رواية عندما يكون العوض جميلاً الفصل الرابع بقلم نورا محمود
رواية عندما يكون العوض جميلاً الفصل الرابع بقلم نورا محمود
عندما يكون العوض جميلا
|4|
في صباح اليوم التالي بدا روتيني جدا حيث استيقظ الجميع تناولوا الافطار سويا وذهب كلا لوجهته وبقيت ثريا حيث قامت بتنظيف المنزل واعداد الغداء وكان محمد اول من عاد من عمله
محمد : السلام عليكم
ثريا : عليكم السلام حمد لله عالسلامة
محمد : الله يسلمك محدش رجع ولا ايه
ثريا : لا لسه البنات زمانهم جايين وعمر قال هيتاخر النهاردة
محمد : يرجعوا بالسلامة هادخول اغير هدومي واصلي على ما البنات يرجعوا ونتغدى سوا
ثريا : ماشي
شوية والبنات رجعوا
هدى : ازيك يا ماما
ثريا : يا بنتي قولت الف مرة لما تدخلي تقولي السلام عليكم
هدى : حاضر السلام عليكم
ثريا : وعليكم السلام يا ختي عملتوا ايه في المدرسة
هدى : عادي زي كل يوم
ثريا لياسمين : طلعتي معاهم في نفس المدرسة
ياسمين : ايوا الحمد لله
ثريا : كويس انا كنت هنقلك معاهم
ياسمين : لا طلعت معاهم ورحت النهاردة فصلهم واتعرفت على اصحابهم كمان
ثريا : برافوا عليكي ...يلا روحوا غيروا وصلوا وتعالوا اتغدوا عشان عايزين ننزل بعد الغدا
البنات : ماشي
بعد شوية عالغدا
محمد : صليتوا الضهر
البنات : الحمد لله
محمد : الحمد لله ...سيبتلك فلوس يا ام عمر جوا عشان تشتري للبنات اللي عايزينه
ثريا : تعيش يا حج
محمد : تعيشي...كل اللي عايزينه اشتروه مرة واخدة مش عايز بكرة تقولوا نسينا مش عارف ايه وهننزل تاني
البنات : حاضر
ثريا وهي تقوم : الحمد لله هروح اعمل الشاي
خلصوا اكل والبنات لموا السفرة وغسلوا الاطباق
رحمة بصوت عالي : ماما انا رايحة البس
ثريا : ماشي بس بسرعة
رحمة : حاضر
ثريا : يلا روحوا انتوا كمان البسوا
ياسمين : ماشي يلا يا هدى
هدى : يلا
لبسوا كلهم ونزلوا راحوا اكتر من محل واشتروا كل حاجه ياسمين اشترت اكتر من جيبه ودريس بالوان مختلفة وطرح ولبس بيت وكل حاجه بتحتاجها البنت
ياسمين : كفايه يا ماما كدا كتير اوي
ثريا : ولا كتير ولا حاجه البسي وعيشي حياتك
ياسمين : مش عارفة اقولك ايه لو ماما ما كنتش هتعمل كدا معايا
ثريا : ما انا ماما فعلا وانتي بس اضحكي كإنك قولتي كل الكلام اللي في الدنيا
رحمة : ماما ايه رأيك في الجيبه دي (كانت ماسكة جيبة حلد سودا واسعة )
ثريا : لو عاجباكي خديها
رحمة : هي حلوه البس عليها ايه
ياسمين : البسي حاجه يكون لونها لافندر وطرحه بيضه فيها لافندر وهاڤ بوت اسود بكعب
البائعة : ذوقك تحفة يا انسه والوان جميله
ياسمين : شكرا
بعد ساعة كانوا اشتروا كل حاجه
ثريا : خلاص كدا مش عايزين حاجه تانيه
البنات : لا
ثريا : طب يلا عشان الحق اجهز العشا واعملوا حسابكوا هتساعدوني لاني خلاص تعبت
رحمة : ماشي
وقفت تاكسي وركبوا كلهم
رحمة : اللبس جميل اوي
هدى : فعلا مكنتش عارفة اشتري ايه ولا ايه
ياسمين : بس الاسعار غاليه اوي
رحمة : ولا غاليه ولا حاجه كل الاسعار كدا
وصلوا البيت وسمعوا دوشه في الدور التالت اللي هما سكانين فيه
ياسمين : ايه الدوشة دي
رحمة : ده صوت بابا شكلة بيتخانق
ثريا : كلموا اخوكوا بسرعة
هدى : انا هكلمه
طلعوا لقيوا ابو ياسمين هو اللي بيتخانق مع محمد
سيد : بقولك ايه الفلوس اللي اديتهالي قليلة وخلصت وانا عايز الباقي
محمد : باقي ايه انت اخدت اللي انت عايزة وكنت موافق مالكش حاجه عندي
سيد : لا ليا ما اهو مش اربي واكبر وتيجي انت تاخدها عالجاهز وترميلي 4000 بس دول ما كانوش يكفوها شهر مصاريف
محمد : مصاريف ايه انت عمرك ما صرفت عليها
سيد : وانت ايش عرفك كنت عايش معانا
محمد : لا بس ياسمين حكيت كل حاجه انك من يوم ما مامتها ماتت وانت مشتريتش ليها اي حاجه حتى لبس المدرسة كانت بتاخد بتاع جارتها القديم يبقى فين المصاريف
سيد : كدابة بنت الكلب كانت بتاكل احسن اكل من فلوسي
محمد باستحقار: هتحاسب بنتك عالاكل يا راجل ده انت حتى ورثها في امها اكلته اكلت مال اليتيم
سيد : قول بقا انك كنت طمعان في ورثها ارتاح مفيش ورث خلاص بح
محمد : وانا كنت اعرفها منين عشان اطمع في ورثها اعقل كلامك قبل ما تقوله
سيد : خلاصة الكلام مفيش فلوس يبقى هخدها تخدمني
محمد بعصيبة : ده على جثتي ياسيد واتفضل امشي من هنا
ياسمين : انت ايه اللي جابك هنا
سيد : جاي اخد باقي تمنك
ياسمين : والله انت بعتني وانت موافق عالسعر يبقى مالكش حاجه
سيد : ما هو لو مجتيش معايا بالذوق هبلغ عنهم واقول انهم خاطفينك
ياسمين : هشهد انك انت اللي بعتني
سيد : هقول انك مختلة عقليا وشهادتك تترفض وهحبسهم كلهم
عمر : بابا في ايه
محمد : الافندي جاي عايز خمسين الف والا يبلغ عننا اننا خاطفينها
عمر : خاطفينها ازاي وهي قاعدة معنا بارادتها
سيد : كفايه بقا لف ودوران هي جايلها عريس غني وانا وافقت ولازم ترجع معايا النهارده عشان كتب الكتاب
محمد : عريس ايه انت اتجننت دي لسه قاصر
سيد : مالكش دعوة بنتي وانا حر
ياسمين بعصبيه : لا مش حر انا مش بنتك انت بعتني افهم
بقا
سي : هما حلين مالهمش تالت اما تيجي معايا وتتجوزي او ابلغ عنهم واحبسهم كلهم اختاري
عمر : انا عندي حل تالت انا ممكن ***
لمتابعة الفصل الخامس اضغط هنا
تعليقات
إرسال تعليق