رواية تزوج غيري لكني أحببتة الفصل الثاني بقلم نرمين محمد
رواية تزوج غيري لكني أحببتة الفصل الثاني بقلم نرمين محمد
الفصل الثاني
دخلت وقفلت الباب وطبعا الدكتورة عارفانى ....وقبل ما اتكلم لقيتها قامت من كرسيها وقالت= بجد بجد اسفه يا مدام أميرة على سوء التفاهم إلى حصل بجد اسفه.
استغربت سوء تفاهم ايه إلى بتكلم عنه= انتى بتتكلمى عن ايه يا دكتورة سوء تفاهم ايه إلى بتقوله.
استغربت الدكتورة وقالت= ايه هو انتى مش جايه عشان اللغبطة إلى حصلت فى التحاليل.
انا و كأنى مسكت حبل الامل = لغبطة ايه معلش ممكن تفهمينى.
الدكتورة وهى بتبتسم=طب اتفضلى اقعدى الاول وانا هفهمك على كل حاجة .
قعدت على الكرسى وانا هموت واعرف هى بتتكلم عن لغبطة ايه.....قعدت على كرسى مكتبها وقالت بأبتسامه مبشرة =بصى من غير لف ولا دوران حضرتك تقدرى تخلفى ....واللغبطة إلى بحكيلك عنها ديه...أن كان فى بردوا ست متابعه معايا هنا والمشكله أن التحاليل بتاعتها طلعت فى نفس الوقت بتاع تحاليل حضرتك و التحاليل اتبدلت وهى افتكرت نفسها هتكون حامل وانتى لا....بس انا بجد بعتذرلك انتى وأستاذ حاتم على الى حصل بجد اسفه....اكيد احنا سببلنكوا مشكله.
ادا يا رب يا رب انت كريم اوى اوى سبحان الله سبحان الله الحمدلله الحمدلله الله اكبر يارب انت كبير اوى ....ديه معجزة مكنتش اتوقع انها تحصل اصلا يا رب شكرا احمدك واشكر فضلك يا رب...
ضحكت جامد من فرحتى وانا بقول= دانا إلى عايزة ابوسك من خدودك يا دكتورة على اللغبطة ديه هههههه....بجد شكرا شكرا بجد انا هموت من الفرحة.
الدكتورة بصتلى وضحكت هى كمان = هههه طب أهدى طب الا تكونى حامل و تسقطى هنا تبقى مصيبه.
قعدت بسرعة كأنها نبهتنى بعد كدا قولتلها = انا فعلا اخر خمس اسابيع دول عماله ارجع و يجيلى دوخة و صداع مكنتش عارفه من ايه فالشك بدأ يكبر جوايا وجبت اختبار حمل وعملت لقيت فعلا أن انا حامل ...ممكن حضرتك تتأكدى أنا حامل ولا لا.
ابتسمت الدكتورة بفرحة ليا= من عيونى يا مدام أميرة....اتفضلى ممكن تخوشى جوا عشان اكشف عليكى.
وفعلا دخلت ونمت على بتاع كدا زى السرير والجهاز ده جنبى ....جات الدكتورة وفعلا كشفت و طلعت وانا طلعت وراها وهموت من الفرحة.
ابتسمت وبصتلى = مبروك يا مدام أميرة حضرتك حامل فى الأسبوع السادس.
بصيتلها بأستغراب ازاى ازاى السادس انا قولت يمكن من شهرين حتى أو قبل ما حاتم يجيب ريم بس ازاى حاتم مقربليش ابدا من يوم ما ريم دخلت البيت ده.....افتكرت حاجة ...
فلاش باااك..
