رواية أحببت غبية الفصل الاول 1 بقلم تقي طه
رواية أحببت غبية الفصل الاول
ولقيت ماما بتنادي من برة
- نعم ياماما
- بقولك ياحيببتي انا عملت الاكل بس تعبت فجأة ومش قادرة اكمل ممكن تقدميه وتكمليه لاخواتك
- انتي بتقولي اي ياست الكل اكيد طبعا بس لينا كلام بعد الغدا وهعرف مالك الايام دي
- يابنتي مفيش عادي كبرت بقي العموم خشي جهزي الاكل بسرعة بس زمانهم راجعين من المدرسة
- من عيوني
دخلت وكنت خلاص بطفي علي الاكل لاقيت حد بيرن الجرس
ضحكت ضحكه كدة وقولت لازم اعذبهم شوية
وقفت عالباب وقولت
- من عالباب ؟
- انا ياسعاد
- مين معرفكيش ومعرفش حد اسمه سعاد
- يابت افتحي الشنطة تقيلة اوي وجعانة جداا
- لا ابداا البيت دة طاهر وهيفضل طول عمره طاهر
- يابت هنديلك كرم كدة
- لا استغفر الله توبت الي الله ( فتحت الباب بسرعة وكانت هتقع فنزلت وخدتها في حضني )
- لالا مش من اولها الحركات دي الاه
- وسعي يابت عايزة ادخل
- شكلنا التصقنا
- مش عليا الحركات دي ( وفكت ايدي من عليها وجريت )
- ماشي يالبني لما يجي خالد وانا هوريكي
سمعت ضحكت امي علي شقاوتي حتي لما كبرت وخفة دمي اللي ميقدروش يستغنوا عنها ابدااا
قفلت الباب بسرعة لما سمعت صوت رجلين طالعة
- بس بقي ياسارة بلاش الحركات دي
- انتي تعرفي عني كدة انا هورية بقي يمشي من غير ما يديني الامانة
امي فقدت الامل فيا فرجعت تمدد رجليها الكنبة وخدت الدوا ونامت
الباب خبط تاني رجعت اتسحبت علس اطراف صوابعي من غير ما اعمل صوت ووقفت
- عارف انك ورا الباب افتحي بقي مش كل يوم تطلعي عذر عشان تاخدي الامانة
- ..........
- طب انا اسف افتحي وانا هديكي اللي انتي عايزاه
فتحت الباب بسرعة روحت شيلته بسرعة وجريت بيه بسرعه علي اوضتي ورميته عالسرير
بضحكة شريرة
- دلوقتي هاخد الامانه بتاعتي الضعف
- خلاص هغير هدومي واستحمي طب
- لا ابدااااااااااا دلوقتي
- طييييب
ولقيته بيقرب عليا براحة كدة وراح انقض عليا واقعني وهات احضان من اللي بحبها وباسني واديني شيكولاته اللي بحبها عشان اعفو عنه وبالفعل تم العفو عنه
- خلاص خلاص اخر حضن بقي ويلا يابطل عشان تجهز الغدا
- اهههههو اخر حضن ويلا لقد نفذ رصيدكم اشحنيني تلاقيني
- طب بزمتك انت طفل ف 3 ابتدائي
- بزمتك انتي واحدة خلصت كلية وكبيرة المفروض
- عند المكوااجيي ويلا بقي الاكل هيبرد وامي تزعقلي قوم
راح خالد حبيبي اخويا الصغير هو ولبني اللي في 5 ابتدائي وانا سارة خلصت كلية تجارة وعندي 25 سنة لسة مش مرتبطه عشان مش فاضية وورايا مسؤاليات غير والدتي اللي كل يوم تعبها بيزيد وبتحتج ان التعب دا عشان كبرت
بس انا بقيت اراقبها الفترة الاخيرو وعرفت ان عندها حاجه في الفقرات عشان كدة مبتقدرش تقف كتير سيبتها تقولي هيا .
