رواية أختي عمياء الفصل الثالث عشر بقلم جيسي سلامة
رواية أختي عمياء الفصل الثالث عشر بقلم جيسي سلامة
في فيلا شهاب المنشاوي
يجلس مالك في غرفته يهاتف عائشه
مالك : وحشتيني اوي اوي يا حبيبتي
عائشه : وانت كمان وحشتني اوي بس هانت كلها يومين واجي القاهرة
مالك : انا لحد دلوقتي مش مصدق ان والدك نقل شغلة تاني القاهرة دي احلي مفاجأة
عائشه : انا نفسي مستغربه ماما هي الطلبت نرجع نعيش في القاهرة بعد ما كانت رافضه بعد ما خسرت يوسف
مالك : متقلقيش ياحبيبتي انا طلبت من ظابط صاحبي يحقق ورا الموضوع ده
عائشه : ربنا يخليك ليا
مالك : ويخليكي ليا يارب
(السناجل يجوا في جم كده لوسمحتم 😂😂😂)
............................................
في شركة المنشاوي
مالك : كده خلاص ياأحمد كل الورق جاهز
احمد : ايوه كده كل حاجه تمام
مالك : تمام، ناوي تروح خطوبة جني بنت فريد بيه
احمد : لا مش هاقدر خلود لسه تعبانه من الولاده مش هاقدر اروح من غيرها
مالك : تمام هاروح انا وزين
ليدخل زين دون أن يطرق الباب
مالك : يا بني انت مش في زفت باب تخبط عليه ولا اسلوب البهايم ده مش هاتغيره
زين : لو مش عجبك طلقني طلقني
لينظر الي احمد
زين : اخبار ادهم حبيب خالو اي
احمد : مطلع عين الخلفوني طول اليوم عياط
زين : احسن تستاهل من أعمالك
احمد : تصدق ان انت خال مش جدع ماتاخد اختك وابنها كام يوم عندك اعرف انام بس 😢
زين : تقصد اي هاها انك معتيش بتحب اختي وعايز تخونها وطلقها 😈
احمد : يخريبيتك اي الكلام ده انا ناقص الحمد لله خلود مش هنا كانت صدقت
زين : هههههههههه فعلاً اختي وعارفها هبله
احمد : اكسكيوزمي بقي متقولش علي مراتي هبله دي اعقل منها ماشوفتش
زين : أصيل ياابو رحاب
احمد : باين الكدب
زين : اوي 😂😂😂
مالك : خلاص بطلوا شغل العيال ده وانت يا زين جهزت عقود الشقه
زين : ايوه كل حاجه جاهزه
احمد : شقه اي
مالك : كنت طلبت منه يشوف شقه في العماره بتاعته لحمايا وحماتي
احمد : اشمعنا الشقق الي في عماره زين صغيره اوي مقولتيش ليه اشوفلك شقه للعائلات
مالك بغموض : لا عماره زين كويسه هاتنفعهم اكتر
....................................................
يقف زين ومالك في استقبال عائلة عائشه
تهبط عائشه وعائلتها من السياره ليتقدم نحوهم مالك
مالك : حمدلله على السلامه
اسامه ونيڤين : الله يسلمك يابني
مالك : اعرفك يا عمي زين صاحبي وساكن في الشقه الي في وش الشقه بتاعتكم
زين : أهلاً وسهلاً بيكم نورتوا العماره
اسامه : ده بنورك يابني
زين : لو احتجتوا اي حاجه انا موجود اكيد
ظلت نيڤين تنظر لزين لتهتف : يوسف ابني
لينظر لها زين بصدمه : اسمي زين يا امي مش يوسف
لتهبط دمعه من عيون نيفين : معلش يابني اصل انت فيك ملامح من ابني
مالك مغيرا للموضوع : زين وصلهم للشقه وانا هاجيب الشنط انا وعم عبدوا
زين : حاضر
يقفوا امام الاسانسير
زين : تقدر تتطلع يا بشمهندس انت والمدام وانسه عائشه وهاطلع بعدك انا والبطل الصغير
اسامه : ماشي يابني
ليصعدوا ويبقي زين وحسام ظل حسام ينظر لزين
زين : مالك بتبصلي كده ليه
حسام بدموع : اصلك فعلاً شبه يوسف اخويا الكبير تعرف انا ماشفتوش غير في الصوره بس كان نفسي يكون موجود ويلعب معايا زي اخوات اصحابي ويقف معايا لما العيال الي في المدرسة الأكبر مني يغلسوا عليا
زين وهو يمسح دموع حسام : اي رائيك تعتبرني يوسف وانا اوعدك اكون سندك واقف معاك علي طول
ليحتضنه حسام، ويبتسم زين ويبادله الحضن
زين : اي رائيك بعد ما ترتاح شويه من السفر تيجي عندي نلعب بلايستيشن سوا
حسام بفرحه : اكيد طبعاً موافق
زين : يلا بينا نطلع بقي
..................................... .................. .......