كنت فى البيت لوحدى و حاتم و ريم مش موجدين وكنت زهقانه اوى ....قومت فتحت الدولاب وطلعت فستان قصير فوق الركبه لونه بيج فى اسود وكب من غير حمالات ضيق من فوق و واسع من تحت...فردت شعرى وصل لحد اخر ضهرى نعكشته شويه بقا احلى ....طلعت الماسكرا و الايلاينر وحددت عنيا و روج لونه بنى كنت بجد موزة انا بقول على نفسى كدا....طلعت التلفون وصورت نفسى صور كتيرة اوى و مكنتش واخدة بالى من إلى واقف على الباب و مبحلق فيا جامد ...تقريبا ريم مكنتش معاه لأنها باتت عند مامتها عشان كانت عايزاها.......فضل يقرب منى وعمال يبلع ريقه بصعوبه....لحد ما لزقت فى الحيطة وانا الصراحة خايفه من نظرته ديه.....لحد ما لقيته شدينى فى حضنه وفضل حضنى جامد و حاطط وشه فى شعرى و بيتنفس جامد اوى = انتى ايه إلى لبساه ده.
كنت لسه هتكلم مدنيش فرصه......................
صحينا الصبح كأن امبارح مافيش حاجه حصلت فطرنا مع بعض وديه كانت أول مرة من ساعة ما ريم جات نفطر مع بعض.......
بااااك.......
وشى احمر جامد قدام الدكتورة الحمدلله انى لبسه نقاب كانت شافت وشى كدا وهى فضلت تكتبلى على فيتامينات وادويه عشان اخدها فى ميعادها ......عطيتنى الروشته واتعذرتلى للمرة المليون ....بعد كدا شكرتها ومشيت ونزلت من العيادة المرادى هموت من الفرحة بجد..........ركبت مواصلات عشان اعرف اوصل بسرعة و هموت واقول لحاتم.
وصلت تحت باب العمارة......فتحت الاسانسير ولسه هيقفل لقيت أستاذ مهاب دكتور جامعى بيدى فى كليه العلوم....المهم دخل اول ما شفنى غض بصره بسرعة هو الصراحة شخص محترم جدا عايش هو وامه لوحدهم فى شقه هنا فى العمارة...امه تكون صاحبة حماتى تعرفها اوى وبتحبها اوى لكن أستاذ مهاب و حاتم مش على اد كدا مع بعض..........
مهاب فى نفسه= والله حرام عليك يا حاتم تتجوز وتسيب مراتك إلى بتحبك مجرد بس انها مش بتخلف .....ربنا يعوضها مدام أميرة قلبها طيب وانشاء الله ربنا هيعوضها بالاحسن منه.
طبعا مهاب عارف من أمه عشان أمه زى ما قولنا بتقعد مع ام حاتم فبتحكلها كل حاجة وهى بتحكى لابنها من جانب الفضفضه.
المهم وقفت الاسانسير و طلعت و دخلت شقتى.
دخلت وقفلت الباب وانا مبسوطه واول ما دخلت لقيت حاتم طالع من الاوضه و كان شكله مستنينى...
حاتم بهدوء= اتأخرتى ليه كل ده الساعة داخله على عشرة.
أميرة بأبتسامه بعد ما نزلت النقاب عشان توريله وشها و ضحكتها الى مش بتظهر الا ليه بس...= معلش اسفه المواصلات كانت زحمه والله.
حاتم = امممممم تمام
أميرة بهدوء وابتسامه= حاتم انت لسه مصر تطلقنى ولا خلاص رجعت فى كلامك.
هو اتصدم فكرها نست لكن هى لسه فاكرة= لو ا......
كان لسه هيكمل كلامه لكن ريم طلعت من الأوضه وهى بتقول=اميرة اهلا عامله ايه.
ابتسمتلها بحب والله انا مش بكرها لانى مبعرفش اكره حد= الحمدلله يا ريم وانتى عامله ايه.
ريم بخبث= الحمدلله والله.....مفيش مبروك ولا ايه.
استغربت الصراحة مبروك على ايه هى بتكلم عن ايه= مبرووك ....بس على ايه يا حبيبتي.
ريم وهى بتحط ايديها على كتف حاتم=انا وحاتم حبيبى روحنا لدكتور النهاردة عشان كنا شاكين إن فى حمل و فعلا طلع فيه ...هحقق لحاتم الى انتى معرفتيش تحققهوله.
