رواية You are the Safety - أنت الامان البارت الثامن بقلم فاطمة السيد
رواية You are the Safety - أنت الامان الفصل الثامن
هشام: أنا اخوكى الكبير و قبل كل ده انا راجل والرجاله بتفهم الرجاله زيكو كده بتفهمو بعض
أحمد بيحبك بجد، وبيخاف عليكى وكونه جه لحد بابك يعتذرلك ده يبين قد ايه هو بيحبك وانتى غاليه عنده، استعيزى بالله من الشيطان واطلعيله
روضه: حاضر بس متسبناش لوحدنا .. انا بقولك اهو
هشام:حاضر .. بس انتى اطلعى
روضه:هطلع
أحمد: روضه.. ممكن نبقى لوحدنا
روضه: لا .. هشام هيقعد معانا
أحمد: بعد اذنك يا هشام
هشام: طيب هستأذن انا ..
روضه: يا هشام.. متسبنيش لوحدى
أحمد: هو انتى خايفه منى !
روضه: مش خاايفه
أحمد: اومال ايه اللى عينك ده
روضه بتوتر: بعد اذنك متغيرش الموضوع
أحمد : طيب يا ست البنات.. خلينا في الموضوع.. ونشوف مين فينا الغلطان
أحمد:انا اول مره اتعصب عليكى وازعقلك صح!؟
روضه: صح.
وانتى لبستى قصير صح !؟
روضه: صح .
أحمد: ونزلتى من غير أعرف برضو صح !؟
روضه: صح .
أحمد: وتليفونك كان فاصل معرفتش اطمن عليكى ولا اعرف انتى فين صح !؟
روضه: صح.
أحمد: شفتك صدفه لابسه قصير وواقفه لوحدك مع واحد معرفوش صح!؟
روضه: بس ده عبد الرحمن ابن خالت...
أحمد مقاطعا روضه : ردى ! صح!؟
روضه: صح.
أحمد: كنتى واقفه وبتهزرى ولا كأنه فرحكو صح!؟
روضه: صح.
أحمد: ده غير أن عرفت انكو فى فرح حد من قرايبكو صدفه من هشام صح!؟
روضه: صح.
أحمد: لقيتك بعدها بشويه بترقصى مع بنات خالتك وانا جيت شديتك وطلعنا بره صح!؟
روضه: صح.
أحمد: يبقى بالعقل كده مين فينا الغلطان!؟
روضه: انت !
أحمد: نعااام .. ليه بقى ان شاء الله !؟
روضه: عشان زعقتلى .
Memory..
أحمد: انا بحبك
روضه: انت عبيط.. انا اول مره اشوفك .. حد يقول كده لحد اول مره يشوفه
أحمد : مين قال ان دى اول مره.. دى بالظبط المره ال ١٠٢ اشوفك فيها
روضه بصدمه: اكيد مش بتعد المرات اللى بتشوفنى فيها .. التمثيل ده تضحك بيه على واحده تانيه مش انا
أحمد بتراجع ببطئ ويقول : طيب يا انسه روضه.. انا هيسبلك النوت بوك دى فى اخرها رقمى لو عجبك تمثيلى ابقى شوفيلى دور البطل في حياتك .
روضه : انت عرفت اسمى ازاى.. انت ياا اسمك ايه انت ..خد البتاعه دى معاك.
*روضه معرفتش ترجعله النوت بوك بتاعته عشان كانت خطواته اسرع منها وملحقتوش*
النوت بوك فيها ١٠٢ ورقه مكتوبه والباقى فاضى .
اول ورقه مكتوب فيها: شفت فتاه احلامى النهارده.. جميله.. ورقيقة ومفيش فى خفتها.. أول مره قلبى يدق .
وفى ورقه فتحتها بالصدفه مكتوب : النهارده شفتها يوم ميلاد صحبتها اسراء كانت اول مره اشوفها لابسه فستان عشان لبسها فى الجامعه كله كاجوال ،
ساعتها روضه استغربت وصدقت عشان كانت فعلا اول مره تلبس دريس فى الجامعه.
وفى الورقه رقم ١٠٢: مكتوب تاريخ اليوم ومكتوب كلمتين وهما : ممكن تتجوزينى ؟
وفى اخر ورقه فى النوت بوك كاتب رقمه وماضى تحته باسمه.
####
Memory..
روضه: انا وافقت اقابلك عشان افهم انت مراقبنى ليه!؟
أحمد: عشان بحبك وقولتلهالك قبل كده
روضه : ياسلام ..طب انت من الاخر عايز إيه ؟
أحمد: عايزك
روضه : يسلام .. ثبتنى ، انت اى حاجه عايزها ماما بتجبهالك بقى ولا بتجيبها انت!
أحمد: الله يرحمها .
روضه: انا اسفه
احمد: عادى .. بعد اذنك
روضه : استنى.. هو انت بجد بتحبنى !
أحمد: أومال ..انا بقول ايه من الصبح
روضه: طب بعد الحب ده إيه !
أحمد: هتجوزك
روضه: ايه يضمنلى انك مش بتلعب بيا.
أحمد: هطلبك من أهلك
####
Memory..
