رواية صغيرتي الفصل الرابع بقلم أسماء عبد الرحمن
رواية صغيرتي الفصل الرابع بقلم أسماء عبد الرحمن
Part 4
# صغيرتى
كانت اسماء مصدومة من اللى سمعته وكانت دموعها على خدها دخلت مكتبها وانهارت من العياط وقالت لنفسها
هو انتى يعنى كنتى مفكرة أنه هيحبك
صحيح هو فين وانتى فين
اى يا اسماء انتى هتعيطى على حاجة تافهة زى دى انتى يما عديتى بالاسوأ من كدة بكتير مسحت دموعها وبصت قدامها واتصدمت لما شافته
اسماء بصدمة: اى يا مستر مازن هو فى حاجة ولا اى
كان مازن بيتابعها واقف قدام مكتبهاوقال لنفسه: يا شيخة حتى وانتى بتعيطى قمر يلعن ابو المسافات اللى منعانى اخدك فى حضنى (اسكت يا سافل 🤌)
مازن: أنا عايز اقولك أن كل اللى انتى سمعتيه دا مكنش عليكى والله بالعكس انتى انضف واطيب واحدة عرفتها فى حياتى اسماء انتى مكسب لاى حد يعرفك كفاية طيبة قلبك وسيرتك الطيبة
اسماء: لوسمحت يا مستر مازن أنا مش عايزة اسمع حاجة سبنىى فى حالى الله يخليلك
مازن: لا مش هسيبك فى حالك لانك انتى بقيتى كل حالى
اسمعينى بس للآخر
البنت اللى كنت بتكلم عليها دى مش انتى خالص والله العظيم ما انتى بالعكس دا انا ليا الشرف أن اتجوز واحدة زيك وفى جمالك وبساطتك وبرائتك اللى شبه الاطفال دى
انتى قبل ما تيجى هنا الشركة كنت كاره الحياة وبتعالج عند دكتور نفسى بس يعلم ربنا من يوم ما شفتك وانا اتغيرت خالص بقيت بضحك من كل قلبى حتى يوم ما زعقتلك فى الشركة دا كان غصب عنى والله غيرت عليكى اوى من نظرات الموظفين
اسماء أنا بقيت بعشقك مش بحبك بس
البنت اللى كنت بتكلم عليها دى كانت خطيبتى فى يوم م الايام وسابتنى بعد حب 4 سنين
بعد خطوبتنا بسنة عملت حادثة بالعربية بتاعتى وجالى شلل فى رجلى بس الحمد الله الدكاترة قالوا إن الشلل ده مؤقت بس وهيخف مع استمرار العلاج الطبيعى
ولما جالتلى المستشفى بدل ما تقولى انا معاك وفى ضهرك وعمرى ما هسيبك مع انها كانت عارفة أنه الشلل ده مؤقت لا بس هيا طلعت أنانية اوى وسابتنى واتخلت عنى وقالتلى جملة كسرتنى اوى مقدرتش انساها
(أنا مقدرش اتجوز واحد عاجز يجيب لنفسه كوباية ماية آمن له ازاى على نفسي )
وانا كنت لسة متخرج وبكون نفسي
بس اللى فهمته إنها كانت بتتلكك عشان تسبنى وتتجوز العريس اللى متقدملها لانه غنى غنى فاحش ومليونير وعنده عربيات وفلوس يما هنا ويما هناك
بس الحمد الله خفيت ووقفت على رجل من تانى واشتغلت على نفسي وبابا الله يخليهولى يارب ساعدني وباع حتة الأرض وبفلوسها قدرت اعمل اكبر شركة استثمار كبرتها وفتحت فرع كمان فى المانيا وعشت هناك خمس سنين واشترايت لبابا الأرض اللى باعها عشانى
وجيالى امبارح تقولى أنا اسفة أنا مكنش قصدى انى اجرحك
اسماء: اه يا بنت البجحة بقى حد يسيب جطعة النوتيلا دى دى اكيد جاية من ورا الجاموس
