رواية احببت خاطفي الفصل السابع بقلم يسرا نصر
رواية احببت خاطفي الفصل السابع
.
فريدة : انا بشبة عليكي
.
...... : انا وردة
.
♥♥♥♥♥♥♥♥♥♥♥♥♥
.
حازم : معلش مش واخد بالي
.
فريدة : مش انتي البنت اللي كانت بتغرق الصبح؟
.
وردة ب ابتسامة : مظبوط
.
حازم : ايوا ايوا افتكرتك
.
حازم : و علي فكرة فريدة هي اللي عملتلك التنفس الصناعي وانقذت حياتك ع الشاطئ
.
وردة : بجد؟ انا متشكرة ليكم جداً
.
وردة : ماما و بابا عايزين يسلموا عليكم ويشكروكم ع وقفتكم جمبي
.
حازم : مفيش شكر ولا حاجة مفيش لزوم
.
وردة : لا ازاي بس بابا وماما عايزين يسلموا عليكم
احنا ف الديسكو ع الترابيزة دي هناك اهي
.
راح حازم و فريدة مع وردة ع ترابيزة والد وردة
.
وردة : بابا اقدملك استاذ حازم و خطيبته فريدة اللي انقذوني من الغرق
.
فريدة بصت ل حازم وغمز حازم ل فريدة بمعني تسكت متعلقش
.
والد وردة : انا مش عارف اشكرك ازاي يا استاذ حازم
.
حازم : مفيش شكر ولا حاجة دا واجب واي حد مكاني كان عمل كدة من غير ما يفكر
.
والد وردة : اعرفك ب مراتي ورد
.
حازم : ورد؟ وبنتك وردة ههههههه
.
والد، وردة : وانا رياض الاسيوطي رجل اعمل
.
رياض، : ودة ابني وليد 4 كلية هندسة
.
حازم سلم عليهم كلهم
.
رياض : اتفضلوا اقعدوا
.
قعد حازم و فريدة وبدؤا يرغوا شوية عن شغل حازم والشركة اللي فاتحها وتبادلوا الكروت عشان يبقي فيه شغل مشترك
.
وليد : وانتي بقي يا انسة فريدة ف كلية اية؟
.
فريدة : ف تجارة انجلش
.
وليد، : برافو
.
حازم : احنا مطرين نستأذن بقي
.
رياض، : لا مش ممكن نتعشي وبعدين امشي
.
حازم : لا انا اللي، عازمكم ع عيد ميلاد فريدة
احنا سهرانين هنا اتفضلوا معانا ع ترابيزتنا
.
رياض : كل سنة وانتي طيبة يا فريدة
.
وليد، : هتمي ال كام سنة؟
.
فريدة ب ابتسامة : 21 سنة
.
وليد، : انتي ادي يعني بس انا هتم ال 22
.
فريدة : ماشاءالله العمر الجميل كلة ليك
.
وليد : شكرا يا قمر
.
خبط حازم ف دراع فريدة بمعني متتكلمش مع وليد
.
فريدة بصوت واطي، : بطل، خبط فيا
.
حازم وهو بيجز ع اسنانة : بطلي كلام مع الواد، دة
.
فريدة بصوت واطي : ملكش دعوة
.
فريدة عزمت وليد ع عيد ميلادها عشان تغيظ حازم ويبطل يتحكم فيها من غير مناسبة
.
فريدة : اتفضل يا وليد ع عيد ميلادي
.
وليد بفرحة : انتي، تؤمري يا قمررر يلا
.
اخدت فريدة وليد وراحوا يرقصوا و حازم واقف هيطق من جنابة
.
حازم : اتفضلوا معايا
.
قام رياض وحرمة ووردة بنته ع عيد الميلاد
.
وردة : تعالي يا حازم ارقص معايا
.
حازم : بعد اذنك يا رياض بيه ممكن ارقص مع وردة؟
.
