رواية حب خارج ارادتي الفصل الثاني والعشرون 22 بقلم ماهي أحمد
رواية حب خارج ارادتي الفصل الثاني والعشرون 22 بقلم ماهي أحمد
(في نفس الوقت في المستشفي )
مراد : عامل اي دلوقتي ياشريف
شريف: ( وهو مخنوق ومضايق) كويس يامراد
مراد : مالك ياشريف فيك اي
شريف : يعني لو قولتلك هتجاوبني يامراد
مراد : ما تقول ياشريف مالك في اي
شريف: غرام ركبت مع عز العربيه ليه يامراد
مراد : وانا اي اللي عرفني
شريف : لاء انت عارف كويس انا اللي مكنتش فاهم يامراد
مراد : فاهم اي
شريف: ان غرام بتحب عز
مراد : انا مش هقدر اقولك اذا كانت بتحبه ولا لاء ياشريف هي عمرها ما قالت كده
شريف: طيب وعز بيحب غرام ولا مابيحبهاش
مراد ( اتوتر )
شريف: رد عليا يامراد عرفني بيحبها ولا لاء
مراد : ايوه بيحبها واليوم اللي عرفت في انها حامل كان هيعترفلها بحبه
(شريف اتكسر وزي ما يكون حد جاب سكينه وحطها في قلبه )
شريف: وليه محدش قالي ليه ماحدش عرفني ان اخويا اللي ماليش غيره في الدنيا اخيرا بيحب
مراد : عشان انت ماسألتش ياشريف ومكنتش عايز تشوف ان اخوك اتغير ومبقاش زي الاول
شريف: عندك حق يامراد انا كنت غبي ومش فاهم او مكنتش عايز افهم
مراد : طيب وهتعمل اي دلوقتي
ايمان دخلت علي الكلمه دي وبقت تزعق
ايمان ( بصوت عالي ) : هو برضوا اللي هيعمل اي .. انا اللي هعمل اي في المصيبه دي هقول لابويا وامي ايه
مراد : ابويا 🤨
مراد : اي ابويا دي ياايمان
ايمان : ياعم سيبك مني بلا ايمان بلا زفت انا كده هاروح في ستين داهيه ابويا شاري البيت ده بالتقسيط وعليه قساط اروح اقوله اي انا دلوقتي البيت مدمر يامراد مدمر
مراد : قساط .. انتي يابت انتي مش مفهماني انكم معاكم فلوس واغنيه وابوكي مستشار
ايمان : ايوه مستشار بس احنا في العادي يعني مش مليارديرات
مراد ( راح حط ايده علي كتف ايمان وابتسم )
مراد : والله كنت عارف بس مارضيتش احرجك كل شويه تقوليلي بيتنا اللي في سويسرا .. بيتنا اللي في سويسرا وانا كنت بسكت واقول ما حلتهمش غيره تتفشخر بي
ايمان : مرااااد انا علي اخرى منك بابا لو عرف مش هيجوزنا انت مش فاهم حاجه
مراد : هو مين ده اللي مش هيجوزنا عليا الطلاق منك
شريف : (ابتسم )
مراد : لا نتجوز غصب عن عين ابوكي كمان
ايمان : انت طلقتني قبل ما تجوزني يامراد
مراد : لا لا انا ببينلك جديه الموقف واني هتجوزك عافيه ذوق هنتجوز عادي
ايمان : طيب هنعمل اي في البيت دلوقتي 🥺
مراد : ماتقلقيش هنصلح ابوه
-----------------------بقلمي مآآهي آآحمد----------------------------
(في نفس الوقت )
غرام بعدت عن عز وزقته بعيد عنها
غرام : انت بتعمل ايه ياعز .. انت بتعمل اي
عز : غرام انا .. انا مش عارف عملت كده ازاي
(عز جه يقرب منها )
غرام رجعت خطوه لورا
غرام : اوعي تقرب مني انت فاهم .. انت ايه فاكر كل الناس علي مزاجك ولا اي وقت ما تبقي عايز تقرب .. تقرب ووقت ما تكون عايز تبعد .. تبعد
عز : ( بخنقه ) غرام انا لما بوستك انتي كمان بوستيني معني كده ان انتي كمان عايزه كده
