رواية أختي عمياء الفصل السابع بقلم جيسي سلامة

 رواية أختي عمياء الفصل السابع بقلم جيسي سلامة

رواية أختي عمياء الفصل السابع بقلم جيسي سلامة

بعد مرور اسبوعين

.......................

" تقرب مالك من خديجة كان يعوضها عن فقدان الاب بحياتها، اصبحت خديجة تعتمد عليه بشتي الأمور فكانت تثق به فكان بالنسبه إليها الاب الثاني فاصبح سندها في الحياة وعون لها بعد الله"

.............................................

رقيه بلهفه : ها يا مالك خليتها تبصم علي الورق

مالك : لا يا عمتو مش هاعمل كده ده حقها 

رقيه : يعني اي الكلام ده و وصيه  مامتك

مالك : يا عمتو خديجة ملهاش ذنب انا في الأسبوعين الي فاتوا خديجة فوقتني من حاجات كتير بقيت بحس اني مسؤول عنها كأنها بنتي مش اختي انا خلاص مش هانفذ الوصية لو فعلاً ميرفت كانت السبب في موت امي ربنا عاقبها بأن خلي خديجة تفقد بصرها من وهي صغيره وده اكبر عقاب لام ان هي تشوف بنتها كده.

رقيه : ومامتك يا مالك نسيتها

مالك : يا عمتو امي اتسرعت في ان هي تنتحر هي مصبرتش واستسلمت بسهوله كل الحصل لأمي ده اراده ربنا سبحانه وتعالى لرفع درجاتها عند ربنا، عن النبي صلى الله عليه وسلم "ان العبد إذا سبقت له من الله منزله لم يبلغها بعمله ابتلاه الله في جسده او في ماله او في ولده" صدق رسول الله صلى الله عليه وسلم. وفي قول الله عز وجل :"كل نفس ذائقة الموت ونبلوكم بالشر والخير فتنه والينا ترجعون" (سورة الانبياء :٣٥).

رقيه : لدرجة دي يا مالك بنت ميرفت غيرتك زي ما امها غيرت ابوك وكانت السبب في موت امك.

مالك : مش اسمها بنت ميرفت يا عمتي اسمها خديجة شهاب المنشاوي و اخت مالك شهاب المنشاوي ومش هاسمح لي اي حد يهين اختي وانا لسه عايش وكمان فعلاً يا عمتو اختي غيرتني خلال الأسبوعين دول بس للأحسن انا عيشت عمري  في أمريكا محدش عمره علمني امور ديني لكن خديجة برغم حالتها إلا انها بتحمد ربنا عليها وبتقول ان ده امتحان من ربنا عشان تدخل الجنه، خلتني التزم في الصلاة واقرب من ربنا بجد مش يكون اسمي مسلم علي الورق وبس انا خلاص يا عمتو نسيت الانتقام ده ياريت تنسيه انتي كمان ونبدأ صفحة جديدة.

رقيه بابتسامة مزيفه : اكيد يا بني انا موافقه نبدأ صفحة جديدة معاك حق خديجة بنت كويسه متستاهلش

مالك : شكرا ليكي يا عمتو عشان تفهمتي موقفي 

رقيه : اكيد طبعاً يا حبيبي انت ابني ، يلا انا هاطلع انام بقي تصبح علي خير. 

مالك بابتسامة : وانتي من اهله. 

بعد دخول رقيه غرفتها 

رقيه بعصبيه : المره دي كسبتي يا خديجة في انك تغيري مالك لكن مستحيل اسمح ان كل حاجه تروح مني انا في البدايه قدرت افرق شهاب عن آلاء (ام مالك) واقنع شهاب يودي مالك مدرسة داخليه في أمريكا لكن الغبيه ميرفت ظهرت في حياه شهاب وهو حبها قدرت اقنع ميرفت ان ام مالك بتكرها وان عايزة تقتلها وان شهاب اتخلي عنها وهي زي الغبيه صدقت وهربت وهي حامل لكن المش قادره افهمه شهاب مكنش عارف ان هي حامل عشان كان مسافر لمدة ٦ شهور وهي مكنتش قالت ليه عشان سيباها مفاجأة ازاي عرف وكتب ليها حقها في الميراث اجابه السؤال ده موجوده عند ميرفت؟! 

.................................................... 