يوم حفله الخطوبه
يدخل مالك برفقه خديجة وعائشه وزين القاعه
يساعد مالك خديجة علي الجلوس ويسحب لعائشه كرسي ويذهب مالك وزين في اتجاه فريد
فريد : أهلاً وسهلاً اتفضلوا
مالك : فريد بيه كنا عايزين نسلم علي العروسة والمدام
فريد : ايوه طبعاً الاء يا الاء
الاء : ايوه يا فريد
فريد : اعرفك مالك المنشاوي وزين
الاء وهي تنظر لمالك بحنان وشعور لم تستطع معرفته : أهلاً وسهلاً شرفتونا
زين : الشرف لينا
فريد : وصليهم يسلموا علي جني يا الاء
الاء : اتفضلوا معايا
بعد ان سلم مالك علي جني وآدم استأذن بالانصراف
بعد خروجهم من القاعه
زين : انا هاروح اجيب العربية
مالك : تمام، لياتي لمالك اتصال ويبتعد عن عائشه وخديجه لتاتي سيارة سوداء تقف امام خديجة وعائشه وينزل منها بعض الرجال ليسحبوهم داخلها ويرحلون
........................... .............. ...........
عند رقيه تتحدث في الهاتف بعصبيه
وتغلق الخط
هايدي : في اي يا ماما
رقيه : الاغبياء الي كلفتهم يخطفوا عائشه وخديجه بيقولوا حد تاني خاطفهم
هايدي بخبث : هايكون مين غيرنا
رقيه بعصبيه : مش عارفه
........................................ .................... ...
بعد مرور اسبوعين ظلت رقيه تحاول معرفه مكان عائشه وخديجه
......................
يقف مالك بسيارته امام فيلا فريد ويهبط منها ويتقدم للدخول
يقف مالك وسط الصالون
مالك : طبعا قاعدين مرتاحين هنا وانا الي لازم امثل ان بدور عليكم
لتتقدم خديجة في اتجاه وتحتضنه ويبادلها الحضن
مالك : ايوه دلوقتي بتمشي عادي لوحدك لكن في الفيلا كان تمثيلك اوڤر بتخليني اشيلك عشان تروحي في اي مكان عشان تمثلي انك لسه فاقده البصر
خديجة : ادلع علي اخويا حبيبي براحتي
عائشه : انتي يابت ابعدي عن زوجي المستقبلي قره عيني عشان بغير
خديجة : اخويا يا اخوتشي وانا حره فيه
ليدخل زين الفيلا ويتقدم من عائشه ويحتضنها وهي تبادله الحضن
مالك : ابعد عن خطيبتي يلا احسنلك
زين : ابعد انت الاول عن حبيبتي وكمان خطيبتك دي اختي وانا حر فيها 😂
يتبع
........................... ...............
بقلم / جيسي سلامه ✍️
......................................................
حلوه جدا ❤
ردحذفجميله جدا❤
ردحذفروعه
ردحذفأسلوب راقى وخفيف الدم
ردحذف