رواية مليكتي الفصل الخامس بقلم مريم ابو شامة
رواية مليكتي الفصل الخامس
جه المأذون فعلا وبدأو يكتبو الكتاب الل هو اصلا يوسف جاي وواثق اني هوافق. ف كل حاجه كانت جاهزه بصيت غصب عني ناحية ايوب لقيته واقف عادي ملامحه مش باينه اذا كان متعصب ولا زعلان ولا اي حاجه ...
_ بارك الله لكما وبارك عليكما وجمع بينكما ف الخير.
كنت ع طول اسمع ان اول ما الجمله دي تتقال البنت بتبقي ف قمة سعادتها متهيالي بيبقي اسعد يوم ف حياتها بس انا كنت عاديه اصلا مش حاسه الل هو اي يعني اتجوزت وخلاص بقي اسمي ع اسمه بس ع الورق.
عيوني جت ف عيون بابا ولسه بردو بلتمسله الاعذار كان نفسي يجي حتي يباركلي يجي يبوس راسي يجي يوصي يوسف عليا يحسسني انو ليا ضهر بس الل جه فعلا وعوضني هو معاذ لما جه باس راسي وضمني وقالي
_ مبرووك ي نن عيني انا متأكد انو يوسف هيحافظ عليكي.
بعدها بص ليوسف وقاله
_ خد بالك منها دي روحي ي ابن عمي .. حطها ف عيونك
ببرود رد عليه وقاله
= متقلقش مش هضربها يعني انا مش بمد ايدي ع ست
_ ابقي فكر بس تعملها وانا ادفنك انت وافكارك
ساعتها يوسف ضحك بسماجه ومسك ايدي وشدني وراه وقال وهو ماشي
= يلا ي والدي انا مش فاضي للكلام الاهبل دا.
عديت من جمب ايوب بس نظراتي بردو ع بابا دا انا خلاص ماشيه م البيت ضمني حتي
ركبت قدام ومامته وباباه ورا .. بصيت بصه اخيره ع الفيلا ولقيت يوسف مشي
سندت راسي ع شباك الغربيه وغمضت عيني وانا بعيد كل افكاري وازاي بعد ما كنت ف بيت بابا هبقي ف بيت اصلا معرفش فيه حد .. جه ف بالي منار الل هي تعتبر تؤامي بالاسم وبس.
وقف يوسف ووقفت افكاري بصيت م الشباك لقيت بيت بسيط جدا بس جميل اويي مش فيلا بس جميل
نزلت وانا متردده بقدم خطوه وبرجع عشره ..
دخلت وراهم وانا خايفه مكان لسه اول مره ادخله غريب عليا معرفش هتعامل اصلا ازاي معاهم.
يوسف اول ما دخل قعد ع كرسي ف الصالون وباباه ومامته قعدو ع جنب كدا
فضلت واقفه انا ف النص مش عارفه اعمل ايي وبفرك ف ايدي بتوتر
اتكلم يوسف وقال
_ عشان تبقي فاهمه كل حاجه انتي مراتي اه لكن مراتي ع الورق بس اوضتك هتبقي تحت هنا جمب المطبخ ع طول هتهمي ببنتي وهتعتبري مربيه ليا زيي ما فهمتك وجمب دا هتخدمي والدي ووالدتي هتهمتي بالبيت وطلباته.
= بس انت قولت اني هبقي مربيه وبس
_ ودلوقتي بقول هتخدمي علينا في اي اعتراض
= لا مفيش.. ممكن ادخل اوضتي لو مفيهاش مشكله
_ اتفضلي بس ياريت تعرفي اني بمشي ع الشركه بدري وياريت تصحي بدري عشان ميبقاش في مشاكل بينا
هزيت راسي وسكت بعدها افتكرت الجامعه
= طيب بس انا لسه بدرس جامعتي وحالي و...
= زي ما فهمتك مش هيبقي عندك وقت اصلا ف مش هتكملي و....