مازن بضحك: خلاص كفاية مش قادر هفطس غمزلها وقال : بس انتى ماخدتيش بالك من كلمة كدة قولتها فى النص
اسماء بكسوف: هااه انهون عشان دماغى مش مترجمة لا مؤاخذة اصل انت قولت كلام كتير اوى يا خويا ملحقتش اذاكر
مازن: تذاكر اى هو احنا ف امتحان بقولك بحبك 😉
اسماء: يعنى راعى أن أنا انثى وبتكثف وكدة انت لازم يعنى تبخها فى وشي خبط لازق كدة
مازن: ابخها وخبط لازق بحب سواق تك تك ياربى
اسماء بضحك وهيا بتحاول تغير الموضوع اصلها دبش وما بتحبش المحن يا حبة عينى : الا قولى يا مستر مازن
مازن بحب: قولى يا قلب ونن عين مستر مازن من جوا
وبعدين مازن اى بقى قوليلى يا ميزو يا ابو الميازيين يا شيخة دا احنا هنبقى أهل مش كدة
كانت بتضحك اسماء على كلامه وكانت مكسوفة وخدودها احمرت ومازن كان سرحان فى جمال ضحكتها وقال: احم طب أنا همشي انا بقى بدل ما اعمل حاجة أنا هموت واعملها
اسماء: ابقى اعملها كدة عشان هتلاقى القلم نازل على حنطور وشك
مازن: يا سااااااتر فى واحدة تقولها لجوزها المستقبلى حنطور وشك بس برده مش هيأس وهخلينى معاكى لحد الآخر
اسماء بكسوف وهيا بتقول لنفسها: طب والله يا بنى انت ليك الجنة دا أنا عايزة اضربنى 100 قلم على وشى على كلامى الدبش ده وبعدين اتكلمت وقالت له : هو انت عرفت ازاى أنا انا سمعتك
مازن:الشركة كلها مليانة كاميرات مراقبة وطبعا فيه اتنين بيراقبوا الكاميرات دى ال 24 ساعة بس انا حبيبت انى يكون عندى نسخة كمان فى مكتبى لأن لقدر الله لو حصل حاجة مش مظبوطة يكون عندى الدليل كامل اصل الناس كلها مبقتش زى بعضها وفى منهم اللى ممكن يبعوا اى حد عشان خاطر الفلوس
اسماء: اصيل يا ابو رحاب اصيل يا خويا
مازن: ابو رحاب طب س سلااام سلااااام
عند حمزة ونغم
حمزة: والله يا نغم كنت لسة صغير والله مكنتش كملت ال 15 سنة والبنت كانت أكبر منى ب 10 سنين يا شيخة دا انا كان شنبى لسة بينبت اتقى الله 🤌
انتى عارفة انى محبتش ولا هحب حد غيرك والله
نغم انتى كل حياتى ( هو كله محن محن كدة مفيش شتيمة)
نغم: خلاص يا حزومة مسمحاك
حمزة بحب: قلب حمزة من جوا جوا ما تجيبى بوسة
نغم بكسوف: ياخى بطل قلة أدب بقى وبعدين ما تنساشما تنساش ان أسماء هنا بتذاكر لمحمد اخويا جوا
حمزة بنفاذ صبر: ياااادى أسماء اللى طلعالى فى البخت دى
والله انا بقيت خايف اخش الحمام الاقيها فى وشي
اسماء: مالها اسماء ياض فى حاجة يا نغم ولا اى الواد دا مزعلك قوليلى بس وانا اخش اجيب الشرشوبة من جوا اكسرها على دماغه
نغم بضحك: لا يا قلب نغم حموزة دا حبيبى والله
حمزة وهو بيطلع لاسماء: مراتى وام عيالى اه لو تخليكى فى خالك يا حقنة
اسماء بتريقة: (مراطى وام عيالى) ياخى تبا لمحنكوا
وبعدين راحت اسماء لمحمد عشان تذاكرله