غرام ادت عز ضهرها واتوترت
غرام : ( بتوتر ) انا .. اقصد .. اي .. اي اللي انت بتقوله ده
لاء طبعا
عز : مافيش لاء طبعا انا عارف انا بقولك ايه
غرام : ومش معني دلوقتي يعني اللي قربت مني ياعز
عز بعد عن غرام وضرب ايده علي الازاز دخلت في ايده ازازه جابت دم
عز : مش عارف ياغرام .. مش عارف
غرام قربت بسرعه من عز وهي مخضوضه عليه
غرام : عز وريني ايدك
عز بعد ايده عن غرام
عز : ابعدي ياغرام
غرام : لاء مش هبعد وريني ايدك
غرام شدت ايد عز وقربتها منها وشالت الازازه اللي جوه ايديه
عز بقي يبصلها وهي بتشيل الازاز من ايده وبتبص علي ايديه وابتسم
غرام : مش تخلي بالك انت ليه عصبي اوي كده ياعز
عز : ( كان باصص لغرام وبس مكانش بيرد )
غرام بلعت ريقها
غرام بصت في عنين عز
غرام : انا هربطلك الجرح
عز : شاور براسه من غير ما يتكلم ومره واحده راح بص علي بطن غرام وافتكر انها حامل وان ماينفعش يعلق نفسه بيها اكتر من كده
عز : ( ريأكشنات وشه اتحركت )
سيبي ياغرام
غرام : في اي ياعز مالك انا عملت حاجه غلط
عز : بقولك سيبي ايدي
عز شد ايده من ايد غرام وبقت ايده الدم بينزل منها وبقي ما بين صوابعه دم
غرام : (بغضب) انت عارف ياعز لاول مره بحس ان شريف احسن منك الف مره علي الاقل هو وقف قصادك وقال انه عايز يتجوزني علي الاقل واجه المشكله لكن انت دايما بتهرب منها
عز : انتي شايفه كده
غرام : انا مابقيتش شايفه غير كده ياعز
انا اسفه لنفسي علي كل يوم ضيعته وانا فاكره انك ممكن تكون بني ادم وبتحس وعندك مشاعر زينا
غرام لسه هتكمل كلامها عز اخدها وشدها لي بسرعه وحط ايده علي بوقها ووقفوا ورا الباب بسرعه بقي عز واقف وغرام في حضنه بس مدياله ضهرها وحاطط ايده علي بوقها وخدودها وشفايفها بقي فيها دم من ايد عز
مره واحده الباب بقي يتفتح بالراحه جدا وعز لقي واحد داخل عليهم وماسك المسدس بتاعه غرام حبسها نفسها هي وعز ومش قادره حتي النفس تطلعه عز ساب غرام بالراحه جدا وشاورلها انها تسكت وماتتكلمش راحت غرام حطت ايدها علي بوقها وشاورت كده براسها انها مش هتتكلم وعز بعد عن غرام خطوه ومشي ورا الراجل وهو بيتسحب وكان بيمشي بالراحه اوي وجاب زي خشبه طويله حطها علي رقبه الراجل من وراه وبقي يخنق فيه .. يخنق فيه ومره واحده في واحد جه من ورا عز ومعاه مسدس ولسه هيضربوا بالنار
غرام : ( وهي بتترعش ) خللي بالك ياعز
عز بسرعه لف الراجل اللي وبقي هو اللي في وش الطلقات والتاني ضربه هو بالنار الراجل وقع اللي كان عز مسكه وكان في مسدس قدام غرام بتاع عز في الارض راحت غرام مسكته بسرعه وهي مغمضه عنيها بقت تضرب نار علي الراجل وبقت تضرب في كل حته هي مش شايفه اصلا هي كانت مغمضه عنيها ومابتعرفش تضرب نار
عز بعد عنها بسرعه لا طلقه تيجي فيه
عز : خلاص ياغرام كفايه .. كفايه ياغرام مات
غرام وقفت ضرب نار وهي مرعوبه وقلبها بيدق
غرام : انا .. انا .. قتلت ياعز قتلت
عز : بالراحه وهو بيقرب منها .. هاتي المسدس ياغرام ..