بصيت لهم بكسرة نفس جامدة .....خلاص انا مش هقوله..خليه يفرح بيها و بأبنه إلى جاى .......مش مشكله انا ليه اكسر فرحتهم دلوقتى خليهم يفرحوا.
ابتسمت ابتسامه الم = مبروك يا حاتم يتربى فى عزكوا .
كنت لسه هخوش اوضتى لكن ريم وقفتنى وقالتلى = معلش يا أميرة انا تعبانه ممكن تعملنا اكل عشان بجد مش هقدر وانا وحاتم جاعنين اوى.
حاتم بحدة= رييم انتى بتقولى ايه.
كانت لسه ريم هترد روحت ابتسمت و رديت= خلاص خلاص يا حاتم انا هعمل .....وكمان مش عايزين نتعب إلى هتكون ماما قريب ديه.
قولت اخر جمله بهزار.....= طب هخوش اغير هدومى بس واخوش المطبخ.
دخلت غيرت هدومى ولبست عبايه بيتى لونها سماوي جميل ولفيت شعرى فى لفه لفوق ونزل منه حبة خصل.........بعد كدا دخلت المطبخ وبدأت احضر فى العشا ....لقيت حاتم وقف جمبى ابتسمتله بهدوء وحب
حاتم بيحاول يفتح اى كلام معايا = عملتى ايه عند الدكتورة قالت عندك حاجة.
ابتسمت لما افتكرت انى حامل= لا عادى زى ما قولتلك برد فى معدتى مش اكتر.
حاتم بابتسامة= امممم تمام....طب انتى عامله ايه دلوقتى.
ابتسمت جامد لاهتمامه ليا حتى لو كان اهتمام صغير= الحمدلله.
حاتم بابتسامة خفيفه= تمام.
وانا كنت بارص الاطباق فى الصينيه بهز راسى و امسحها فى كتفى بسبب الخصله إلى كانت على عينى ....راح هو شلها وحطها ورا ودانى ابتسمت له و هو ابتسملى بردوا.......... خلصت تحضير.
وانا بديله الصينيه وابتسمت بمرح= اتفضل احلى عشا لاحلى حاتم وريم ههههه.
اخد منها الصينيه و بصلها ازاى تكون بطيبة القلب ديه ....لو كانت واحدة تانيه مكانها كانت رفعت عليه قضيه و بهدلت مراته التانيه....ابتسم ليها و اتنهد تنهيدة كبيرة و طلع من المطبخ.....هى لفت عشان تعمل عشا ليها هى كمان عشان كمان إلى فى بطنها لازم يتغذى لازم تهتم بنفسها......
بعد ما حضرت اكل ليا خدته وطلعت ودخلت الاوضه عشان اكل .....بعد ساعة إلا ربع بالظبط لقيت حاتم دخل الاوضه و بصلى وابتسم وقفل الباب و جاه وقعد جمبى على السرير فضلنا ساكتين خمس دقايق مش عارفين نكلم فى ايه.....قولنا فى نفس الوقت= انت/ى.
سكتنا مع بعض ....بعد كدا قولنا تانى=بص/ى هقولك على حاجة .
سكتنا تانى بسرعة وضحكنا احنا الاتنين مع بعض......مسك ايدى ما بين ايديه الكبيرة الخشنه إلى بحبها أساسا بحب كل حاجة فيه........اتكلم المرادى بجديه و بيبص فى عيونى= بصى يا اميرة انا عارف انى ظلمتك ياما....وقبل ما تقولى حاجة سبينى اكمل ....فأنا اسف بجد على كل دمعه نزلتهالك ولو انتى عايزة تطلبى الطلاق براحتك وانا هديكى كل حقك ومن ضمنهم الشقه ديه هكتبها بأسمك هتبقى ليكى من النهاردة... عشان ريم....ريم عايزة شقه تانيه وانا مقدرتش اقولها لا عشان ده حقها ....فأنا من مدة كدا كنت بوضب شقه فأنا خلصتها و كمان فرشتها وكل حاجة خلصت...فأنا وريم هننقل من بعد بكرا من هنا ومش هخلى ريم تزعجك تانى ...ماشى يا....يا حبيبتي.