رياض : طبعا يا حازم انت زي اخوها الكبير
.
قام حازم و وردة يرقصوا
.
نادي رياض ع الجرسون وامرة بمناداه الشيف
وبعد لحظات الشيف جة
.
الشيف : تحت امرك يا فندم
.
رياض : عايز اكبر تورطة في الفندق عشان فريدة
وتكتب عليها اسمها بعرض التورطة
.
الشيف : ماهم جايبين تورطة متوسطة
.
رياض، : اعمل اللي قلتلك عليه ف ظرف نص ساعه تكون جاهزة
.
الشيف : حاضر يا فندم
.
مشي الشيف ينفذ كلام رياض بية اكبر رجل اعمال
و شريك ف الفندق دة
.
بعد مرور حوالي ساعة من الرقص
.
ابتدأت الاغاني الخاصة بأعياد الميلاد ودخلوا مجموعة كبيرة من الجرسونات ع الشيفات وهم
بيزقوا التورطة وكل اصحاب فريدة مبسوطين
.
حازم بصوت واطي ل حسام
.
حازم : يخربيتك يا حسام انا مش قلتلك اعمل عيد ميلاد ع الضيق انت عايز تخربيتي؟
.
حسام بصوت واطي : انا عملت اللي انت قلت علية
.
رياض : دي تحية مني خاصة ل الاستاذ حازم
و الانسة فريدة عشان انقذوا بنتي حبيبتي من الغرق
.
رياض بسعادة : كل سنة وانتي طيبة يا فريدة
.
فريدة بسعادة : وحضرتك طيب يا عمو رياض
.
واتلفو كلهم حوالين التورطة وبدأوا فى عيد الميلاد الشيف قطع التورطة ووزعها وكل واحدة
قدمت الهدايا بتاعتها ل فريدة
.
ملك : كل سنة وانتي طيبة يا ديدا
.
فتحت فريدة الهدية واللي كانت عبارة عن طقم اكسسوارات بس فخم جدا
.
سلمي : كل سنة وانتي طيبة يا فريدة
وقدمت سلمي الهدية بتاعتها واللي كانت عبارة
عن نوع برفان بس مش غالي
.
سلمي في نفسها : اية يا حلوة معجبتكيش منا مش هكلف نفسي واجيبلك هدية غالية وانتي واخدة حبيبي مني
.
فريدة ب ابتسامة : ميرسي يا سلمي
.
احمد بمرح : كل سنة وانتي طيب يا ديدا وعقبال
مليون سنة يا قمرررر
.
فريدة بسعادة : وانت طيب يا احمد
.
فريدة كانت بتدور بعنيها ع مالك بس مكنش موجود
.
فريدة ب استغراب : هو مالك فين؟
.
اصحابها بصوا حواليهم بس ملقوش حد
.
ملك : هو راح فين دة؟ كان موجود من شوية
.
لاحظت سلمي غياب انجي كمان
.
سلمي : هي انجي فين؟ مش موجوده كمان
.
حازم : بقولك اية؟ سيبك منه وتعالي نرقص
متضيعيش اليوم الحلو دة ع حاجه متستاهلش
.
شد حازم فريدة واصحابها وبدأت الاغاني الشعبية
وفضلت ترقص مع اصحابها
.
حسام شد، ملك
.
حسام : متخليكي معايا يا قمررر شوية مالك متجهلاني لية؟
.
ملك : انا ؟ لا خالص
.
بعد شوية بدأت اغنية بااااااام بااااااااااام
( ل محمد رمضان )
.
