رواية خطيب للإيجار الفصل الثاني بقلم سوليية نصار

 رواية خطيب للإيجار الفصل الثاني بقلم سوليية نصار

رواية خطيب للإيجار الفصل الثاني بقلم سوليية نصار

-مالك بس يا سعاد ...ده انتي مفروض تزغرطي ؟

-ازغرط ...ده هخلي اللي ما يشتري يتفرج عليكي يا غلطة عمري 

مسكت شعري وقالت :

-جواز ايه يا بت انطقي انتي ناوية تموتيني ناقصة عمر !

-اهدي يا فوزية هتموتيني!!يا بابا الحقني 

جه بابا وقال بخضة :

- فيه ايه يا سعاد مالك 

-تعالي يا اخويا شوف بنتك المجنونة بتقول انها اتجوزت !

بصلي بابا بصدمة

-هو بصراحة مش بالضبط ...سعاد مكبرة الموضوع شوية ....انا لسه هتجوز يدوب اتفقنا نتخطب.

-لا والله وجاية تبلغينا ولا تاخدي راينا ....انتي ناوية تجنينيني يا بت مش كفاية امك 

-ومال امها يا استاذ محمود 

-لا يا حبيبتي مش قصدي بس مش شايفة بنتك اللي ناوية تشلنا 

يظهر ان هتحصل مشكلة دلوقتي عشان كده قررت اقول الحقيقة 

-بصراحة كده انا طلبت من شاب ماشي في الشارع انه يتجوزني 

الام :ما شوفتش في اخلاقك 

الاب:والله ما ربيتك 

-يا جماعة اسمعوني بس 

-نسمع ايه تاني مغامرات بنتي البجحة 

-لا يا محمود احنا نستناها لما تهرب وتفضحنا

-دي خطوبة مزيفة مش حقيقي ....انا بس هاخده فرح اشرف عشان اربيه  

رفعت امي الشبشب وقالت:

- ده انا اللي هربيكي يا بت محمود.

ونزلت فيا ضرب 

  .....

علي بالليل كنت جهزت نفسي ولبست اشيك فستان عندي وانا متفقة مع يوسف انه يقابلني قدام القاعة ...طبعا امي وابويا رافضين يكلموني بعد ما صممت اعمل اللي في دماغي طبعا بعد مهاترات ودموع كدابة مني علي شوية شحتفة كدابة اتعلمتها من المسلسلات امي رمت الشبشب في وشي وقالتلي اعملي اللي انتي عايزاه 

...

طلعت من اوضتي وعلي برة علطول منعا للاشتباكات تاني وركبت تاكسي .

.....

قدام القاعة اللي هيتجوز فيها خطيبي السابق لقيت يوسف واقف 

-بسم الله ما شاء الله ده قمر في البدلة الرصاصي شبه ابطال الروايات اللي كنت بسرقها من امي واقراها....لا اتقلي يا يقين اومال الواد يقول عليكي واقعة مش كفاية اتقدمتيله في الشارع!...قربت منه فابتسم وقال :

ايه القمر ده 

ضحكت وانا بضربه علي كتفه وبقول 

والله انت القمر وقميصك قمر فيسكوز ده يا ببلاوي 

-لا ده من التوحيد والنور 

-احسن ناس والله 

-طب يالا ندخل 

- يالا.

...

دخلنا القاعة وانا ببص لخطيبي الاهبل بيرقص مع صحبتي اللاهي يرقصوا في نار جهنم هما الاتنين ...مسكت دراع يوسف وانا بقول :

شوف يا يوسف البغل ده سابني عشان يتجوز السلعوة اللي بترقص معاه. 

-بصراحة ومن غير زعل السلعوة دي صاروخ خطيبك بيفهم 

ضربته علي كتفه:

-اتلم انت معايا ولا معاهم 

-انا مع الحق والصاروخ اللي بيرقص هناك ده 

-انتوا الرجالة كده بتبصوا علي الشكل وتنسوا الأدب والأخلاق 

-ادب وأخلاق ايه يا منار ده انتي طلبتي تتجوزيني في الشارع. 

- ده وضع استثنائي لكن انا ولية مؤدبة 

-طب امشي قدامي يا مؤدبة .مسكت كوبايةعصير علي أساس اني اشربها ومشيت جمبه 

قربت من العرسان بعد ما قعدوا علي الكوشة وابتسمت وانا بقول 

الف مبروك يا اشروف كده يا راجل متعزمناش علي فرحك 

اتصدم اشرف وقالي بتوتر 

-يقين ايه اللي جابك هنا ؟!

تجاهلته وانا ببص لصحبتي 

مبروك يا نيلة 

-نيلة 

-اومال. انتي اسمك ايه 

-جميلة يا يقين مالك ؟

-يووه الزهايمر وعمايله معلش يا نيلة كلها مسميات ...المهم احب اعرفكم 

مسكت ايد يوسف وانا بقول 

- ده حمو جوزي وابو عيالي 

شد يوسف ايدي وقال بهمس 

ابو عيالك مين متأفوريش كده انا لسه شايفك الصبح 

ابتسم وسلم علي اشرف وقال :

-انا يوسف خطيب يقين 

-يوسف مين 

ضحكت وانا بقول 

-يوسف الشريف 

خبط يوسف دراعي وقال 

-يوسف الصياد...صاحب شركة الصياد للاستيراد والتصدير تعرفها 

بصتله بصدمة ولقيت اشرف اتلبك وقال 

- طبعا يا فندم ده حضرتك أشهر من النار علي العلم...

صاحبتي قاطعته وقالت 

-انا والله يا يوسف بيه كان نفسي اشتغل عندكم وقدمت ورقي وكل حاجة بس اترفضت 

-يبقي اكيد مكانش عندك الخبرة الكافية عشان تشتغلي عندي معلش شوفيلك شركة علي قد خبرتك ...يالا مش هنعطلكم اكتر من كده سلام  

يوسف مسك ايدي وبإيدي التانية قلت 

-اشرف عايزة اقولك حاجة 

-اتفضلي يا يقين 

رميت العصير اللي في الكوباية اللي كانت في ايدي وانا بقوله 

-مبروك يا مغفل .

لمتابعة الجزء الأخير اضغط هنا