غرام من كتر ما كانت مصدومه كانت ماسكه في المسدس جامد جدا
عز : بالراحه .. اهدي .. هاتي المسدس .. ماتخافيش انا معاكي
غرام واحده واحده وقعت المسدس من ايدها وعز اخده بسرعه وحطه ورا ضهره واخدها فب حضنه
عز : غرام بصيلي كويس احنا لازم نطلع من هنا قبل ما حد تاني ييجي فهماني ياغرام
غرام : ( شاورت براسها وهي بتترعش )
ايوه .. ايوه فهماك
عز اخد غرام وبقوا يجروا سوا .. يجروا سوا لحد ما عز بص مالقاش حد وراه وبعد تماما عن الناس اللي بتجرى وراه بس للاسف هو تاه ما بين الغابات والجبال اللي ماليانه بالتلج حرفيا ومبقاش عارف يرجع علي الطريق ازاي
غرام : عز انا تعبت اوي مش قادره اجرى اكتر من كده خلاص
عز : معلش اتحملي شويه كمان
غرام : لحد امتي ياعز احنا بقالنا ساعه بنجرى احنا بعدنا عنهم اوي احنا حتي مانعرفش احنا فين
عز بيبص لقي نار شغاله من بعيد اوي
عز : طيب خليكي هنا ولو ما جيتش اوعي تيجي ورايا
غرام : ليه انت رايح فين
عز : هشوف النار اللي هناك دي جايه منين
غرام : لا طبعا ماينفعش لا تكون ناس مش كويسه يطلعوا علينا
عز : عشان كده بقولك خليكي هنا عشان اشوف الاول اي اللي بيحصل
غرام : لا انا هاجي معاك وحطت ايدها في جيب عز
عز بصلها كده باستغراب
غرام : خلاص انا حطيت ايدي في جيبك مش هعرف اطلعها
عز بصلها كده وابتسم
عز : طيب تعالي
عز راح هو وغرام واول ما وصلوا لقوهم مجرد ناس عامله cambing
عز : hi do you speak english
واحد من الشباب : so .. so
( شويه .. شويه )
بقلمي مآآهي آآحمد
الشباب دي كانت بنات وولاد مولعين نار وعاملين زي خيمه صغننه اوي وهما بيقضوا الليل عشان بيتسلقوا الجليد الصبح وبينزلوا من علي الجليد عشان يعملوا ice skating
عز : We can sit with you until morning, not just now
( نقدر نقعد معاكم لحد الصبح مش اكتر )
في بنت ردت : ya sure have seat
( اتفضل اقعد اكيد )
عز وغرام قعدوا معاهم وبقوا كلهم حوالين النار وبيدفوا وبعدها بنت شغلت الفون بتاعها علي music هاديه جدا ومدت ايدها لحبيبها انهم يرقصوا سوا وحبيبها قام معاها ورقصوا سوا
غرام بقت تبصلهم وهي مبسوطه اوي وبتبسم لان الولد والبنت دوول كانوا مندمجين مع بعض لدرجه انهم ناسيين اللي حواليهم عز كان بيبص لغرام من غير ما تاخد بالها وبقي يسرح في جمال ضحكتها
وبعدها كل ولد بقي يقوم بنت يرقص معاها لحد ما ولد من اللي قاعدين مد ايده لغرام عشان ترقص معاه غرام كانت هتموت وترقص راحت لسه هتمد ايدها للولد عشان تقوم معاه راح عز بقي قدامها في لحظه وشدها لحضنه وبقوا يرقصوا slow سوا
عز : ( وهو مقرب وشه اوي من غرام لدرجه انه كان سامع صوت نفسها )
عز : كنتي عايزه تقومي ترقصي معاه
غرام : ويخصك في اي
عز : انتي ناسيه انك مراتي
غرام قربت من عز اوي واتكلمت في ودنه بهمس
غرام : قصدك كنت مراتك انت ناسي انك طلقتني
عز : ( وهو بيرقص مع غرام نزل ايده من علي ضهرها بالراحه اوي وحط ايده علي وسطها وقربها اكتر لي