كلام كتير قوى وجعنى لكن اخر كلمه خلتنى انسى كل حاجة وافتكر حبيبى وبس= علفكرة انا مسمحاك أساسا عشان ده حقك انك تتجوز وتكون اب وانا مش همنعك .
ابتسم جامد وحسيت أنه كمان كلامه هو كمان وجعه قبل ما يوجعنى...... بأس ايدى بحنيته إلى بعشقها .
بسته من خده وقولت وانا محرجة جدا= ممكن تكون ليا الليله ديه بس.
بصلى وابتسم بخبث ومسك وشى بإيديه الاتنين= ادا هو انا واحشك اوى كدا لدرجة أنك تطلبينى....يعنى انا واحشك زى مانتى واحشانى كدا بالظبط.
قال اخر كلامه وهو..................
----------------------------------------------------
بعد ٣ شهور ونص تقريبا بعد ما حاتم وريم انتقلوا بقيت عايشه لوحدى فى الشقه .....على الأقل حاتم وريم كانوا ماليين عليا الشقه لكن دلوقتى انا لوحدى بقيت بتعب اوى ولكنى بدأت تكبر ويبان عليا انى حامل ولحد الان محدش يعرف غير الدكتورة إلى متابعة معاها حتى حماتى متعرفش..........إلى بقالها كتير مش بتسأل عليا ولا حتى ندهت عليا تكون عايزة حاجة.....ااه نسيت اقولكوا أن حماتى ساكنه تحتينا بالظبط.....انا فاكرة اخر مرة ندتنى كانت من شهر عشان بس اعملها البيت عشان بتكون تعبانه..... والله هى الوحيدة إلى مونسانى فى العمارة ديه عمارة نصها مهاجرين والباقى مش بيطلعوا كأنهم عاملين بيات شتوى.....ما عليا.....وحاتم من ساعة اخر يوم وانا مش بشوفه نهائى ولا حتى بيجيلى إن بعد الظن إثم اكيد مشغول يعنى...
قومت عشان البس عشان النهاردة هروح للدكتورة عشان معادى معاها النهاردة ولازم اروح.........جيت عشان ادخل الاوضه لقيت تلفونى بيرن من رقم حماتى معقول تكون عايزة منى حاجة هنزلها احسن ........لبست الاسدال البنى ولفيت الطرحة عادى ولبست النقاب الاسود عليه ونزلت.....وطبعا بطنى كانت باينه اوى في الاسدال .........المهم نزلت وفتحت الباب بالمفتاح الاحتياطى إلى معايا....دخلت لقيتها قاعدة قدام التلفزيون ..
انا بضحكة وهزار= عامله ايه يا حماااتششسى هههههه.....واحشانى والله يا قمر انت.
بصتلى وابتسمت ابتسامه بسيطة وقالت = اهلا ياختى لو واحشاكى كنتى نزلتى حتى تسألى عليا لكن لا حس ولا خبر.
قعدت جمبها وطبعا بطنى اتحددت اكتر= لا والله يا قمر بس بحسك ساعات مش طيقانى لا ساعات ايه ده علطول.
ضحكت جامد على طريقه كلامى....بعد كدا سكتت مرة واحدة وبصت على بطنى بأستغراب= ادا يا بت يا اميرة بطنك مالها كبيرة كدا ليه .
بصتلها وكأنى كنت عارفه انها هتعرف فى يوم فى الاول والاخر ده حفيدها مش ابنى بس....اتنهدت جامد وقولتلها الصدمه= لا والله يا حماتي اصل حامل مش اكتر.
.....................................
يتبع الفصل الثالث اضغط هنا
الفهرس يحتوي على جميع فصول الرواية كاملة:
"رواية تزوج غيري لكني أحببتة" اضغط على أسم الرواية
♥️
ردحذف