إسكريبت أسميتها سلمى بقلم منار محمد

 إسكريبت أسميتها سلمى بقلم منار محمد

إسكريبت أسميتها سلمى بقلم منار محمد

سلمى/رمضان مبارك

الست/شكرا يحبيبتى تسلمى خدها يا مودى مش تتكسف 

_____________

احب اعرفكم ب نفسى انا سلمى بحب الاطفال جدا جدا و بحب اوزع عليهم شوكولاته كراميلا اى حاجه المهم اشوفهم بيبتسموا 

ساعات كتير بيجى ف بالى ان انا ممكن ف المستقبل مخلفش بسبب ادمانى ليهم 

بحب ضحكتهم بحب عياطهم ماشيتهم بحبهم اوى كائنات لطيفه اوى و بتكون الطف على حسب التربيه 

انا شايفه ان لو الطفل اتربى ع الهدوء و الحب هيكبر صح هيساعد اهله ب دافع الحب مش بدافع الواجب انا من رأيى انهم محتاجين تربيه صح 

و يتعلموا الدين صح و هم صغيرين يعنى مينفعش تسأل طفل عن الرسول و يكون مش عارفه مينفعش تسألوا عن الجنه و النار و يكون مش عارف

لازم نربى ولادنا على الدين صح الصلاه صح مش مجرد تأدية واجب او عاده فينا و خلاص 

مينفعش الطفل يتعنف قبل عشر سنين و مش هتحتاجوا تزعقوله لو ربتوه صح من صغره يعنى مينفعش الاب و الام يتخانقو قدام الطفل 

ولا يزعقوا ولا يشتموا حتى لو ب هزار لأن الاطفال ف الوقت ده بياخدوا كل طباع الاهل يعنى لو واحد نشأ مع اجانب هيطلع بيتكلم عربى؟ 

لا طبعا هيتكلم زيهم هياخد عوايدهم و طرقهم انا مثلا من و انا صغيره و احنا عندنا مبادئ كزيره جدا نشأنا عليها 

نفس الموضوع مع الطفل لما هيعيش ف بيت هادى هيطلع هادى بردو مش طبيعى يكون عصبى بدون سبب؟ 

ان مثلا حد بيفضل يستفزه او اتعلم تعلية الصوت و الزعيق و هكذا.. انا شايفه ان الابن الولد و البنت زى بعض ف البيت يعنى الولد مش حرام يساعد مامته

انا مثلا اخويا ف العيد هو الى بيغسل السجاد هل ده حرام ولا عيب؟ لا طبعا و انا مثلا كنت اعمل الحيطان و الانتريه.. 

حاجات كتيره كده مش معنى انه ولد انه يضرب اخته طول الوقت انا مثلا اخويا بيستأذن قبل ما يضربنى يعنى بيقولى ممكن اضربك على قفاكى لو مودى حلو و كده بقوله اتفضل 

و انا بستأذن عادى لازم الادب برضو😂انا اخويا عمره ما ضربنى جد كل مواقفه بيتعامل معاها ب حكمه و ف الهزار طفل صغير لسه 

انا مش بحكى ل امى اى حاجه لأن عارفه انها مش هتوافقنى ابدا ولا بكلم خواتى لأنهم نفس الكلام ساعات بكلم اخويا بحسه بيفهمنى سيكا 

المهم بيفهمنى وعلى الاقل بيجبلى شوكولاته 👀اخويا عثل اصلا و يتحب و جدع اوى و جواه سوبر مان و قادر ع التحدى و ع المواجهه و اسمه محمد بحب اسمه اكتر منه لا لا 

اخويا الكل ف الكل سورى (مش عارفه ليه حاسه ان اخوها جمبها..👀😂) 

و الله اخويا ده.... اجمل اخ ف الدنيا و سكره و نوتيلا و كل حاجه حلوه حرفيا و عليه تأنيب ضمير خطير🥸

محمد ظابط و ده حلم بابا و انا دكتوره ف كلية صيدله من و انا صغيره و انا بحلم ب قصة حب و الامير الى ب حصان ابيض و جاى يجرى عليا 

و ياخدنى وراه و نعيش ف تبات و نبات و نخلف صبيان و بنات و ف لحظه واحده و كلمه من حد كل ده اتمسحححح و زى ما الحزن مش بيدوم ف السعاده بردو مش بتدوم

انا كنت بعشققققق الشبسى و الاندومى كنت باكل كميات غير طبيعيه منهم لو قالوا ان الاندومى مصنوع من الكلاب هاكله بردو 