حمزة لنغم: هيا لسة برضو مصممة أنها تدى دروس وتفتح الورشة تانى
نعم : هنعمل اى يا مازن دماغها ناشفة بصراحة أنا معاها على قرارها دا اصل موضوع الدروس دا فى منهم ناس غلابة على اد حالهم ما ببقدروش يدفعوا وبتعذرههم بجد ربنا يجعله فى ميزان حسانتها أما حكاية الوارشة ف مش عاوزة تسيبها عشان محمد اللى شغال معاها ما تقطعش عيشه والولد يتيم عايش مع أمه وبيصرف عليها عمرك شفت حد قلبها طيب كدة وبيحب الخير للناس
حمزة : ياااه بجد والله العظيم قلبها كبير إن شاء الله ربنا يعوضها خير
عند اسماء
اسماء: يلا انطق مين اللى قتل كليبر
محمد: يا ابلة اسماء ارحمينى بقى انتى مدرسة انجليزى والله مش تاريخ
(محمد اخو نغم غير محمد اللى شغال مع اسماء فى الورشة يعنى دا حمادة ودا حمادة تانى خالص )
اسماء بغباء: اى دا بجد امال مالى محموءة ليه كدة إلى قتل كليبر يلا الله يمسيها بالخير أبلة عواطف اللى كانت بتدينى تاريخ ايام الثانوى بالك انت ياولد يا محمد كانت مكرهانى فى ام المادة كانت كل اما تشوف خلقتى تحطيلى صفر فى الدفتر
محمد بصوت مهموس: عندها حق والله
اسماء: بتقول حاجة يا واد يا محمد
محمد :لا ابدا ما بقولش حاجة
اسماء: طب ركز معايا عشان نخلص شرح وخلى بالك المرة الجاية هسمعلك الوحدة كلها بالقصة ويسوادك لو غلط غلطة او تهتهت عشان تحرم تعاكس البت رحيل قدامى بتعاكسها قدامى يا معفن طب عاكسها فى الخباثة من غير ما اخد بالى العقل زينة
محمد بحزن: اعمل اى يا أبلة اسماء بحبها وهى مش شايفانى خالص جوابات وكتبت شوكولاته وجبت معاكسة وعاكست وهيا ولا الهوى مش شايفانى غير اخوها
اسماء: يا ضنايا يابنى تصدق صعبت عليا طب خلاص انا هساعدك
محمد بفرحة: بجد يا أبلة اسماء
اسماء: اه بجد بس على شرط تعمل حسابى ياض فى الشوكولاتة المرة الجاية
اسماء: اتفقنا بس وربنا لو م جبتشهاش لاقول لامك إنك بتخنصر فلوس الدروس وبتروح تلعب بيها بلاستيشن وملموم على شلة صايعة وبتشرب سجاير وهقولها كمان على رحيل يا بتاع رحيل وهيا تتصرف معاك
محمد وهو يبتلع ريقه بخوف: لا لا خلاص والله هجبها
اسماء: اما نشوف بص يا سيدى احنا هنمشي بمبدأ شوق ولا تدوق بمعنى انك تكون ناشف معاها كدة ما تدلقش عليها أو لما تشوفها يعنى مرة تكلمها مرة تنفضلها مرة تديها اهتمام ومرة تانى تشوفها متعبرهاش اسمع منى احنا البنات بتحب الإهمال إمشى على الخطة دى وتعالى قولى حصل اى
محمد: يسلااااام دماغ الماظات
(ومن هنا احبابى فى الله شرح الدرس اتحول عن كيفية شقط رحيل )
خلصت اسماء مذاكرة لمحمد ورجعت بيتها وفجأة النور قطع وكان مازن رايحلها ومعاه بوكيه ورد عشان يفأجأها ويطلب ايديها للجواز فضل يخبط على باب شقتها سمع صوت اسماء وهيا بتصرخ وبتعيط
تعليقات
إرسال تعليق