صاحبى كلمني وقالى انزلي رايحين نسهر
روحنا قعدنا إداني الكاس قلتله بلاش أنا مش بشرب
طلبت عصير ما انا مش بشرب
ما طلعش عصير أنا كده بشرب
شايف عصافير
ودماغى بتعمل بم بم
يا جماعة أنا مش لاقي تليفونى، يا جماعة بيرن هناك ما تجيبهولي
يا جماعة سلاحف الننيجا طلبوني
يا جماعة انا شكلي خربت فوقوني
ولاعة، حد يجيب الولاعة، يا جماعة حد يوطي السماعة
يا جماعة مش عارف ابص في الساعة
بم بم
عقلي اتخدر وشى مزنهر حاسس بحر أنا مضطر إني اشمر
رجلى بتُزك جسمي بيفك
مرة واحدة لاقيت قلبى عمال بيـ بام بام بام
يا جماعة انا شايف كائنات فضائية وعنيا قلبت يابانية ودماغي جواه حرب عالمية
بم بم"
.
خلصت الاغنية وبدأت اغنية جديدة
.
وبدأت فريدة ترقص مع اصحابها و حازم
.
خلص اليوم ع خير وسعادة
.
حازم : يلا بقي يا ديدا اطلعي نامي
.
فريدة : انا مش هطلع غير لما اشوف مالك فين؟
.
حازم : يا حبيبتي اطلعي نامي تلاقيه طلع نام
.
فريدة : بصراحة انا مش عايزة انام انا عايزة اخرج
.
فريدة : ملك بقولك اية متيجي نخرجو
.
ملك : نخرج دا اية؟ دنا هموت وانام دا وحشني اوووي
.
فريدة ب استغراب : هو مين دة اللي، وحشك؟
.
ملك بضحك : ههههههههه السرير طبعا امال فاكرة اية؟
.
فريدة : طيب خلاص
.
فريدة : حازم انا عايزة اخرج من تخرج معايا؟
ولا اخرج لوحدي؟
.
حازم : تخرجي لوحدك دة اية؟ لا طبعا هاجي معاكي
.
فريدة بسعادة : طيب هتخرجني فين؟
.
حازم ب ابتسامة : الاميرة تؤمر وانا انفذ
.
فريدة : طيب يلا ونفكر ف السكة
.
حازم : اتفضلي يلا بينا
.
خرجت فريدة مع حازم وكان الوقت متأخر
وركبوا عربية حازم و حازم هو ساق وطلع بالعربية
.
بعد مرور ساعه وهما بيلفوا ف الشوارع قابلتهم لجنة
.
الظابط : وقف وقف الرخص
.
طلع حازم الرخص
.
حازم : اتفضل
.
بص الظابط ع حازم و فريدة اللي كانت اعدة جمبة وافتكرها بت شمال من القصير اللي لابساه
.
الظابط : بطايئكم
.
حازم : هاتي بطاقتك يا فريدة
.
طلعت فريدة بطاقتها وادتها ل حازم
.
حازم : اتفضل
.
الظابط بص ف البطايق
.
حازم : في حاجة يا حضرة الظابط،؟
.
الظابط : اية دة انتم قرايب؟
.
اتلجلج حازم : هاه
.
فريدة : لا طبعا قرايب اية؟ دا مجرد، صديق،
.
الظابط : ازاي؟ دا انتم قرايب انتم ولاد عم
.
الطابط : هو انتم مكنتوش تعرفوا انكم اقارب؟
.
فريدة ب استغراب : ازاي ابن عمي يعني؟
.
فريدة : وريني بطاقة حازم كدة لو سمحت؟
.
نتشت فريدة بطاقة حازم من الظابط وهي مصدومة
.
فريدة ب صدمة واستغراب وكانت حاسة ان دماغها فيها شلل
.
فريدة بصدمة : انت ابن عمي مصطفي المهدي،؟
.
حازم : ايوا
.
فريدة : انت كنت تعرف اني بنت عمك؟
.
حازم : طيب اهدي يا فريدة وانا هفهمك
.
حازم : بعد اذنك يا فندم ممكن البطايق؟
.
الظابط، : اتفضل
.
اخد حازم البطايق
.
حازم : اركبي يا فريدة
.
ركبت فريدة بس كانت مصدومة ع مشتتة ع متعصبة
.