بس للأسف لما كبرت عرفت ان عندى سرطان ف الدم و المشكله الاكبر ان احنا اكتشفنا متأخر جدا و المرض بينتشر ف جسمى كل ثانيه

انا عارفه ان وقتى قرب يخلص ف الدنيا بس عندى امل ف ربنا انا عندى اخويا ربنا ما يحرمنى منه مش بيحرمنى من حاجه

و كل شويه فسح و حاجه عظيمه جدا انا بحبه اوييييييييي هو كل حياتى والدى بعد ما دخل بناته الكليات من زوجته التانيه سابنا احنا 

سابنا ف الم و حزن سابنا ومشى و مش هيرجع انا عشت اربى اخويا لأنه كان املى الوحيد مكنش لينا غير بعض 

الى حصل ان كان فى فرح ف العيله و بابا و ماما و كلهم كانوا رايحين الفرح و انا رفضت اروح و حاى مع الحاحهم رفضت 

انا استرونج اوى على فكره و عشان مش افضل لوحدى سابوا محمد معايا👀 و وهم راجعين حصلت حادثه جامده و توفوا كلهم💔

مكنتش مصدقه ولا عمرى كنت اتخيل انهم يسبونى ف يوم من الايام كنت لسن ف اعدادى و مليش حد و بعد تلت ايام بعد وفاتهم ايجا واحد من قرايب بابا و انا كنت 

مش عارفه ادافع ولا اوقفه مسك الشنط بتاعتنا و رماها من الشباك و كان بيزعق و عايز يطردنا كمان

:البيت بيت ابونا و ييجوا الغرب يطردونا:

 جريت على التلفون بسرعه و اتصلت ب عمى اول رقم لقيته ف وشى اتصلت و خلاص 

ف خلال دقايق عمى وصل بس معملش حاجه كل الى عمله انه اخدنى انا و اخويا و شنطنا معاه و ركبنا التربيه كنت اخده محمد الى عنده اربع ست سنين ف حضنى 

كان لسه طفل و مش فاهم حاجه غير ان احنا اتطردنا و عمو ده شرير و احنا ابطال الحدث ف دماغه 

عمى لسه متجوز من كام سنه و انا مكنتش متعوده على مراته وعلاقتى بيها مكانتش قويه الاول 

كنت ببتسملها و اسلم عليها و خلاص ك معرفه سطحيه يعنى و بعدين نزلت عند عمتى بما ان محدش عايز يحتوينى الا عمى و عمتى ف اشطا يلا امرى لله انا كنت عايشه معاهم ب فلوسى ما هو انا جينياس اصلا

لما الراجل الشرير البعبعون ده ايجا انا تقرقعت لورا براحه زى السلحفاء المتقوقعه (محدش يسألنى الكلام ده يعنى ايه عشان انا معرفش انا هبداها🙂👍🏻) 

و قفلت الباب بالمفتاح و طلتت اجرى الاوضه بتاعت الفوس و الدهب و حطيتهم بسرعه ف شنطهوو لبستها و عشانه شرير و انا طيبوبه اخد كل الشنط رماها الا الشنطه الى فيها الفلوس 

الى انا اخدتها انا عبقرينو اوى لازم حد يسقفل على مجهوداتى الاه المهم ان الغباء ده دايما على الناس الظالمه و اناعادله و كيوت ف عبقرينو.. احم 

و كنت بدة عمتى خمسين جنيه ف الشهر👀اصل انا كنت مفكره ان دى حاجه كبيره و كده 👀و كنت باكل ببلاش👀اصل انا كنت بساعدها ف غسيل المواعين و ترويق البيت و كده ف الاكل ببلاش👀

وغير ان انا مبطلتش للمدرسه لاا من طلب العلا ذهب المدارس اه اومال انا طلبت العلا انا و محمد و كنت بذاكر مع المدرسه اصل انا جينياس ووعبقرينو و استرونج كده👀

غير يعنى ان فى مدرسين كانو بيخلونى احضر دروس ببلاش اصل انا رزقى واسع و محظوظه ل درجة يوم ما امى ولدتنى كانوا بيصوتوا عشان طلعت بنت احم.. 

