رواية خبايا قدري الفصل الرابع بقلم القلم الذهبي
رواية خبايا قدري الفصل الرابع
في الفيلا عند سليم
***
دعاء مع سليم قاعدين في استراحة الفيلا
ياسليم بيه انا خايفه قوي نظراتهم ليا مطمنش.
بصلها بتعحب سليم .
_ بابا يادعاء بابا علشان تتعودي علي الكلمه ومتنسيهاش.
_ حاضر يابابا بس ليه كم الكره اللي في عنيهم ليك ده ؟!!
مع ان كلكم اخوات ليه هما ليه عاملين جبهه ضدك.
هز راسه سليم باسف وضيق
_ احنا اخوات اينعم بس مش من ام واحده
هما التلاته اخوات من ام واب
وانا اخوهم من ام تانيه انا امي كانت بنت اكبر تاجر سيارات في مصر وابويا كمان كان بيشتغل في نفس الشغلانه اتعرف عليها واتجوزها وهما امهم كانت بتشتغل عند ه في الشركه لافت عليه وخدته من مراته وابنه ساب ماما وعاش معاها وخلفهم هما التلاته والغباء والحقد اللي كانت بتكنه امهم لامي وليا ورثتهلهم ابويا اتعرض لازمه ماليه كبيره خسر فيها فلوسه ومبقاش فيه فلوس ولا املاك الا فلوس بسيطه تكبرهم وتعلمهم وامهم استولت عليها وبابا جتلها جالطه وراح فيها.
ماما طبعا كانت لها ورث كبير من جدي استلمته وادتهولي بعد ما اتخرجت من الكليه وبدات اشتغل واعمل مشاريع وبدات المشاريع تكبر وبدات انجح في شغلي لما بقيت من اغنياء مصر وعمري مفكرت اسيبهم بقيت اديهم كل اللي هما عايزينه هما وامهم اللي كانت تطيق العما ومتطقنيش انا انا وامي.
اتعرفت علي سحر مراتي واتجوزنا حبيتها قوي وهي كمان حبتني وعشنا اسعد ايام حياتنا اتحرمنا تلت سنين من الخلفه بس بعد كده ربنا كرمنا وخلفنا دعاء كانت اسمها دعاء علي اسمك كانت ايه في الجمال بس ربنا مااردش انها تعيش كانت صدمه كبيره قوي ليا ولسحر مراتي ومن ساعتها سحر تعبت وكان عندها عمليه في القلب ونسبه نجاحه كانت كبيره ومضمونه بس للاسف سحر دخلت تعمل العمليه ومخرجتش راحت هي كمان وسبوني لوحدي في الدنيا من غير لا ونيس ولا سندليا سبوني في وسط ناس مبترحمش كل مناهم اني اموت علشان يورثوني او يخلصوامني مني باي طريقه بس انا قررت انهم ميخدوش مني جنيه واحد بعد متاكدت انهم السبب في موت سحر وانهم خلوا محمود يخلص منها وهي بتعمل العمليه والممرضه اللي شالت الليله دي كلها ودخلت السجن بس انا عرفت كل حاجه ومش هخليهم يطولو ا مليم واحد من فلوسي.
بتصله دعاء وقالت بعطف
_ ربنا يديك الصحه وطوله العمر دا اللي حضرتك عيشته محدش يقدر يستحمله دا انا كل الاسي والحرمان والذل اللي شوفته في الملجا كنت بقول دا اخر حاجه ممكن حد يشوفها طلع اللي حضرتك شوفته اكتر بكتير.
بس حضرتك ليه متجوزتش.
_ عمري مقدر احب حد غير سحر ولا اقدر اعيش مع واحده غيرها.
_ انت انسان عظيم ياريت كان ليا اب زيك.
_وياريت ليه انت بنتي وانا ابوكي مفيش غير كده.
دعاء بفرحه
_ ربنا يخليك وميحرمنيش منك.
_ ويخليكي ليا انتي كمان
******
في مكان تاني عند حازم بشقته بيتكلم مع آمال مراته
_ مالك بس يا امال ايه اللي معصبك انا قولتلك متفتحيش الموضوع دا تاني بينك وبين نفسك.
آمال باستغراب وغيظ
_ عايزني متعصبش ازاي البنت دي سفرها زمان علشان كانت تعبانه ومكنوش بيجيبوا سيرتها
ولا حد يعرف عنها اي حاجه فجاه كده تظهر.
طيب البنت نفس عمر ليث مولدين في يوم واحد انا عايزه اعرف عمرها واتاكد.
بصلها حازم وقال بحماس !!!
_ ما انا قلتلك اني هتاكد بمنتهي السهوله انتي ناسيه ان البنت دي تبقي بنتي.
__ اسكت خالص خالص اوعي تنطق بالكلام ده تاني انا مصدقت اني نسيت الموضوع جاي ليه دلوقت تفكرني بيه.
حازم
_ نسيتي ايه ياحبيبتي هي دي حاجه تتنسي نسيتي انك انتي وسحر ولدتوا في يوم واحد
وان سحر كانت حالتها خطير ه علشان تعبانه بالقلب ومكنش دريانه باي حاجه انتي ولدتي الصبح وسحر ولدت بالليل لما فوقتي وعرفتي انك
جايبه بنت اشتريتي الممرضه وطلبتي منها ان لو
سحر جابت ولد انها تبدل الولاد وانتي هتديها فلوس كتير وفعلا الممرضه نفذت الخطه باتقان
وبدلت الولاد من غير ما حد يعرف والادهي انك كنتي مخبيه عني انا كمان الموضوع ده !!!
