واية وردة الحياة. البارت الثاني بقلم ندى محمد، ومريم عماد حنفي .عبر مدونة كوكب الروايات
رواية وردة الحياة. الفصل الثاني
وجرس البيت رن
ورد:طيب يا اللى على الباب ثانيه واحد
ورد عليها هدى صحبتها.انا يا ورد
ورد:معندناش زباله انهارده
هدى: تصدقى انك معندكيش دم
ورد : خلاص خلاص متزعليش ادخلى
هدى :فيه حد ولا
ورد:اه لوحدى كلهم مشيو
هدى:طب كويس قوليلى بقى هنبدا تنضيف منين
ورد:تعالى نشوف دا البيت عايز تنضيف كتيير .
#الساعه جت اربعه
هدى:اخيرا اى دا تحسى انو متنضفش من ايام الفراعنة
ورد:استنى احط الأكل نتغدا
هدى:بسرعه بس علشان همشى
الساعه جت اربعه ونص
هدى:تسلم إيدك يا قلبى الأكل جميل أمشى انا بقا علشان اتأخرت
ورد:استنى اوصلك
هدى:توصيلي مين يابنتى انا بيتى شارعين واوصلو سلام .
هدى بتفتح الباب تلاقي عبدالرحمن فى وشها كان لسه هيرن.
عبدالرحمن:ازيك يا هدى عامله اى فى دراستك
هدى:الحمد لله يا عبدالرحمن اهو الدنيا ماشيه
عبدالرحمن:اى يعنى ماشيه بدرى
هدى:بدرى اى دا انا اديلى من صبحيت ربنا هنا
عبدالرحمن:اجى اوصلك
هدى:لا شكرا يا عبدالرحمن
عبدالرحمن:اجى اوصلك والله متتكسفيش
ورد بترفع حواجبها وبتقولو:ما قالتلك خلاص هى بالعافية.
وبتمشى هدى
فتمسك ورد ايد عبدالرحمن :ادخل يا عم النحنوح
يحط عبدالرحمن ايدو على كتفها ويضمها ويقول:سيبك انتى دلوقتي المهم قوليلى عملالنا اى غدا .
ورد:عامله شويه ملوخية ورز وفراخ إنما اى هتاكلوا صوابعكم وراهم .
عبدالرحمن:ربنا يستر المهم حافظه رقم الإسعاف
ورد:يالهههوى علي خفت دمك
#الساعه جت سبعه وجرس الباب بيرن
عبدالرحمن: طيب طيب انا جاى اهو الدنيا مش هتطير
ورد:مين اللى جيه يا عبدالرحمن
عبدالرحمن:دا محمد وآنس
محمد:يا وردتى انتى فين يا قلبى
ورد:انا اهو يا قلبى
محمد:شايفه جايبلك اى
ورد:الله شوكولاته بس دا كتير اووى
محمد:ميكترش عليكى حاجة ابدا يا قلبى
ورد:بص انا المره دى هاخدها ومش هكسفك بس علشان خاطرى متجبش حاجة تانى لازم تمسك إيدك شويه علشان تعرف تجهز نفسك علشان بعد الجيش تروح تخطب البت البايره دى.
محمد:بايره طب والله لهقولها
يقاطعهم انس:عامله اى انهارده يا وردتى ويبوس على رأسها
ورد:الحمد لله يا قلبى وتحضنه
يدخل عبدالرحمن :طب والله أنا لما دخلت اول حاجة قالتهالى يا نحنوح يلا ربنا على الظالم والمفترى
بيضحكو كلهم والجرس بيرن
انس:دا اكيد أحمد هروح افتحلو
ورد:لا اقعد انت هروح افتحلو انا
بتفتح ورد الباب تلاقى احمد تنط عليه وتحضنو
:خالو وحشتنى جدا
احمد:وانتى اكتر والله يا وردتى
ورد:عامله شويه أكل إنما اى مقولكش
احمد:ادخلى حطى الأكل عقبال ما أغير لأن انا هممموت من الجوع
ورد:يا قلبى دقيقتين والأكل يكون جاهز
يقعدو كلهم على الطبليه وياكلو
انس:تسلم إيدك الاكل تحفه
محمد:عامله شويه ملوخيه تجنن تسلم ايديها بجد
احمد:بجد الأكل جميل انهارده
عبدالرحمن:اوعى تتغرى فى نفسك دول بيجاملوكى
ورد:تعال شوف مين هيعملك شاى
عبدالرحمن:إنما انتى عامله شويه رز إنما ايه خايف أكل صوابعى وراهم
ورد:أيوه كدا اتعدل
عبدالرحمن:يارب سامحني علي الكدب
ورد بتبصله بنص عين :بتقول حاجة
عبدالرحمن:لا متاخديش فى بالك
ورد:اه بحسب
محمد:المهم صحبتك جات النهارده.
ورد:اه والله تعبت معايا النهارده اووى.
انس:ربنا يكرمها ويخلهالك بجد مش هتلاقى زيها ابدا تانى ولا هى ولا عيلتها بجد اهلها ناس طيبين لازم تحافظي عليها ومتسبهاش ابدا.
عبدالرحمن:ما انتى لو تسمعى كلامى وتكلميهالى هنلم شمل العيله
ورد:اسكت انت خالص ومسمعش صوتك
عبدالرحمن:انتى حره دا لمصلحتك
انس:الشاى
ورد:اى دا انت عملته دا انا كنت هقوم اعملو
محمد:طب والله يا ستى لاغسلك المواعين انهارده
احمد:وانا هنزل اجيلك كل طلبات البيت
ورد بتبص لعبدالرحمن عبدالرحمن بيخبى وشو
ورد:وانت هتعمل اى يا أخويا
عبدالرحمن:انا كفايه انى موجود مالى عليكى الدنيا
ورد:هو دا اللى انت فالح فيه
#الساعه جت عشره اتجمعو كلهم قدام التلفزيون
محمد:ابقى جهزيلى الشنطه والنبى يا وردتى علشان همشى بكرا الصبح بدرى
ورد:من عنيا انا غسلتلك كل اللبس وكوتهولك
محمد:كوتهولى هو انا رايح فرح دا انا رايح الجيش يعنى هيمرمطو بكرامتى الأرض
احمد:والله عندو حق
ورد:هتوحشنى اووى خلى بالك من نفسك
انس:يا بختك يا عم ورد هتفضل ادعيلك لغايت ما ترجع
محمد:متخفش يا عمري كلها سنه وهتروح
انس:بتفكرنى لى
عبدالرحمن:يا وردتى هتروحى المدرسه بكرا
ورد:اه هروح علشان هغيب بعد بكرا علشان أسلم على محمد قبل ما يمشى
عبدالرحمن:أيوه صح يا أحمد انت كنت عايزنى الصبح لى
احمد:أيوه صح افتكرت تعالا معايا جوا الاوضه عايزك لوحدينا.
--
يتري هيقوله ايه ؟!
قراءة ممتعة
مستنيا رائيكم..
تفاعل بقي وتوقعتكم
يتبع الفصل الثالث اضغط هما
تعليقات
إرسال تعليق