الصراحه فى مدرسين كانوا بيحسوا ل درجة انهم كانوا بيدونى الكتب ببلاش و عمتا يعنى المدرسين دول مش دوجودين اليومين دول و جايز يبقى فى 

انا و محمد كنا بنذاكر على طول مفيش وقت نضيعه كنت بذاكر و اذاكرله و الجيران عندنو ف الشرقيه زى الاسره كده ف جارتنا قالت هاتى اخوكى اذاكرله 

اقولها لا؟ لااا طبعا نعمه من ربنا بس لازم بردو اجادل لعند ما تحلف ده مبدأ.. الى هو لا يطنط شكرا و هى تقول لا و الله ما يحصل و نعد كده 

لعند ما تحلف عشرين مره كده ف اوافق هو احنا كده👀😂بس ساعات بنوافق من الاول يعنى 

و كنت بروح معاه عشان اخويا و مليش غير و هو ما شاء الله كان جينيس و عبقرينو زى اخته اوماااال 

كان بيقول ايه الف ارنب خمسه و خميسه عليه مش بقول طالع ل اخته لا بس ده ظابط ااااااد الدنيا 🖐🏻

ما هو تربيتى 🥸انا بعت الدهم كلو كلو سبت بس حلق كده ك ذكرى يعنى للماضى القليم انا عودت محمد ع السنى كأنها فرد 

و الاذكار كان حافظها و لما كنت بكون نعسانه و مش قادره يفضل يقول ووانا اقول وراه 😌❤️

: من شب على شئ كبر عليه: 

محمد بعد سنه بقى بيعمل كل حاجه و انا الى لما بكسل كان بيعد يزعقلى و يدينى محاضره😁♥️

ما هو المحاضرات الى كنت بقولهاله بقى هو بيقولهالى 🌚♥️تربيييتى ف مره كسلت اصلى السنه... 

: لا تتركوا السنه لأنها سنه بل افعلوها لأنها سنه: 

..... 

ف مره كسلت اصلى السنه... 

: لا تتركوا السنه لأنها سنه بل افعلوها لأنها سنه: 

لقيت محمد بصلى و هو زعلان و قالى: هو انتى مش بتحبى ربنا؟ 

قولتله: لا طبعا بحبه 

قالى ب حزن: طيب بدال انتى بتحبيه مش عايزاه يشوفك ليه؟ 

قولتله: انا مش قادره 

قالى: طيب تعالى نحاول عشان ناخد حسنات كتييير ااد كده و فتح ايده على الاخر 

الصراحه يعنى مكنش يعنفع بعد ما عودته و الزمته بالسنى مصليش انا🙂كده هكون مش قدوه👀

ف قومت صليت و مرت الايام و احنا ع الحال ده ملناش غير بعض هو اى نعم عمتى و عمى كانوا معانا لكن ف النهايه بردو ملناش الا بعض😌♥️

محمد دخل شرطه عشان حلم بابا و يكون ضهر ليا و فوق ده كلو ف هو حلمه💫

انا حققت حلمى و كمان محمد.. و حاليا بقينا مستقلين ب حياتنا و ده مش معناه ان احنا سبنا عمتو.. لا احنا اشترينا الشقه الى فوقها و كنا بردو معاها على طول

يعنى الست شالتنا كل السنين دى و نسيبها؟ لا طبعا دى زى امنا و عمرنا ما نسيبها.. 💫

و انا هكافح المرض و بإذن الله هنتصر عليه.. هقف لحد هنا انتو سمعتوا قصتى بس مسمعتوش قصة محمد👀

يعنى لازم بردو تسمعوها ♥️

>>>>>>>>>>>>>>>> 

احب اعرفكم ب نفسى انا محمد اخو سلمى.. يمكن احنا قصتنا مأساويه بس هتستفادوا منها 

و مبدأيا كده.. مش معنى ان انا ظابط ابقى جاهل ف الدين و لا ان انا ابقى عصبى ولا بشرب سجاير 

انا عادى شخص طبيعى خالص عارف ف الدين و كل حاجه و بنصح الناس ف الدين و شخص طبيعى 

و انا واحد مسلم يعنى ملزم ان انا التزم ب دينى مهما كان شغلى ايه.. الشغل ملوش علاقه بالدين 

انا حاليا كل اهدافى اعالج سلمى بس كده حلمى بسيط ان انا اشوفها مبسوطه و هى حلمها تشوفنى سعيد و عندى اسره و تبقى خالة عيالى و امهم كمان 

سلمى عندها روتين غريب بس رائع بتنام بعد صلاة العشاء على طول بتصحى قبل الفجر بتصلى تهجد و بعدين الفجر بيأذن 