لولا اني اكتشفته بالصدفه يوم ماكان ليث عامل حادثه واحتاج دم قالوا لي اني ابوه لازم فصيلتي تبقي مطابقه لفصيلته واكتشفت انها مش مطابقه ويومها شكيت انك بتخونيني وان ليث مش ابني لولا كده عمرك ما كنتي حكتيلي
وحطيتي منوم لسليم في الشاي واخد خصله من شعره واطابقها مع خصله من شعر ليث واعملهم دي ان اي
وفعلا طلع مطابق لولا كده كنت قتلتلك يا امال.
امال
_ اسكت بقي بقولك مش عايزه اسمع اي كلام في الموضوع ده تاني انت ايه مبتفهمش.
قاطعهم دخول ليث
ليث بهزار مع آمال
_ ايه بس يالولو مين اللي مزعلك.
ايه ياحازم بيه مزعل ماما ليه.
امال
_ لاياحبيبي مفيش زعل ولا حاجه كنت بتناقش انا وبابا في موضوع.
حازم
_ مقولتليش ايه رايك في بنت عمك.
ليث
_ بصراحه موزه وزي القمر كمان.
حازم
_ طيب ورينا شطارتك بقي.
ليث
_ لا انا احب عيشه الحريه محبش القيود يعني لا تقولي جواز ولا كلام من ده.
حازم
_ المهم توقعها وتخليها زي العجينه في ايدك انت عارف انها وحيده ابوها
وكل العز والهنا ده ليها في الاخر مش فارقه بقي بجواز ولا من غير جواز.
ليث
_ بس كده ان تامر . ايدك بقي علي خمس تلاف جنيه لزوم الشغل.
حازم
_ انت مبتشبعش فلوس خالص.
ليث
_ هو حد يشبع من الفلوس برده يابوب
.
حازم
_ مفيش فايده فيك خد ياسيدي لما اشوف اخرتها معاك.
ليث
_ عتشوف انا عمل ايه ان مكنتش هي اللي تيجي تترجاك علشان تتجوزني.
*******
في أوضة ساميه الداده بفيلا سليم
ماهر السواق
_ ايوه بقي احنا نهارنا فل ولا حاجه اموووت في الكريز انتي عارفه اني بموت في القميص ده اللي بلون الكريز ده شكلك ناويه تدلعيني الليله..تعاليلي ياحبي.
ساميه
_ عندك ياقلبي ولا همسه حتي قبل ماتقولي علي كل حاجه.
ماهر
_ كده برده ياسوسو ينفع تعملي كده مع ماهر حبيبك يابت دا انا بموت في التراب اللي بتمشي عليه وبعدين انتي عايزاني اشوفك كده قدامي واتحكم في اعصابي الزاي يابت دا انت تدوخي بقولكك ايه ياسوسو مطيريش النفسين اللي شاربهم علشان اعدل مزاجي ونقضي ليله حلوه انتي تيجي في في حضني وندردش سوي المهم تبقي في حضني يابت يابت بقولك انتي وحشاني موت انما هتقعدي تقرريني وانا متكهرب كده يبقي اقوم اخد بعضي واروح للزفته مراتي انكد عليها وتنكد عليه.
ساميه
_ لا تمشي ايه ماانت كمان واحشني موووت يامهميهو وانا يهون عليا ازعلك برده خلاص اعملك مساج افكلك جسمك واهو نتساهر شويه والليل طويل لسه.
ماهر
_ امالوا ياسوسو مساج مساج حلو برده المساج وايديكي فيها سحر وبتخليني في دنيا تانيه والزيت اللي بتدهني بيه بيريح جسمي يالا نبدا بالمساج.
ساميه
_ بس كده من عنيه هعملك مساج هتحلف بيه بس تصحصح معايا وتحكي كل حاجه علشان هقولك نعملوا ايه.
ماهر
_ ماشي يامزه بصي يا ستي البت فعلا مش بنت سليم بيه زي ما انتي شاكه البنت دي العربيه ضربتها واحنا راجعين من الشركه انا والبيه خدها وداها المستشفي وعالجها ومش عارف ليه قال عليها انها بنته.
ساميه
__ انا بقي عارفه علشان اخواته اللي طمعانين فيه انا كنت بشوف الست سحر الله يرحمها بتمسك،صورتها وتعيط علطول ودا اكيد علشان هي ماتت ومش مسافره بره وهو جايب البنت دي علشان يكتبلها كل حاجه اسمعني كويس ياماهر اول حاجه هتقوله انك عايز تتجوزني وانك عايز الاوضتين اللي في الجنينه علشان نعيش فيهم.
ماهر
_ دا يوم المني ياسمسم اليوم اللي هنتجوز فيه رسمي وقدام الناس بدل ما احنا بنتقابل زي الحراميه.
ساميه
_ وكمان تطلب منه مبلغ لزوم الجواز وانا بقي هشتغل علي البت واخد منها اللي هقدر عليه.
ماهر
_ ماشي وماله.طيب ايه ايه احنا هنقعد طول الليل في جلسه المساج دي الليله هتنضرب كده.
ساميه
_ ههههههه ودي تيجي برده دا انا هيعيشك في ليله من الف ليله وليله.
ماهر
_ ايوه كده ياسوسو هتموتي الليله ياسوسو.
ساميه
_ قلب سوسو بمووت فيك ياعمري.
قاطع خلوتهم خبط علي الباب واتفاجات ساميه بدخول....
يتبع الفصل التالي : اضغط هنا
تعليقات
إرسال تعليق