مالك يهاتف زين 

مالك : انا هاقعد في اسكندرية بعد الصفقه يومين كده تغير جو، بقولك اي ما تقول لأحمد وتخليه يجيب خلود وتيجوا تغيروا انتم كمان جو 

زين : مافيش مانع اهو الواحد يجرب بنات اسكندرية وحلاوتهم 😂

مالك : احترم نفسك يابني انت لاحظ ان اختي من اسكندرية بردو ها لاحظ وخلي في دم شويه 

زين : حاضر يا لوكه من عيوني 

مالك : ارحمني يارب يابني انت لو حبيبتي مش هاتقول لوكه احترم علي الاقل ان مديرك 

زين : خلاص يا برنس إنما اي الي حصل انك تسمح ان انا وانت واحمد ناخد اجازه في نفس الوقت عمرها ماحصلت انك تسيب الشركه كده 

مالك : لا عادي كل الحكايه ان احنا بقالنا كتير مخرجناش مع بعض وكمان عايز اعرف خديجة علي ناس جديده عايزة اعرفها ان عادي ان يبقي عارفه ناس مش بتكون منبوذه زي مامجتمعنا محسسها بكده 

زين : فهمتك يا صاحبي يلا سلام بقي اروح اقول لأحمد عشان يجهز نفسه 

مالك : سلام 

................................................... 

بعد ان اغلق مالك مع زين توجه لغرفة خديجة طرق الباب حتي سمع صوت خديجة تسمح له بدخول ليفتح الباب ويتوجه ليجلس بجانبها 

مالك : بنوتي الحلوه زعلانه ليه 

خديجة :مش زعلانه يا مالك 

مالك : متأكده يا خديجة 

خديجة : بصراحه لا انا ماما وعائشه وحشوني اوي وكمان مليت من القعده لوحدي اغلب اليوم وانت بترجع متأخر 

مالك : عارف يا قلب اخوكي عشان كده هانروح اسكندرية وهاقعد معاكي هناك ونخرج كلنا وكمان صاحبي زين هايجي وكمان احمد ومراته خلود هاتحبيها انا متأكد 

خديجة : بتتكلم جد هانروح أمته طيب 

مالك : بكره ان شاء الله، اه خديجة لو عايزة صاحبتك دي اسمها عائشه لو عايزة تبقي تخرج معانا مافيش مشكله 

خديجة بمكر : لا يا مالك اصل أهلها ممكن مايوفقوش 

مالك بسرعة : بس ممكن مامتك تبقي تكلمهم عشان يوافقوا صح 

خديجة : انت عايزها تيجي يا مالك 

مالك بتوتر : ايوه اقصد عشانك يعني مش قولتي انها وحشتك 

خديجة : ايوه وحشتني اوي بس واضح انها مش واحشاني لوحدي 

مالك بتوتر : خديجة انتي فاهمه غلط علي فكرة انا اقصد يعني ان يعني عشان انتي كمان اكيد 

خديجة تبتسم علي توتر اخوها : متخافش يا قلب اختك انا فاهمه صح هي بالنسبه ليك صاحبت اختك وبس مش كده يا مالك 

مالك : ايوه كدا انا رايح انام بقي تصبحي على خير 

خديجة : وانت من اهل الخير 

بعد ما مالك مشي 

خديجة : ماشي يا مالك انا هاخليكي تعترف بطريقتي 😈😈😂😂😂

........................................................... 

في صباح اليوم التالي 

يهبط مالك وهو يحمل  حقيبه له وحقيبه لخديجة 

رقيه : رايح فين يا مالك 

مالك : معلش يا عمتو نسيت اقولك إمبارح ان رايح انا وخديجه اسكندرية عشان في شغل هناك عايز اخلصه 

رقيه : ماشي يا بني توصل بالسلامة 

مالك : الله يسلمك 

.................................. 

في سياره مالك 

خديجة : واخيرا هاشوف ماما وعائشه متتخيلش وحشوني اد اي يا مالك 

مالك : كل ده عشان اسبوعين اومال لو غبتي سنين عمرك في أمريكا عايشه لوحدك هاتعملي اي 

خديجة : لا مستحيل استحمل حاجه زي كدا  ازاي قدرت تعيش كل ده 

مالك : كنت اتعودت 

خديجة :  مالك هو ازاي بابا ومامتك انفصلوا 

مالك : مش عارف كل الي اعرفه ان هما اتجوزا عشان شغل مش عن حب بس ماما حبت بابا جدا لكن هو لا للاسف وفجأة بابا قرر يبعتني أمريكا اكمل هناك وبعد سفري بسنه ونص عرفت ان امي ماتت بابا رفض اني انزل واجبرني افضل هناك حتي معرفش هما اطلقوا ولا لاء نزلت بعد ما خلصت جامعه ومسكت شغل بابا وكنت كل ما اسأل بابا  عن ماما يتوه في الكلام ومايردش عليا 

خديجة : يظهر ان انا وانت حياتنا اصعب من بعض تفتكر اي السبب الحقيقي ورا ده 

مالك بغموض : مش عارف بس الأكيد هايجي يوم وتتكشف الحقيقة كلها 

........................................................... 

بقلم / جيسي سلامه ✍️

...................... 

لمتابعة البارت الثامن اضغط هنا