عز : وممكن ارجعك في اي وقت
غرام : ترجعني وجوازنا باطل ياعز
عز : ( قرب من ودنها اوي وبقي يقولها ) ارجعك لو انتي نفسك باطل لو عايز اعمل حاجه هعملها ياغرام
بقلمي مآآهي آآحمد
عز ساب غرام ومشي وراح وقف بعيد عنهم واداه غرام ضهره وطلع سيجاره من جيبه وولعها وبقي ينفخ فيها
جت بنت من البنات اخدت can bera ( ازازه بيره ) وادتها لعز ومدت ايدها عشان تسلم علي عز
البنت : Hi I'm Catherine
عز اخد منها البيره وبصلها من فوق لتحت
عز : thanks
وسابها ومشي
واخيرا الاجواء هديت وابتدوا يناموا وفي ولد منهم ادا لعز
وغرام سرير للتخييم لكل واحد عشان يناموا فيه عز دخل فتح السرير لغرام
عز: نامي
غرام : لاء مش عايزه انام انا اصلا
عز : ( بزعيق) غرام نامي اخلصي
غرام : طيب .. طيب خلاص ماتزعقش
بقلمي مآآهي آآحمد
غرام نامت وعز قفل عليها السوسته من الجانبين وبقت غرام بصه للسما
وعز كمان نام وقفل السوسته بتاعته وبقي باصص للسما وكان نايم جنب غرام وهما الاتنين كانوا صاحيين محدش نام
غرام : عز .. عز .. انت نمت
عز : لاء
غرام : بتفكر في اي
عز : ولا حاجه
غرام : شايف النجمه اللي هناك دي
عز : لاء مش شايف
غرام : ياعز دي هناك اهيه بص عليها كويس
عز : مالها ياغرام النجمه دي
غرام : دي نجمتي
عز : نجمتك ازاي يعني مش فاهم
غرام اتعدلت وبصيتله
غرام : افهمك لما كنت صغيره مكانش ليا مكان ولا انا ولا ولاء اختي فكنا بنام في البلكونه صيف شتا ودايما كنا بنبص للسما واحنا نايمين واول ما نبص للسما كل واحده فينا كل يوم تختار نجمه وتقول عليها نجمتها عشان كده اول ما بصيت للسما اختارت النجمه اللي هناااااااك دي عشان تكون نجمتي النهارده
عز بقي يبص للسما وبص ناحيه غرام
عز : ولسه فاكره بقي الحاجات اللي كنتي بتعمليها وانتي صغيره
غرام : اه طبعا عارف ليه
عز : ليه ياغرام
عز : عشان لسه بعملها وانا كبيره دلوقتي ياعز
عز بصلها واتنهد وبقي يقول في نفسه
عز : ( كان نفسي احتفظ بحاجه من طفولتي زيك كده ياغرام بس للاسف انا اتربيت والكل بيعاملني علي اني راجل وشايل مسؤوليه مش طفل
غرام : عز .. عز .. روحت فين
عز : اي .. لا لا ابدا مافيش
غرام : طيب يلا بقي اختار نجمتك
عز : اختار نجمتي اي بطلي كلام فارغ
غرام : كلام فارغ .. كده طيب اي رايك بقي اني مش هسيبك الا لما تختار النجمه بتاعتك
عز : مصممه يعني
غرام : جدا
عز : طيب اللي هناك دي
غرام : يااااه دي بعيده اوي عن نجمتي
عز : هي لازم تبقي قريبه من نجمتك
غرام : سكتت ونامت علي جنبها من الناحيه التانيه
غرام : لا ابدا براحتك
غرام لسه هتنام شافت الاتنين اللي جنبها نايمين وبيبوسوا بعض
غرام : يانهار ابيض وحطت ايدها علي عنيها بسرعه وبصت ناحيه عز
عز نام علي جنبه وبص لغرام
عز : كان لازم يعني تبصي الناحيه التانيه
غرام وعز فضلوا هما الاتنين نايمين وباصين لبعض لحد ما عرام وعز النوم غلبهم وغمضوا عنيهم وناموا