فبتصليه و تقرأ اذكار الصباح و الصلاه و تفضل تقرأ قرآن ل مدة ساعه او نص على حسب مقدرتها لأن الكيماوى و المرض اصعب من بعض 

و بتذاكر بعدها عشان الجامعه و بما انها دكتوره ف الجامعه ف الطبيعى انها تذاكر الى هتشرحه 

بتعد تذاكر ساعه و تاخد بريك خمس دقايق و تكمل لعند ما تخلص و تبدأ تعمل الفطار 

طبعا فى منكم دلوقتى هيقولوا بتسبها تعمل فطار ليه🙄ف و الله بمنعها غير ان الحراره غلط عليها و حاجات كتيرة 

و هى مُصره انها تعمل بردو و تفضل مشغله الراديو على القرآن و يستحيل انها تطفيه سواء احنا ف البيت ولسلمى بتدى دروس للأطفال عشان بتحبهم و تملى فراغها ف مره طفل صغير سألها هو ليه يا مس الذئب اكل سيدنا يوسف؟ 

ردها كان: لا طبعا يحبيبي.. تعالى كده انا الذئب كويس و هكلمك دلوقتى و احكيلك الى حصل مع سيدنا يوسف 

انا الذئب الى اتهموا انه اكل نبى الله يوسف ابن يعقوب او انا الذئب المتهم ظلما ب قتل نبى الله يوسف عليه السلام 

و صدقونى الاتهام ده باطل ملوش اى اساس و يكفينى شرفا ان براءتى نزلت فى القرآن الكريم

الذى يقرأ على الناس ليل نهار هو فى شرف احسن من كده؟!.. طيب ايه هى قصتى؟ و ليه اخوات يوسف عليه السلام 

اتهمونى ظلما؟ بإن انا الى قتلت اخوهم؟ خلونى احكيلكم القصه من البدايه للنهايه 

اولا نبى الله يعقوب كان متزوج من زوجه اولى انجبت (خلفت) له عشر ابناء 

و بعدين تزوج من زوجه تانيه انجبت(خلفت) له ابنين و هما يوسف و اخوه و كانوا اصغر الابناء

و اخوات يوسف العشره مكنوش بيحبوه هو و اخوه عشانهم كانوا قريبين من اباهم(يعقوب عليه السلام) 

و بسبب حب يعقوب ل يوسف و اخيه قرر اخواته العشره يتخلصوا منه؛ عشان يستحوزوا على حب ابيهم ليهم فقط 

اجتمعوا الاخوه العشره و بدأوا يخططوا هيتخلصوا من يوسف ازاى؟ 

واحد قال اقتلوا يوسف حتى حتى نستأثر بحب ابينا لنا..(يعنى اقتلوا يوسف عشان ناخد احنا حب والدنا) 

و واحد تانى قال نلقيه فى ارضٍ بعيده و نتركه للذئاب و الوحوش تأكله (يعنى ياخدوه و يودوه اى مكان بعيده و لو ذئب او اى وحش لقاه هياكله) 

ف التالت اعترض بقى و قال لا تقتلوا يوسف و لكن القوه فى بئر او جب فقد يسمع صراخه بعض القوافل التجاريه او الماره بجوار البئر فيأخذونه و يبيعونه بعيدا و هكذا نتخلص منه الى الابد 

(يعنى نحطه ف بئر ف الطبيعى ان ده طفل بيخاف ف هيصرخ ف حد هيسمعه ف هياخده يبيعه و كده تمت المهمه) 

و بعدين واحد قالهم: ولكن ماذا نقول لأبينا إذا سألنا عن يوسف ؟ يعنى هنقول ايه ل والدنا لو سألنا يوسف فين؟ 

ف رد عليه واحد و قاله: نقول له إن يوسف قد تاه منا (يعنى يوسف ضاع) 

وقال آخر : نقول له إن الذئب قد أكله ...(و واحد بقى قال نقول الذئب اكله) 

و كده اخوة يوسف دبروا خطة التخلص من اخوهم( نيهاهاهاهاها سورى اندمجت👀) 

و فى اليوم الى بعده كانوا رايحين المرعى عشان يرعوا ابلهم(الجمال) و مواشيهم ف راحوا ل والدهم و يوسف كان بيلعب جمبه 

 قالوله نريد منك أن تسمح لنا بأخذ يوسف معنا إلى المرعى ، ليلعب هناك ويمرح ...يعنى عايزينك تسمح لنا ناخد يوسف يلعب هناك و يتبسط 

