رواية علاقة حب الفصل السادس 6 بقلم ندى عاطف
رواية علاقة حب الفصل السادس 6 بقلم ندى عاطف
الفصل السادس.
____________
رحاب:_ واه حاجه كمان.
سارة:_ ايه.
رحاب:_ بس هتجوبيني بصراحه!
سارة:_ اتفضلي.
رحاب:_ انتي ليه مكملتيش في علاجك؟!
سارة بخنقه:_ ماما قولتلك متجبيش السيرة دي بعد اذنك.
رحاب:_ مجبهاش ازاي يا سارة، انتي عايزا يحصلك حاجه.
سارة:_ حاضر يا ماما هاخد العلاج خلاص.
قومت من قدامها وروحت اوضه سما.
سما:_ مالك يا اختاه.
سارة:_ سبيني في حالي يا سما.
سما:_ ايوا بقى انتي خلاص هتشوفي نفسك علينا بقى وهتبقى زوجه فارس الشناوي.
مسكت المخده وحدفتها بيها وقولتلها:_ بس يا بت.
سما بضحك:_ خلاص طيب مالك.
سارة:_ مفيش حاجه انا هنام.
سما:_ أحم معلش بس هو دا سريري!!!!
سارة:_ هنبدل الاوضه.
سما جريت من الاوضه وهيا بتقول:_ اشطاااا هاخد التكييف.
_____اليوم اللي بعد التاني___في قصر الشناوي______
فارس:_ صباح الخير.
محمد:_ صباح النور، عندنا شغل كتير النهاردة.
فارس:_ تمام هو تميم فين.
محمد:_ في صاله التدريب هو وسليم، اصله ناوي يتعلم الملاكمه.
فارس ضحك ضحكه سخريه وخد جاكت البدله وخرج من الاوضه في ثبات.
نزل وهو بيلبس الجاكت، وبيقول بصوت رجولي قوي.
فارس:_ سليم.
الصمت عم المكان لمده قليله بعدها ظهر شاب وسيم صاحب جسم رياضي لحد كبير، عنده دقن خفيفه بتزيده وسامه وصاحب عيون بنيه وشعر بني.
سليم بصوت جادي:_ صباح الخير يا فارس.
فارس بجديه:_ صباح النور خير يا سيادة الرائد أعتقد عندك مؤمريه بعد ساعه.
سليم بص في الساعه وخبط راسه بأيده وقال:_ انا نسيت.
فارس وهو داخل صاله الملاكمه:_ اشوفك بليل يا سليم.
فارس دخل الاوضه لقىٰ تميم واقع على الارض وبيتلوى.
تميم بألم:_ شوفت يا فارس شوفت اخوك عمل في اخوك الصغير ايه.
فارس قومه من على الارض وقاله:_ اظن عندك مستشفى مستنياك النهاردة خمس دقايق تكون في الطريق.
تميم بألم:_ حاضر
فارس خرج من عند تميم ومشي في اتجاهه للعربيه.
واتحرك ناحيه الشركه.
_في بيت عبد الله____
سما:_ بت يا سارة تفتكري الفستان دا هيبقى حلو عليا.
سارة:_ اه شكله لذيذ.
سما:_ هو انا باخد رايك في وصفه المكرونه.
سارة:_ شكله حلو.
سما:_ خلاص انا هلبسه النهاردة لما يجي فارس واهله.
سما قالت جملتها وخرجت وشويه ولاقيت سلمى داخله عليا.
سلمى:_ سوسو.
سارة:_ نعم.
سلمى:_ ايه رايك في الفستان دا.
سارة قامت من على الكرسي وزقيتها برا الاوضه وهيا بتقول:_ الحمدلله الحمدلله بخير والله.
وقفلت الباب.
بعدها الباب اتفتح لاقيت رحاب.
رحاب:_ خدي الفستان دا البسيه لما فارس يجي.
سارة بعصبيه:_ هو في ايييييييييه!؟
رحاب لسلمى:_ ايوا جايا اهو.
ورمت الفستان في وشي ومشيت.
مسكت الفستان اشوفه لاقيت معاه جواب فتحته وقرات اللي فيه.
مفهمتش حاجه بس خبيت الورقه في كتاب على المكتب.
_الساعه سابعه بليل____
لبست انا وسما وسلمى وبابا وماما واستعدينا لقدومهم.
الجرز رن!!.
معرفش ايه حصل بس انا وسما وسلمى جرينا على الاوضه مره واحده.
طبعا كنا بنتصنت من جوا.
سما:_ بيقول ايه ها ايه اخواته قمر صح.
سارة:_ اسكتي مش عارفه اسمع.