-----------------------بقلمي مآآهي آآحمد-----------------------------
( تاني يوم الصبح )
شريف: احنا مش هنطلع من المستشفي دي بقي يامراد
ايمان : هنطلع نروح فين ياشريف ما البيت ادمر خلاص
شريف: نروح اي اوتيل اي حته
مراد : لازم اروح البيت الاول لاني مالحقتش اخد معايا اي كريديت ياشريف
شريف: طيب ما يلا ياجماعه احنا مستنييين اي بس
مراد : طيب يعني انت بقيت كويس دلوقتي
شريف: ايوه كويس وبعدين احنا لازم نطمن علي عز احنا مانعرفش عنهم حاجه من امبارح
مراد : عز لو ماظهرش النهارده هبدا اشوفه فين
شريف: لسه هنستني يامراد النهارده كمان الناس دي باين عليها شرانيه ومش هيحيبوها لبر
مراد : طالما عز لسه مكلمنيش لحد دلوقتي ولا فتح ال location بتاعه يبقي هو مش محتاجني
شريف: مش فاهم
مراد : من بعد اخر مره لما اتحبسوا في المخزن ومن وقتها انا وعز جيبنا ساعات بتحدد ال location بتاع التاني اول ما ندوس علي زرار اللي في الجنب ولو هو في خطر هيدوس علي زرار وهحدد مكانه فهمت بقي ياشريف
شريف: اول مره احس انك اقرب مني لعز يامراد
مراد : ماتقولش كده ياشريف انت اغلي حاجه عند عز في الدنيا كلها انتوا بس اللي في الفتره الاخيره دي بعدتوا عن بعض شويه
-------------------------بقلمي مآآهي آآحمد------------------------
( في نفس الوقت )
ولد من اللي في ال cambing بيصحي عز :
Wake up .. wake up we have to leave
( استيقظ .. استيقظ احنا لازم نمشي )
عز صحي وصحى غرام معاه وقام بسرعه
غرام : هانروح فين ياعز
عز : هما عارفين الطريق هيطلعونا عليه
غرام : ياريت
عز وغرام فضلوا ماشيين لحد ما ولد شاورلهم انهم لازم يمشوا من الطريق ده علي طول ووقتها هيلاقوا الطريق
عز : thank you
الولد : u welcome
غرام فضلت ماشيه مع عز وكل شويه عز يوقف عربيه علي الطريق بس مافيش عربيه بترضي تقف نهائي لحد ما اخيرا بيبصوا عز وقف عربيه نص نقل زي العربيه التلت تربع عندنا راحت وقفتلهم
بقلمي مآآهي آآحمد
وكانت بتحمل خرفان من ورا
الراجل خلاهم يركبوا معاه بس من وراه مع الخرفان
عز طلع الاول ومد ايده لغرام شدها عليه راحت غرام وهو بيشدها قربت منه اوي وبقت في نظره حلوه اوي ما بينهم وهو لسه ماسك ايديها ماسبهاش ومره واحده العربيه اتحركت راحوا وقعوا بقي عز تحت وغرام فوقيه
عز اول ما وقع راح بص لغرام وابتسم والخرفان اتلمت حواليهم وبقت تقول
الخرفان : مااااااء .. ماااااااء
واتجمعوا حواليهم عز بقي يضحك وهو شايف الخرفان حواليه وغرام نزلت من فوق عز ونامت جنبه وهو لسه ماسك ايديها ماسبهاش وبقوا نايمين علي البرسيم بتاع الخرفان غرام بصت كده لعز لاقيته بيضحك من قلبه بجد اول مره تشوفه بيضحك وضحكته ماليا وشه وهي معاه كانت المره دي وبقت تضحك علي ضحكه عز مافيش احلي ولا اجمل من الضحكه اللي بتطلع من القلب بجد
يتبع الفصل الثالث والعشرون اضغط هنا
الفهرس يحتوي على جميع فصول الرواية"رواية حب خارج ارادتي "اضغط على اسم الرواية
ممتاز
ردحذف