رواية بائعة المناديل الفصل الثاني عشر 12 بقلم زهرة عصام
رواية بائعة المناديل الفصل الثاني عشر 12 بقلم زهرة عصام
سعاد ها يا حبيبة النتيجة بانت وألا لسه
حبيبة لسه اهو يا ماما الموقع عليه ضغط اوي .. انا خايفه اوي يا ماما
سعاد متخافيش يا حبيبتي أن شاء الله خير انتي تعبتي و بزيادة كمان كنتي بتشتغلي و بتذاكري .. ربنا مش هيضيع تعبك على الفاضي
حبيبة يا رب يا ماما لأحسن بجد ممكن اموت فيها
سعاد بعيد الشر عليكي يا حبيبتي متقوليش كدا .. دا نصيب يا حبيبه حتى لو مجالكيش الكلية اللي انتي عوزاها لازم تبقى عارفه أن ربنا له حكمة في كل حاجة .. و بيختار لكل واحد الطريق الى هيمشي فيه لأنه بيبقي عارف أنه هيسد فيه
حبيبة انا عارفة كل دا بس هتبقي صعبة عليا اوي لو محبتش المجموع اللي عاوزة و اللي هيدخلني هندسه
سعاد خير يا حبيبة جربي تاني كدا
حبيبة حاضر
.........
مؤيد انت مالك كدا قاعد قدام اللاب توب من الصبح بتعمل اي
يامن النهاردة نتيجة الثانوية العامة هتبان
مؤيد أيوه ليك حد في ثانوية السنادي مظنش مذنب نفسك ليه انت كدا .. دا انا حاسس انك بتجيب النتيجة لنفسك
يامن حبيبة عاوز اشوف حبيبة عملت اي
مؤيد هي لسه في دماغك بردوا يا يامن
تنهد يامن بقلة حيلة و قال هي مش في دماغي هي في قلبي صدمة سرقت قلبي من تلت سنين و كل سنه حبها في قلبي بيزيد
مؤيد يااه للدرجادي بتحبها دا انت حتى مشوفتهاش غير مرتين تلاته
يامن بابتسامة هادئه المرتين تلاته دول كفلين أنها تسكن قلبي من جوه
مؤيد بس انت متعرفش حاجه عنها بقالك تلت سنين
يامن من اللي قالك كدا .. انا عارف كل حاجة عن حبيبة .. بتاكل كام مره في اليوم .. بتشرب اي .. بتشتغل فين .. كل حاجة عنها اعرفها
مؤيد ازاي كدا و لما انت تعرف كل حاجة عنها لي مرحتلهاش ترجعها
يامن...
......
حبيبة يا رب يا رب انت العالم انا تعبت قد اي راضيني و اجبر بخاطري و اجعله طريق العوض ليا
سعاد ها الموقع فتح
حبيبة فتح اهو هدخل رقم الجلوس اهو .. بصي انا هدخل رقم الجلوس و اجري و انتي شوفي النتيجة و قوليلي
سعاد طب دخلي بس الرقم اما نشوف اخرتها معاكي اي
حبيبة مهو انتي مش متخيلة انا متوترة قد اي
سعاد يلا و سبيها علي الله
أدخلت حبيبة رقم الجلوس و اغمضت عينيها بشدة ثم قالت عملت ايه يا ماما كويس مش كدا
لم تستمع حبيبة الا لصوت الزراغيط تنطلق من فم سعاد ..ففتحت عينيها بسرعة لتري النتيجة و انصدمت حين رأت النسبة المئوية ليها
......
يامن ازاي فـ أنا عارف عنها كل حاجة من ساعة ما خرجت من الشركة .. كنت مراقبها .. بعت حد وراها يحرسها حبيبة التلت سنين دول الحراسة حوليها بس هي متعرفش حاجه .. أما بالنسبة لـ مرحتلهاش ليه فدا لأن حبيبة مش هتقبل تسمعني اصلا
مؤيد و انت مالك متأكد كدا
ابتسم يامن بمرارة و قال داده سعاد متواصلة معايا .. قالتلي أن لما بتجيب سيرتي قدامها بتتحول
مؤيد يعني حبيبة عند داده سعاد دلوقتي
يامن ايوه و انت فاكرك هسبها في الشارع كدا .. يا ابني دي ساكنه القلب و العقل
مؤيد يا بختك يا ست حبيبة
يامن اسكت بقي الموقع فتح اهو استني اشوف عملت اي
مؤيد طب يلا
ادخل يامن رقم الجلوس و عرضت عليه النتيجة و احتلت الصدمة ملامح وجهه
مؤيد في أي يلا انت يلمت كدا لي هي البت سقطت واللي اي
يامن ...