خلصت الاكل وقعدنا ناكل وسط جو من الهزار انا وخالد ولبنه بس وطينا صوتنا عشان والدتي نايمة
خلصنا ودخلت المطبخ وهما جابوا الاطباق وظبطوا السفرة زي ما علمتهم وقفت بجهز الكوكيز عشان بيحبوها وعمت فشار وعصير وخرجت الايس كريم وعملتلي قهوة مظبوطه وخرجت اظبط فيلم الكارتون اللي هنتفرج عليه قعدنا نتفرج عليه وناكل كل الاكل ولقيت والداتي بتنادي عليا سبتهم وخرجت
- نعم ياحبيبتي اؤمريني
- تعرفي انا بحبك
- بس بقي بتكثف الاه
- ياواد يامكسوف سارة نتكلم جد شوية
- مالك ياماما قلقتيني
- بصراحة ياسارة انا حاسة اني بودع ومينفعش اسيبكم كدة لازم تتجوزي ياحببتي
بعياط
- ماما انتي بتقولي اي
- شششش متقطعتنيش دلوقتي بقي دي اخر مرة هنشوف بعض فيها كرم ياحببتي اتقدملك اكتر من مرة وانتي فالجامعة ورفضته عشان كنتي بتدرسي متشغليش نفسك عن دراستك وهو وافق يستناكي وملمحكيش بأي شيء وهو فعلا طلع راجل وعمل بكلامه وبني نفسه بمجهوده وتعبه وانا بطلب منك طلبي الاخير انا عارفة انك بتحبية وهوبيحبك وانتي حافظتي عقلبك عشانه لما يبقي حلالك بعد وفاتي اتجوزيه علطول متستنيش كتير ايام وفاتي تمر لان الحزن في القلب يابنتي مش بالمظاهر
حققيلي طلبي الاخير ياسارة وخلي بالك من اخواتك ياسارة وخلي بالك من نفسك ومن كرم جوزك ان شاء الله ولو مارتحتيش اطلقي بس بعد سنة انا مش عايزة اغصبك علي حاجة اطلقي بس بعد سنة واحدة بس اديلو فرصة مع السلامة ياسارة متنسيش وادعيلي كتييييير .
انتقلت والدتي لرحمه الله تعالي سايبني لوحدي وسيبالي مسؤلية كبيرة
عدا 5 ايام بعد وفاتها وانا قاعده فالبيت لابسه الابيض عشان هي وصتني ملبسش اسود ابدا وفضلت مخرجش م البيت خالص الا مرة كل يومين اجيب حاجات البيت كل شغلي بقي طبيخ وغسيل وتنضيف البيت طبعا اخواتي مكنوش بيسبوني معايا دايما بيساعدوني وبيحاولوا يخرجوني من الحزن اللي فيه وروتين يومي اللي بقي متكرر كل يوم
في يوم كنت خلصت الاكل وبجهزه لاقيت الباب بيخبط لبست اسدالي الابيض اللي بقي ملازمني الايام دي وفتحت الباب عشان عارفة اخواتي مبيجوش دلوقتي لقيت كرم
- ازيك ياكرم ؟
- الحمد لله بخير في زحام من النعم وانتي ؟
- الحمد لله مش هينفع اقولك اتفضل عشان لوحدي و......
قاطعني بسرعه وقال
- عارف عارف جاي اقولك المأذون جي بكرة عشان وصية والدتك الله يرحمها
- يارب طب تمام
وقفلت الباب وقلعت الاسدال وفضلت بفستان ابيض طويل ومحتشم جدا
شوية واخواتي رجعوا دخلتهم ومش بقيت بكتر مقالب معاهم وبكتفي بفترة الهزار كل ليلة بس بصراحه هم مسبونيش وعملوا الواجب واكتر بقوا يعملوا فيا مقالب كل ثانية
صحيت الصبح وافتكرت كتب كتابي بس من غير فرح انا طلبت كدة بردوا عشان امي لسة ميته والناس هتقول عليا ايه
مش كفايا هتجوز والبس ابيض وبضحك كمان مش عارفة ليه بيبصوا للمظاهر هما دخلوا قلبي و عشان يشوفوا الحزن اللي عشش فيه
وبالفعل اتجوزت كرم حب طفولتي بس صونت قلبي وبعدت عنه عشان ربنا ميحرمنيش منه .
- يلا ياسارة عشان نروح علي شقتنا
- كرم ممكن لحظة تعالي بس فالبلكونة
دخلنا وقعدته وجبتله قهوه
- بص بقي احنا المفروض دلوقتي اتجوزنا صح؟
- صح .
- والمفروض هنسيب البيت دا ونروح شقتك صح
تعليقات
إرسال تعليق