أحمد: حبيتى .. بباكى رفضنى حوالى اربع مرات وانا بصراحه يأست
روضه: بابا عايز يطمن عليا بس مش رافضك لشخصك ، انا واثقه إن المره دي هيوافق .
Memory..
أحمد: مش مصدق ان دبلتك بقت فى إيدى يا ست البنات
روضه: وانا بحبك وعمرى ما فى يوم هقلعها .
####
Memory..
روضه: اوعدنى انك مش هتسيبنى فى يوم
أحمد : ليه بتقولى كده ؟؟ انتى كويسه؟؟
روضه: خايفه الايام تبعدنا زى ما بعدت وفرقت بين ألاف قصص الحب
أحمد: اوعدك انى هفضل معاكى ، لو مش زمانا ده ، يبقى فى زمان تانى ، ولو مش فى الدنيا هبقى جمبك فى الاخره.
Back..
روضه: انا هروح استنى أحمد فى اوضته لما يطلع هاتوه عندى
هشام: طب هاجى معاكى
روضه: لا ، هروح لوحدى
هشام: خلى بالك من نفسك
روضه: حاضر
*بعد ساعتين*
*باب اوضه أحمد بيخبط*
روضه جريت على الباب وقالت: أحمد .. انت جيت اخير...
هشام:أحمد كويس بس هو محتاج يرتاح شويه: طب هو فين عايزه اشوفه
هشام: الدكتور قال مش هينفع حد يدخل غير لما يفوق عشان مناعته ضعيفه ولازم يلبس كمامه ومش هينفع يلبسها وهو متخدر فلما يفوق .. لو حابه تعالى شوفيه من ورا الازاز
روضه: كنت عارفه انه هيبقى كويس.. الحمد لله يا رب وسجدت شكر لربنا .
هشام: يلا يا حبيبتى عشان تشوفيه
روضه شافته وقالت :شوف يا هشام هو حلو ازاى وهو نايم.. رغم انه تعبان بس ملامحه كلها زى ما هى.. هيقوم يا هشام صح هو احلى وهو صاحى انا عايزاه صاحى ، ممكن العمليه يكون ليها اثار ويحصله حاجه تانى.. هو هيبقى كويس قولى .
هشام: والله هيبقى كويس .. وهتتجوزوا وتعملو فرح مصر كلها تتكلم عنه ، هيبقى كويس
وليد: ان شاء الله خير يا بنتى احمدى ربنا
سحر: ايوه يا بنتى .. هيبقى كويس اطمنى
روضه بعياط: ياا رب متختبرنيش في أحمد تانى يا رب احفظهولى يا رب
سحر: أهدى يا بنتى .. تعالى معايا اغسلى وشك وكل حاجه هتبقى كويسه بقدره ربنا.
روضه: حاضر
سحر: غيرى الاسدال ده يا بنتى واغسلى وشك كده وكله هيبقى كويس
روضه: انا هلبس الحجاب يا ماما .. انا مكنتش بفهم كلام أحمد يا ماما واقول انه زى اى راجل متحكم زياده بس لما هو كان فى المستشفى كنت بمشى فى الشارع لوحدى .. مكنتش بمنع نظره اى حد ليا عشان هو مش معايا وعشان لبسى كان مليان غلطات بس من النهارده مفيش غلطات.. انا بحبه يا ماما ولما حسيت انه للحظه ممكن ميبقاش معايا حسيت أنى فى غابه لوحدى وسط ناس جواهم وحوش وانا ضعيفه ، انا اكتشفت انى قويه بيه ومن غيره انا أضعف واحده على الارض، دى اقل حاجه ممكن أرضى بيها حبيبى حتى لو مطلباش عشان حريتى .
سحر حضنت روضه وطبطبت عليها: عين العقل يا بنتى، ربنا يحفظكو لبعض
روضه: انا كلمت منى تجيبلى طقم وطرحه وهى جايه و اول لما يفوق هكون روضه تانيه ، هكون واحده تريح حبيبها زى ما دايما هو كان بيريحها وهى مش شايفه ده .
*بعد ساعه احمد فاق وكلهم حواليه ما عدا روضه *
أحمد: انا .. انا فيين ... رااا رووضه.. رووضه كوويسه
سحر: حمد لله على سلامتك يا حبيبى ، العمليه نجحت يا حبيبى وروضه كويسه هناديهالك.
وليد : الف حمد لله على سلامتك
هشام: خضتنا عليك يا عم حمد لله على سلامتك
أحمد: الله يسلمكوو..
روضه جريت عليه حضنته: حبيبى .. انت كويس مش فيك حاجه .. متقلقش كلنا هنا
أحمد: حاااسبى الجررح
روضه: اناا اسسفه هبعد اهو
أحمد لاحظ الحجاب: شكلك حلو اوى .. اول مره اقولها وانا مقتنع بكده مش مجرد مجامله، مبروك.
يتبع الفصل التاسع اضغط هنا
الفهرس يحتوي على جميع فصول الرواية كاملة :" رواية أنت الامان " اضغط على أسم الرواية
تعليقات
إرسال تعليق