فضلنا قاعدين ربع ساعه بعدها لاقينا بابا جه الاوضه.
عبد الله:_ في ايه واقفين على الباب ليه.
سما:_ احم احم ايه دا ايوا نسيت الكيكه اللي معملتهاش في الدولاب قصدي الفرن.
وجريت من الاوضه ومعاها سلمى.
عبد الله:_ نقرا الفاتحه يا بنتي.
سارة:_ على خيره الله يا بابا.
بابا خرج بعدها بخمس دقايق سمعت زغاريط.
قلبي انشكح.
بعدها طلعت في البلكونة واشوفهم وهما ماشيبن.
وسما وسلمى وقفوا معايا.
لاقينا فارس لابس بدله سودا حلوة اوي هو حلو اصلا قمر
احم اكدب يعني.
فارس شافني ابتسملي ودخل العربيه واتحرك ومشي بعد ما غمزلي.
كنت هدخل عشان اتكسفت بس لاقيت سما سرحانه ببص تحت لاقيتها سرحانه في شاب طويل ومفتول العضلات وعنده غمازات وقمحاوي ولابس بدله كحلي.
والمصيبه ان هو كمان سرحان فيها، جيت الف عشان اقول لسلمى الحقي لاقيتها باصه على شاب طوله عادي عنده عضلات بس جسمه مش ضخم دقنه خفيفه وشعره ناعم ولابس بدله رمادي.
معرفتش اعمل ايه دخلت جوا لما لاقيت الشاب ابو بدله رمادي بصلنا وهو رافع حواجبه في استغراب.
شويه ولاقيتهم جايين عليا.
سارة:_ خير يا اختي انت وهيا ايه الجو بتاع مسلسل حب اعمى دا.
سما بتوهان:_ ايه؟ لا ابدا انا بس بصيت على العربيه عشان شكلها حلو اوي.
سارة وهيا بتغمز:_ والله.
سلمى هربت في سكات ودخلت اوضتها ووراها سما.
شويه ولاقيت بابا جه قعد جنبي وقالي:_ احنا حددنا معاد للخطوبه، هتبقى بعد شهر ان شاء الله.
سارة بإبتسامة:_ تمام يا بابا.
دخلت الاوضه لاقيت فارس بيرن رديت عليه.
سارة:_ الو.
فارس:_ وحشتيني.
سارة:_ لم نفسك.
فارس:_ حاضر ممكن كيس الم نفسي فيه.
سارة بضحك:_ بقولك هو انت جبت مين من اخواتك.
فارس:_ جبت تميم ابو بدله رمادي وجبت محمد سليم كان هيجي بس هو في مؤمريه وكدا.
سارة:_ اوكي.
فارس:_ المهم بقى كلها شهر وهنتخطب وبعدها بكام اسبوع هتبقي مراتي رسمي.
سارة بكسوف وتوهان:_ الو الو الشبكه وحشه الو.
فارس بمكر:_ آه الشبكه وحشه انا عارف انا الشبكه بتقطع في وقت معين عموما تصبحي على خير يا حبيبتي. سلام.
قفلت المكالمه على طول وكالعاده ابتسمت من الودن للودن.
_ في مكان مهجور في القاهره_____
دخل الراجل المكان وهو بيقول:_ اؤمري يا ست البنات.
خدت نفس من السجارة وقالت:_ اسمع يا فتحي انا عيزاك تجبلي كل معلومه عن البت اللي اسمها سارة اللي فارس اتقدملها.
فتحي:_ تحت أمرك.
البنت:_ بس خد بالك، انا عايزه المعلومات تكون عندي بكرا بليل يا اما رقابتك يا فتحي.
فتحي وهو يبلع ريقه:_ تحت أمرك يا ست هانم.
البنت:_ بعتلها الجواب.
فتحي:_ حصل وقراته بنفسها يا ست هانم.
البنت بإبتسامة خبيثه:_ كدا احنا ماشيين عال العال عشان تعرف ازاي تاخد مني فارس.
فتحي:_ بس في حاجه يا هانم.
البنت:_ ايه.
فتحي:_ الست سارة مريضه قلب ومش بتاخد العلاج واظن دا هيفيدك.
البنت بخبث:_ جت من عند ربنا، يبقى احنا في اقرب وقت ننفذ، واهو يبقى قضاء وقدر.
فتحي والبنت ضحكوا ضحكه شر وخبث وبعدها فتحي مشي.
يتبع الفصل السابع اضغط هنا
الفهرس يحتوي على جميع فصول الرواية "علاقة حب "اضغط على اسم الرواية
تعليقات
إرسال تعليق