قولتله بصوت عالي
_ انت بتقول ايي .. لا طبعا انا هكمل دراستي وهشوف حالي
= والله انتي دلوقتي مراتي يعني م الادب والاخلاق انك تحترميني وتسمعي الكلمه وصوتك ميعلاش عليا
_ انت لسه قايل انو ع الورق
= الل عندي قولته انتي هتشوفي البيت زي اي ست بيت شاطره ومفيش حاجه اسمها هكمل دراستي
سابني ومشي وملحقتش ارد عليه هو بيقول ايي مش هكمل دراستي ازاي وهشتغل يعتبر خدامه واي المعامله الخراا ديي
مكنتش واخده بالي م الل قاعدين وي رايا وسكينا مبحلقين فيا
لقيت الل هو المفروض عمي بيقول
_ ياريت تدخلي تتخمدي دلوقتي عشان تصحي بدري.
= اتخمد؟! حاضر تصبحو ع خير
دخلت وانا هعيط والله حرام يعني الل بيحصلي دا مش كفايه بقاا ولا ايي
افتكرت اني مش معايا هدوم ومفيش اي حاجه البسها نمت بهدومي وصراحه مكنتش هقدر اغير اصلا.
صحيت ع صوت خبط ع الباب قومت مفزوعه بحاول افتكر انا مين وفين
فتحت الباب واستغربت انو مفيش حد لقيت الل بتشدني م الدريس بصيت لقيت بنوته صغننه وحلوه خالص وطيت لحد ما وصلت لطولها
_ انتي مين يسكراا
= انا جعانه
_ ابتدينا ... تعالي معايا
روحت المطبخ بشكلي الل شبه الخنزير وانا لسه صاحيه م النوم مغسلتش وشي حتي
بدأت اجهز الفطار كان في كمية اكل رهيبه ومن كل الانواع.
وبعد نص ساعه لقيته نازل وهو بيقول بصوت عالي
_ الفطار مش جهز لي
= جايه اهو
رصيت الاكل ع السفرا وكانو ريا وسكينه نزلو وقعدو ياكلو اخدت الصغننه وروحت اغيرلها والبسها عشان تاكل وبعد ما نزلت لقيت مفيش حد ف البيت تقريبا مشيو ع الشركه ولا ايي
اكلتها وفضلت اروق ف البيت وهي بتلعب لحد ما لقيت جرس البيت رن
روحت فتحت وكان شكلي يعر بهدوم امبارح نمت بيها وروقت بيها لقيت بابا ومنار ومعاذ واقفين
معاذ رجع لورا وقالي
_ اي دا يمليكه... شكلك عامل كدا لي
= مفيش يمعاذ منا مش هفضل قاعده كدا قولت اروق البيت
_ طيب يمليكه انا جبتلك بردو لبسك الل هناك
= تسلملي يميزو .. اتفضلو
وقفت قدام بابا وقولتله
_ مش هتسلم عليا يبابا ولا ايي
بصلي وبعدين اتكلم وقالي
= ازيك
_ الحمد لله يبابا انت عامل ايي
= كويس
بصيت لمنار
_ ازيك يمنار
= بخير
دخلو جوا وانا دخلت غيرت بسرعه وخرجت لقيت ايوب قاعد انا اصلا اتصدمت هو بيتحول ولا بيطلع منين دا
بصلي بصه عمري ما هفهمها ولقيته قام وقف وقرب مني اوي و قالي يتبع اتمني التفااعل ميقلش عشان اكملها اسرع .......
.
اسفه ع التاخير وشكرا لكل بنوته دخلت سألت عليا او دافعت عني ف الكومنتات وبصراحه انا مش بعاتب اي حد.بيقرأ وميقولش رأيه او ميتفاعلش وعمري ما غلطت ف حد فياريت انتو كمان متغلطوش فيا او تقولو عني كلمه مش كويسه انا لما بقول لو الريتش وقع مش هكمل لان التفااعل مهم جداا للحفاظ علي الجروب من الغلق انا مش مجبوره اني اقرأ التهزيق او اسمع كلمه مش كويسه تحرق دمي الل حابه تكمل قرأه ي اهلا وسهلا والل مش حابه ف دا رأيها بس بلاش قلة ذوق ف الكومنتات البارت الل انتو بتقراوه ف دقيقتين بياخد.مني وقت عشان ارتب افكاره واكتبه ياريت نلتمس لبعض الاعذار.🖤
💙
الخامس
يتبع الفصل السادس اضغط هنا
الفهرس يحتوي على جميع فصول الرواية "رواية مليكتي"اضغط على اسم الرواية
تعليقات
إرسال تعليق