ف بص لهم سيدنا يعقوب و قال انه خايف الذئب ياكل سيدنا يوسف و هم مش واخدين بالهم و بيرعوا الماشيه 

ف رد واحد و قال متخافش عليه احنا هنحرسه طول الوقت و مش هيغيب عن عينا لحظه واحده

و رد واحد تانى و قال ازاى هنسيبه و نغفل عنه و نسيبه ياكله الذئب و احنا كتير؟دا مش هيحصل

و فضلوا يقنعوا ف والدهم ل عند ما سمح لهم وواخدوه معاهم و ف وسط الصحراء بدء الاخوه ينفذوا خطتهم 

و عصبوا عينه و قلعوه قميصه و رموه ف البئر و كده تخلصوا منه و بعدين دبحوا احد الخراف و لطخوا القميص ب دم الخروف

و بعدين حطوه و رجعوا يتصنعوا البكاء و لما شافهم سيدنا يعقوب سألهم: اخوكم يوسف فين؟ 

ف واحد منهم قال غفلنا و اكل الذئب يوسف و ب كده اتهمونى انا ب قتل او اكل يوسف ظلم و انا مأكلتش يوسف و لا مسسته ب اى سوء حتى💔

و بص يعقوب على قميص يوسف و عرف انهم بيكذبوا يعنى ازاى هاكل يوسف من غير ما اقطع قميصه🤨

و ب كده عرف سيدنا يعقوب ب نظره و حكمته و برأنى من قتل ابنه و نظر ل ابنائه نظرة حزن و قال: بَلْ سَوَّلَتْ لَكُمْ أَنْفُسُكُمْ أَمْرًا فَصَبْرٌ جَمِيلٌ وَاللَّهُ الْمُسْتَعَانُ عَلَى مَا تَصِفُونَ

و بالنسبه ل يوسف ف عثرت عليه قافله تجاريه كاانت رايحه مصر و اخده حد من قلب البئر و راح باعه ل حاكم مصر و بعد كده اصبح سيدنا يوسف نبيا 

الطفل/يعنى الذئب مش قتل سيدنا يوسف صح

سلمى/ايوا يا حبيبى اخوة يوسف هم الى رموه ف البئر 

ـــــــــــــــــــــــــــــــــــــــــــ

سلمى جميله اوى و بتعلم الاطفال مش بتهبدلهم اى معلومه ف الدين بما انهم اطفال لا بتعلمهم صح 👌🏻

انا هخطب قريب عشان اريحها و تكون فرحانه هخطب سونا صحبتها هى بنت محترمه و احنا عارفينها 

و سلمى بتحبها جدا انا هعملها انهارده مفاجأه عشان افرحها انا و الاطفال 💫🤍هيغنولها الاناشيد الى هى حفظتهالهم و نفرحها عشان بكره هتعمل العمليه 

"" بالليل""

البيت هادئ كالعاده 🤍زمانها بتقرأ قرآن ك عادتها ف الوقت ده💫هى شكلها نايمه ع الصحف😅احنا ورا الباب اهو .... 

:و مهما تفرون منه ف انه ملاقيكم: 

الاطفال دخلوا يومها و بدأوا يغنوا و انا كنت بصور اللحظه دى انا عارف انها كانت هتكون فرحانه اوى لو شافتهم كده 

الاطفال راحوا جمب السرير و حاولوا يصحوها بس مصحيتش💔السرطان اعلن انتصاره و سلمى رفسلمى ماتت و المصحف ف حضنها حاولنا نشيله و معرفناش كانت ماسكه فيه كأنه جزء منه هى عمرها ما سابته ف الدنيا و هو مسبهاش ف الاخره🤍

الشيخ قال ادفنوها بيه لأن حاولنا كتير اوى و مقدرناش هى اتدفنت بالمصحف اللهم ارزقنا حسن الخاتمه زى سلمى 

سلمى شخصيه عظيمه سابت اثر قبل ما تمشى ف كل الى حواليها حتى الاطفال ف كل جامع الكل عارفها 

ف الجامعه ف كل مكان كانت بتروحه كان لازم تسيب اثر🤍

~بعد مرور خمس سنوات

انا و سونا اتحوزنا و ربنا رزقنا ى بنت نسخه من سلمى 🤍

اسميتها سلمى 

♡تمت♡

✍🏻ممنار محمد