

مريم بغضب:- أنتم بتضحكوا على ايه وأنتي ي بت مامتك معلمتكش أنك عيب لما تضربي راجل بالقلم

نفس:- لا ي طنط ماما قالت ليا خدي حقك بأيدك الغلط غلط سوء عمله راجل أو ست واللي يغلط يتعاقب وعلمتني كمان أن لما حد كبير يحاول يستفذك أو يغلط فيكي أحترمه لأنه اكبر مني مهما كان مردش عليه واكسفه

مريم:- أنت مش محترمه وتربيت مامتك تربية فاشلة أكيد للسبب دا باباكي قتلها مش من قليل خلص منها

الكل:-

أحمد:- مريم مسمعش صوتك تاني فاهمة

نفس:- عادي ي عمو هي ممكن بتسأل بابا قتل ماما ليه مش شمتانه يعني وأنا هجاوبها لأنه كان شايفها فوق وهو تحت كانت تشتغل الصبح في الحضانة وبعد الظهر خدامة في البيوت كانت بتصرف عليه للسبب دا بابا قتلها لأنه أقل منها وكان بيشوف ضعفه كل ما يشوف نجاحها برغم أن شغلها لا يعتبر نجاح بس هو شايفه نجاح لأنه مش قدر يعمل زيها في ناس كدا أعداء النجاح بدل ما يطوروا نفسهم ويشتغلوا عليها ويتعبوا لا يغيظهم نجاح غيرهم احذري ي طنط منال بقى

أحمد:- نفس عيب كدا تلقحي كلام على اللي اكبر منك مش عيب

نفس:- أسفه بس محدش له الحق يجيب سيرة ماما بحاجة وحشة عن أذنكم

انسحبت على اوضتها تبكي لوحدها من حقها تبكي المفترية هذا هو كيد النساء

الجد:- مريم أنتي اللي بدأتي بالغلط معها ولو الموضع دا اتكرر تاني مكانك مع بنتك مش ناقصين وجع دماغ ومشاكل على الأكل

مريم:- ليه عشان زعلت ست نفس ننطرد كلنا حشرات بتحركهم على مزاج ست الحسن والجمال

أحمد:- أنت شايفه نفسك حشرة براحتك وصوتك لو علي على بابا تاني اعتبر نفسك طالق

مريم عايز تطلقني علشانها ي أحمد

أحمد:- لا عشان لسانك طول وبترفعي صوتك ع الكبير والصغير شكلك نسيتي ي مريم أنك زي نفس ملكيش حد

مريم انحرجت من كلامه وقامت مشيت

منال كانت مبسوطة في عدوتها وفضلت السكوت

وأسد وفهد زعلو على مامتهم وشايفين أنها انحرجت اوي من كلام باباهم ونفس

أما أويس كل تفكيره في نفس هو لمح دمعة على طرف عينها وهي بتتكلم كانت بتخبيها

وتفاؤل بتاكل عادي أهم حاجة تعبي الكرش وبعدين تواسي نفس

الجد:- أحمد أحترم مراتك عيب تقول ليها كدا قدام حد

أحمد:- ما أنت شايف ي بابا كلنا مبسوطين نكدت علينا نسوان نكد أما أقوم اصالحها بقى

الكل ضحك وأحمد راح لمريم

مريم:- جاي ليه ها

أحمد بصوت عالي:- بس أسكتي أنتي ليكي عين تتكلمي بعد اللي عملتيه علو صوت على أبويا وعايرتي نفس أن أبوها قتل أمها طيب هي ايه ذنبها وبعد دا كله جايه تتكلمي معايا

مريم:- بس مكانش قصدي اعايرها أنا كنت مدايقه على فرح ونفجرت فيها

أحمد:- تعالي ي مريم أبكي عشان ترتاحي بس نفس مش غلطت على فرح ولا هي قالت ليها كلمي شباب دي ليها سنين بتخون ثقتنا فيها طيب فاكره لما فرح حاولت تقتلها هي عملت ايه رفضت تحبسها ووقفت ضد أويس صح

مريم:- صح أنا اذاي نسيت كل دا أنا أسفه حقك عليا أروح أعتذر من عمو وعلى فكرة أنت قولت مليش حد لا أنا ليا ربنا وأنت كنت سند ليا بعد موت أهلي واتجوزتني ووقف في وش أهل بابا اللي طمعنين في الورث بتاعي وحميتني منهم أحمد أوعى تقول طلاق تاني أنا بخاف من الكلمة دي

أحمد:- آسف ي مريم كلام في وقت الغضب مكانش قصدي

مريم حضنته وفضلت تبكي كتير وتشكيله منه وهو فضل يطبطب ويدلع يستاهل هو زعل النسوان بـ السهل

،،،،،،،،،،، سمر إبراهيم

منذ قليل

فرح في اوضتها قربت تسمع صوتهم والضحك بتاعهم من بعيد وفضلت تبكي بحسرة ودخلت اوضتها وقفلت على نفسها

الباب خبط وهي فتحت

مجهول راح ليها :- أنتي مش فارقه مع حد منهم كلهم بيضحكوا ومبسوطين من غيرك

فرح:- والمطلوب

مجهول:- تكسبي ثقة العيلة تاني خلال الفترة دي غيري طريقه لبسك وصلي قدامهم وكدا

فرح:- معدتش فارقه أمشي بقى عايزة أفضل لوحدي

مجهول:- موضع نفس مطول اوي حاول ترجعي مكانتك عشان لما ننفذ هحتاجك معايا

فرح:- ماشي أنا معاك في أي حاجة تدمر نفس

،،،،،،،،،،

سمر إبراهيم إبتسامة عابرة

نفس بعد شوية طلعت تعتذر من مريم لأنها غلطت عليها

نقس:- طنط أنا أسفه بس مش بحب حد يجيب سيرة ماما مهما كان

مريم:- آممممم ممكن أسامحك بس بشرط تخلي جدك يسمح لفرح تروح كليتها

نفس:- وأنا مالي أنا قولت ليها تكلم شباب ولا قلت ليكي سيبي بنتك من غير رعاية وهتمي بمشاكلك مع طنط منال

مريم:- بت أنتي لسانك طويل بس تعجبيي في الإقناع وبعدين أنتي اللي في قلب الكبير وروح جدو ولو قولتي ليه حاجة تتنفذ

نفس:- والمقابل أصل سماحك بصراحة ميأكلش عيش ي مريومة

مريم:- اشطاا طلباتك ي قطة

نفس:- أنا قطة اه بس بعرف اخربش اللي يضحك عليا وطلباتي كلها هي وحدة نوتيلا ولا اكتر ولا أقل

مريم:- ماشي ي نفس بس مردوده ها افتكريها

نفس:- ماشي ابقى افتكرها سلام

مريم:- سلام ي قطة جاتك القرف مستغله سبعين جنية دفعة واحدة هههههههه هو أحمد راح فين استغله أنا كمان  

 

يتبع الفصل التالي اضغط هنا

الفهرس يحتوي علي جميع فصول الرواية '' الملتزمة الصغيرة '' اضغط علي اسم الرواية