......
حبيبة يا فرحة أمي بيا.. الحقوني يا ناس 100% يا فرحتي بركاتك يا اما
سعاد شوفتي أن ربنا كبير و مضيعش تعبك علي الفاضي
حبيبة بدموع فرحة شوفت شوفت .. ثم أخذت تتراقص و تغني قائلة و نطلع مع مني الشاذلي .. هطلع مع مني الشاذلي
سعاد مبروك يا حبيبتي الف مليون مبروك
حبيبة الله يبارك فيكي يا ماما .. انا بجد مش عارفه اقولك اي .. اللي انتي عملتية معايا محدش هيعمله مع حد ابدا
سعاد بس يا جذمة متقوليش كدا تاني .. انتي بتقولي ماما .. في حد بيقول كدا لماما
هزت حبيبة رأسها نافية ثم احتضنتها بشدة
......
مؤيد في أي يلا جابت صفر واللي اي
يامن بصدمة 100%
مؤيد ببلاهه ايوه صفر في المئة
يامن جابت 100% يا لطخ
مؤيد جابت كام يعنيا 100% لي اينشتاين .. دا انت بجلاله قدرك اللي كانوا مسمينك عبقرينوا مجبتهاش
يامن مش مهم دا دلوقتي
مؤيد اومال اي المهم .. هي في حاجة اهم من أنها طلعت الاولى على الجمهورية
يامن هتطلع مع مني الشاذلي
مؤيد أيوه و فيها اي يعني
يامن بغيرة يعني الناس كلها هتشوفها و هتتغزل فيها
مؤيد أيوه مفيهاش حاجة مش متفوقة
يامن لا مليش فية .. هي كلها علي بعضها ملكي .
مؤيد طب ما تروحلها يا يامن
يامن مش هترضي تسمعني .. ثم أكمل بخبث بس لو مش هترضي تسمع يامن هتسمع الدكتور يامن
مؤيد ازاي دي بقي يا فقيق عصرك
يامن مش كان معروض عليا اني ادرس في الجامعة .. علشان خاطر عيون حبيبة هقبل بيها
مؤيد بركاتك يا ست حبيبة
.....
انتهي اليوم و لم يحدث فيه شي جديد شوي اتصال هاتفي من برنامج معكم مني الشاذلي لعمل لقاء تلفزيوني مع حبيبة
باليوم التالي و خاصة باستوديو التصوير كانت الإعلامية الكبيرة مني الشاذلي تقدم البرنامج حيث قالت
وبعد ظهور نتيجة الثانوية العامة.. معنا و معكم اليوم نموذج مشرف استطاعت أن تتفوق علي الرغم من الظروف التي تمر بها .. كانت تعمل و تدرس بنفس الوقت.. لم تأخذ دروس باي سنه من السنوات اعتمدت على شرح اليوتيوب معنا اليوم الاولى على الثانوية العامة الحاصلة على 100% حبيبة موسي
دلفت حبيية الي الاستوديو و صافحت مني الشاذلي و جلست على الكرسي المقابل لها
.....
و على صعيد آخر كان هناك من يتابع هذا البرنامج .. حيث هبت واقفة منصدمة ثم صرخت ماندية والدتها
ماما يا ماما الحقي مصيبة
- مصيبة اي ربنا ما يجيب مصايب
أشارت بيدها الي التلفاز الي والدتها لتنظر إليه و ما أن لبثت و رأت حبيبة حتي صدر منها شهقة قوية و ضربت بيدها على صدرها و قالت حبيية هي رجعت تاني .. جيتي لقضاكي يا حبيبة الكلب
يتبع الفصل الثالث عشر اضغط هنا
الفهرس يحتوي على جميع فصول الرواية "رواية بائعة المناديل "اضغط على اسم الرواية
تعليقات
إرسال تعليق