حازم وهو بيسوق كان عمال يفكر يقولها اية؟
هو مصدق انة قرب ل فريدة عشان ينتقم من عمة الظالم في بنته
.
فريدة : حازم انت كنت تعرف اني بنت عمك؟
.
حازم : بصراحة كنت شاكك بس مش متأكد
.
فريدة : بجد، يا حازم مكنتش تعرف اني بنت عمك؟
.
حازم : قلتلك مكنتش متأكد اما شفتك قبل كدة اما خبطي العربية كنت شاكك
.
حازم : لاحظي، ان بالي سنين طويلة مشفتكيش
ومعرفش شكلك بقي اية لما كبرتي
.
فريدة بصدمة : طيب هو عمي مصطفى فين دلوقتي انا عايزة اشوفة
.
حازم بحزن وقهرة ف نفس الوقت ع غيظ لنا افتكر ظلم عمة ووصية ابوة ف الانتقام
.
حازم : الله يرحمة توفي من 3 سنين
.
فريدة بحزن : بجد؟ الله يرحمة.. البقاء لله يا حازم
.
فريدة : انا اسفة يا حازم لسة عارفه منك دلوقتي
.
حازم بحزن ع غيظ : ونعمة بالله
.
فريدة : انا فاكرة وانا صغيرين اما كنا بنلعب نع بعض فاكر؟
.
حازم بغيظ : ايوا فاكر
.
حازم : معلش يا فريدة احنا هنرجع دلوقتي الفندق
عشان تعبان وعايز، انام
.
فريدة : طيب ماشي وانا كمان عايزة انام
.
رجع حازم للفندق وطلع فريدة اوضتها
.
حازم وهو بيمثل انة خايف عليها
.
حازم : خلي بالك من نفسك وبما انك بقي بنت عمي مش عايزك تكلمي اللي اسمة مالك دة
.
حازم بحزم : فاهمة؟
.
فريدة : خايف عليا؟
.
حازم بنظرة مفهمتهاش فريدة : طبعا ان مخفتش
عليكي هخاف ع مين؟
.
فريدة : طيب حاضر
.
دخلت فريدة اوضتها وقفلت الباب وراح حازم ع اوضتة
.
حسام : جرا اية يا حازم كنت فين كل دة؟
.
دخل حازم وقعد ع السرير وحط ايدية كلها ع وشة وكان مدايق جدا
.
حسام : حازم.. مالك يا حازم؟
.
حازم بغصب : كل اللي رتبتة انهار
.
حسام بعدم فهم : مش فاهم متفهمني ياعم كويس
.
حازم بغضب : هو اية اللي مش فاهم
.
حازم بغضب اكبر : فريدة عرفت كل حاجة
.
حسام : عرفت اية؟
.
حازم بغضب : عرفت اني ابن عمها
.
حسام : وعرفت منين هو انت قلتلها؟
.
حازم بغضب اكبر : مقلتلهاش دنا اخدتها وخرجنا
ولجنة وقفتنا وشافوا البطايق وعرفت اني ابن عمها
.
حسام : انا مش فاهم هو انت عايز تعمل اية ف فريدة؟ انت تارك مع عمك مش مع بنته
.
حازم بغضب : بقولك اية؟ انا مش طايق نفسي
انخمد عشان مطلعش زرابيني عليك
.
حسام : بس ااا...
.
قطع حازم كلامة بغضب شديد
.
حازم بصوت عالي مليان بالغضب : حساااااااااام
اقفل الموضوع دة وانخمد
.
حسام : طيب طيب اهدئ تصبح ع خير
.
حسام بصوت واطي وهو بيتغطي
.
حسام : ربنا يهديك يا حازم
.
دخل حازم السرير وهو عمال يفكر هيتصرف ازاي
مع فريدة
.
.
بعد مرور 4 ايام مروا ع خير وبدأت فريدة تتعلق
ب حازم وحست انة طيب و خدوم وبيخاف عليها
جدا ومش بيسمح ان حد يدايقها ولا يكلمها
.
