رواية You are the Safety - أنت الامان البارت السابع بقلم فاطمة السيد
رواية You are the Safety - أنت الامان الفصل السابع
*الفحوصات كلها طلعت كويسه و جه وقت العمليه *
أحمد: متنسيش الورقه اللى ادتهالك
روضه : معايا..وهتبقى كويس وصحتك هتبقى اقوى مننا كلنا
سحر: ربنا يقومك بالسلامه
وليد: خلي املك فى ربنا كبير
هشام: ربنا هيسترها معاك وهتبقى احسن
احمد : ان شاء الله.. خلو روضه سعيده.. محدش يضايقها
روضه بعياط: انت اللى هتسعدنى .. انا .. انا عارفه ان ربنا مش هيكسر قلبى وهتقوم منها على خير
*أحمد ومحمد دخلو العمليات *
سحر ووليد وهشام بيقرأو قران وروضه ماسكه وصيه حبيبها فى إيدها وفى عالم تانى وتمالكت اعصابها وبدات تقرأ فيها
Flash back ...
*أحمد بيضغط على زرار تنبيه التمريض *
أحمد: لو سمحت ممكن ورقه وقلم .
ممرض: حاضر ..دقيقتين .
الممرض رجع تانى : اتفضل .
أحمد: شكرا لحضرتك .
بدأ أحمد ان يكتب وصيته لحيبته فكتب الآتى :
تعبنا على ما اتجمعنا ، حاربنا ناس كتير ونجحنا وانا فوزت بيكى واكيد انتى فوزتى بيا ، مرينا بظروف كتير مع بعض ومشاكل كتير جدا ، اناعارف انى ساعات ببقى حمش ومحموق عليكى اوى او يعنى غيرتى اوفر زى ما بتقولى وده لانى كنت بحبك ومش عايزك تسيبى الجواب والوصيه دى وتركزى على كلمه كنت بحبك وايوه كده ابتسمى .. حافظك وفاهمك وبحبك ولو كان مقدر ليا عمر تانى هحبك فيه ولو مت يبقى قصه حبنا نهايتها فى الدنيا قاسيه بس فى الاخره لما ادخل الجنه بإذن الله هقول لربنا أول ما ادخلها انى عايزك معايا ، عايزك تبقى قويه من بعدى ومتخليش اى حد يضحك عليكى ، واعرفى انى هبقى حواليكى ومعاكى فى كل لحظه من حياتك، شقتنا متباعتش على فكره زى ما قولتلك ..انا كسرت الوديعه وخدت جزء منها للعمليه وسبتلك جزء فى حسابك عشان ابقى مطمن عليكى ، عايزك تعرفى وتتاكدى أنى لو مت هبقى فى مكان أحسن من الدنيا وهبقى مستريح هناك وهبقى بين إيد ربنا فمتقلقيش عليا ، كان نفسى نكمل سوا بقيه عمرنا ونكبر ونعجز سوا بس شكل العمر قصير ، البسى كويس انا هبقى شايفك على فكره وامشى زى العسكرى ومتسلميش على رجاله احسنلك انا بقولك اهو.. عربيتى مفتاحها فى شقتنا بس متسوقيش غير وانتى معاكى هشام احسنلك وسوقى زى ما علمتك ، انتى جميله وهتفضلى كده خلي بالك من نفسك ودايما خلى تليفونك مفتوح ، ومن البيت للشغل ومن الشغل للبيت وزى العسكرى، وكلمى عبد الرحمن ابن خالتك بس بحدود ، اى تصرف عملته كان عشان احافظ عليكى مش عشان اتحكم فيكى او افرض عليكى قيود ، انا راجل وعارف نظره الرجاله للستات وراها ايه فسامحينى لو اتخنقتى من تصرفاتى ، متعديش اى طريق لوحدك تانى وكفايا عليكى كده بقى ..انا مجربتش اكتب وصايا قبل كده بس اتمنى تكونى فهمتينى وارضى بقضاء ربنا واعرفى انه بيعوضنا وبيراضينا وان لو ده اختبار من ربنا اتمنى ننجح فيه ، ادعيلى عشان محتاج دعاكى .. سلام ...
Back..
*روضه منهاره العياط بعد قرأت الكلام وقامت تدعيله وراحت مسجد المستشفى واتوضت ولبست اسدال صلاه من اللى هناك وصلت ودعت كتير وبعدها خرجت برا بالسدال وهى حاضنه المصحف ومستنياه يطلع كويس ومع كل خطوه بتمشيها بتفتكر كلامه فى الوصيه وتفتكر ذكرياتهم سوا وتعيط*
Flash back
Memory..