فريدة ع الفطار ف الاوبن بوفية
.
قام حازم يعمل طبق للفطار
.
فريدة : لا خليك يا حازم انا هعمل لنفسي طبق وهعملك معايا
.
حازم ب ابتسامة مزيفة : ماشي يا حبيبتي
.
قامت فريدة تعمل طبق لها و ل حازم
.
بعد الفطار قامت فريدة و حازم ع البحر يتمشوا شوية
.
احمد : تعالي يا سلمي نتمشي شوية
.
حسام : تعالي يا ملك نتمشي شوية
.
قاموا كلهم ع البحر يتمشوا
.
احمد : سلمي ممكن اسألك سؤال؟
.
سلمي : اتفضل
.
احمد، : هو انتي لسة بتحبي مالك؟
.
سلمي : لا مالك ميستاهلش حبي له وانا اصلا معرفش هو فين اختفي فجأة حتي فريدة متعرفش هو فين
.
احمد : يعني انتي بنيتي تفكيرك دة عشان بس مالك مختفي
.
احمد : يعني لما يظهر هتغيري تفكرك دة؟
.
سلمي بغضب : معرفش بقي
.
هنا فهم اخمد ان سلمي لسة قلبها متعلق ب مالك
وقرر انه يديها فرصة يمكن يفوز بقلبها ف يوم من الايام لان احمد بيعشق ملك حب حقيقي
.
احمد : طيب متدي نفسك فرصة وحاولي تنسي
مالك دة
.
سلمي بقلة حيلة : ربنا يسهل
..
......
.
عند حسام و ملك ع البحر وهما راكبين بيتش باجي و ملك ورا حسام و ملك عماله تصرخ من السعادة والفرحة و حسام مذود السرعه
.
ملك بصراااااخ وبضحك : عااعااعااععاععاا هههههههههه براحة يا حسام
.
حسام : متبقيش جبانة يا ملوكي
.
وهما بيجروا بالبيتش باجي بسرعة وبعدوا كتيررر عن الفندق خبطوا هما الاتنين ف زي جبل رملي كبير جداً ملك اتنطرت من البيتش باجي ووقعت ع الرمل وحسام وقع كمان
.
ملك بوجع : ااااااااااه
.
حسام بوجع : اااااه اية دة احنا خبطنا ف اية؟
.
ملك : جتك اوا يا بعيد تعالي ياض قومني
.
حسام : انا اسف انا اسف
.
جررري حسام ع ملك وسندها وقامت وهي باصة ع كومة الرمل الكبيرة دي؟
.
ملك : اية دة صحيح؟
.
حسام : اكيد تصليحات ولا حاجة
.
ملك : تصليحات اية في الرمل كدة ومفيش اي، لافته تقول ان هنا منطقة عمل
.
حسام : ما يمكن لسة هيحطوا لافتات
.
ملك : لا مش مقتنعة انا هحفر هنا انا قلبي مش مرتاح
.
بدأت ملك تحفر ف الرمل
.
حسام : يا بنتي بتعملي اية بس؟ ما يكون اللي، يكون واحنا مالنا؟
.
ملك : ياض بطل، جبن وتعالي احفر معايا بطل رغي كتير
.
نزل حسام ع ركبة وبدأ يحفر مع ملك
.
وبعد مرور حوالي 15 دقيقة من الحفر
.
وفجأة..
.
ملك بخضة : يلهوووووي اية دة يا حسام؟
.
♥♥♥♥♥♥♥♥♥♥♥♥
.
ستووووووووووووب هنا
.
توقعاتكم
.
يا ترا ملك لقت اية في الرمل؟
.
. يا ترا مالك اختفي وراح فين؟
.
. يا ترا حسام هيتصرف ازاي؟
يتبع الفصل الثامن اضغط هنا
تعليقات
إرسال تعليق