روضه : بقولك ايه يا حياتى
أحمد: خير يا عمرى
روضه بدلع : عايزه اتعلم السواقه يا بيبى
أحمد: لا
روضه: دى المره السبع تلاف اللى بتقولى فيها لا على السواقه.. هى فيها ايه يعنى!
أحمد: فيها انك متهوره وهبله وهتسوقى بسرعه وانا بخاف عليكى
روضه: طب جربنى يا سيدى وبعدين احكم
أحمد:لا يا قلب أحمد
روضه ببرطمه: اه قلب احمد وحياته ومش بينفذلى طلباتى حب ايه ده
أحمد: سمعتك على فكره ولو وقفت دلوقتى فى وسط الطريق ورجعتلك ورا ظبتك
روضه:سوق يا ابنى سوق خلينى اروح ..
*بعد شويه وصلو*
أحمد: يلا يا هانم وصلنا
روضه: نينى .. اسمى روضه لو سمحت متدلعنيش وانا زعلانه منه
أحمد: طب عايزه تتعلمى امتى
روضه:بكره ممكن.. ايه اتعلم ايه
أحمد : السواقه
روضه: بجد هتعلمنى
أحمد: هو انا اقدر ازعل قلبى
روضه: بحبااااااك قد الدنيا دى كلها
أحمد: يا هبله فرجتى الناس علينا
####
Memory ..
روضه : حلو الطقم ده ؟
أحمد: الطقم حلو بيكى .. انتى اللى محليه الطقم مش هو اللى محليكى
روضه: يا سيدى يا سيدى على الكلام القمر ده ..عسل بيقول كلام قمر
أحمد: بت.. امشى عدل ..
روضه: انت لحقت قلبت .. حااضر
تمام يا فندم وهمشى زى العسكرى
أحمد : ايوه كده .. بحبك
####
Memory..
روضه : عايزه شقتنا تبقى على ذوقنا احنا الاتنين و..
أحمد مقاطعا روضه : قصدك شقتك .. الشقه من حق الزوجه يعنى لو اتطلقن...
روضه مقاطعه أحمد: اياك تجيب الكلمه دى على لسانك تانى
أحمد:يا حبيبتى بهزر
روضه: ولو بتهزر.. متقولهاش
اسمها شقتنا يا أحمد
أحمد :حاضر يا عيون وقلب أحمد.
####
Memory..
أحمد بعصبيه: ميه مره يا روضه اقولك خلى تليفونك جنبك .. ولو معاكى اتأكدى انه مشحون ..مش كل مره تخرجى ابقى قلقان عليكى لسبب من دول.. ده مش اسلوب ده .
روضه بعياط: اناا اسفه والله بنسى.. متزعلش منى
أحمد: انا بقلق.. من حقى احس ان حبيبتى بأمان
روضه: وحياه حبيتك عندك تسامحنى
أحمد: طيب.
روضه : على فكره بحبك
أحمد: والله بتنيل بحبك عشان كده..
روضه: ششش مش عايزه اسمع كلمه بعد كلمه بحبك.
####
Memory..
أحمد : يشرفنى إنى اطلب إيد بنتك يا عمى
وليد: وحضرتك يا باشمهندس متعرفش ان من الاصول تجيب حد من أهلك معاك
احمد:انا وحيد يا عمى ووالدتى ووالدى ربنا يرحمهم
وليد : ملكش عم .. خال .. مفيش عندك قرايب
أحمد: للاسف كلهم برا مصر يا عمى
وليد: وحضرتك شغال ايه
أحمد: انا لسه في كليه هندسه سنه رابعه وفاضلى تيرم واتخرج يا عمى وانا حاليا شغال فى مطعم ... وبصرف على تعليمى جنب معاش والدى
وليد: شرفتنا يا ابنى .. وانا آسف معنديش بنات للجواز
*جهز احمد نفسه واشتغل كمان شغلانه واتتقدملها تانى وبعد رفض كتير وافقو عشانها عشان عرفو قد ايه بيحب بنتهم *
يتبع الفصل الثامن اضغط هنا
الفهرس يحتوي على جميع فصول الرواية كاملة :" رواية أنت الامان " اضغط على أسم الرواية
تعليقات
إرسال تعليق