رواية نور الجاسم الفصل الرابع و الخامس بقلم نيللي ياسر

 رواية نور الجاسم الفصل الرابع و الخامس بقلم نيللي ياسر

رواية نور الجاسم بقلم نيللي ياسر

روايه: " نور _ الجاسم  بقلم: نيللي ياسر.

         Part:(4).

.....

نور: اعاااااا.

ملك: اعاااا... انتي مين؟!.

نور: انا نور.

ملك: نور مين؟!.

جاسم: بتصوتو لايه حد حصله حاجه؟!.

ملك: مين دي يا جاسم.

جاسم: دي مراتي.

ملك بصدمه: امته وازاي.

جاسم: طب تعالي احكيلك بره..عن أذنك يا نور.

  " جاسم دخل البلكونه وحكي ل ملك كل حاجه وهي رحبت بيها جدآ وفرحت لاخوها.. وبعدين دخلو لنور تاني"

ملك: مبروك يا نور.

نور: الله يبارك فيكي.

  

  " جاسم موبايله رن وكان المتصل بإسم شادي"

جاسم: طب عن أذنكم ارد على الموبيل.

ملك: انتي عندك كام سنه شكلك 15 او16..صح.

نور: ههههه..لا مش صح انا عندي18 سنه.

ملك: انا قدامي شهرين ويبقي عندي18 برضو.

  " جاسم دخل وهو فرحان "

ملك: خيرر..مبسوط لايه؟!.

جاسم: شادي هينزل بعد بكره يا كلبوبه.

ملك بصدمه وتوتر: شادي!!.

جاسم: اه كان بيتصل يقولي.

  " ملك حاولت تكتم دموعها"

ملك: طب انا هروح انام.

نور: طب تعالي نامي هنا معايا.

ملك: لا انا..انا بحب انام تحت أصلا عن أذنكم.

" نور لاحظت حزنها بس مفهمتش مين ده وهي زعلانه لايه"

نور: مين شادي ده.

جاسم: ده زي أخويا بالظبط هو متربي معايا وهو اللي مربي ملك معايا بس من 3 سنين سافر بدون سبب وهيرجع بعد بكره اهو اه صح هو أكبر مني بسنه واحده.

نور: طيب تصبح على خير.

جاسم بإعجاب: وانتي من اهله.

  " جاسم دخل اوضته و نام وهو بيفكر .(.معقول بنت خبطت فيها صدفه في نفس اليوم اتجوزها..بس مش مهم انا حاسس ان ربنا اختارني لحاجه مش عارفها).

..." عند ملك طفت انوار البيت كله وشغلت كرتون روبانزل وهي متغطيه وبتعيط بصوت مكتوم ومشغله التلفزيون علشان محدش يحس بيها وبتعيط اوي وافتكرت حاجه وجعاها.

« فلاش بااك».

ملك ببكاء: انت بتتضربني يا شادي!!.

شادي بصوت عالي: واديكي بالجزمه لما احس اني قصرت في تربيتك.

ملك بغضب وبكاء: بطل بقي تمثل دور اخويا انت مش اخويا سامعني مش اخوياااااااااا ( بتصرخ وفجأة نزل قلم علي وشها من شادي).

شادي: انا هبعد عنك يا ملك بس علشان اخويا وصاحب عمري بس اعرفي انك صغرتي في نظري أوي.

  ( ومشي وسابها وهي بتعيط وتصرخ في الأرض).

« باااك».

  " ملك عيطت اكتر بصوت واطي وبعدين شالت الغطي من عليها وحطته علي كتفها وخرجت الجنينيه وهي بتعيط و وقفت في مكان في الجنينه ونزلت علي الارض وبتعيط"

ملك ببكاء وصوت ضعيف: في المكان ده وجعت قلبي.. حرام عليك..انت..انت كسرتني اوي..انا..انا مش عارفه اعيش أنا بمثل اني كويسه بس انا تعبانه والله .. سبتني وسافرت تعيش حياتك حرااااااام عليك.( عيطت كتير لغايه لما المطره بدأت تنطر قعدت تحت المايه ونامت في الأرض مكانها.

....( ابو نور قعد يدور علي جاسم وحاول يعرف اي حاجه عنه بس اكتشف أنه شخص مشهور ودكتور كبير ولما عرف اسمه بالكامل اتصدم وروح البيت وهو مصدوم).

ابو نور: ا.. إزاي اتجوزها...ده..ده مينفعش..

....( تاني يوم نور صحيت الساعه7 الصبح وخرجت البلكونه اللي في اوضتها وباصه للسما وحست أن حد وراها لفت تشوف مين بسرعه).

جاسم: انتي اتخضيتي لايه كده انا لقيت الباب مفتوح قولت اقعد معاكي شويه قبل ما اروح الشغل.

نور: امممم..اتفضل اقعد.

جاسم قعد: نمتي كويس امبارح.

نور: يعني.

جاسم: المرتبه مش مريحه للدرجه دي..

نور: هههه..لا والله بس كنت بفكر في كذا حاجه.

جاسم: ابوكي.

نور: اه..من وانا صغيره وهو بيعاملني انا وامي وحش علشان معرفتش تجبله الولد اللي عايزه وكان بيضربها قدامي كتير ولما ماما كانت حامل في بنت تاني خلاها تسقط بالعافيه..ولما حملت بس في ولد كان بيعاملها كويس اوي بس وهي بتولد ماتت هي و البيبي..بابا دخل وقعد يضرب فيها وهي ميته ويصرخ أنا مكنتش مصدقه للدرجه دي عايز ولد ..من ساعتها وبابا بيعاملني وحش اوي بس عمتو كانت بتحاول تدافع عني بس كان بيضربها معايا وسافرت من حوال 6شهور وكلمتني مره واحده تتطمن عليا وقالتلي أنها سافرت بعد لما بابا خلاها تبيع شقتها بالعافيه مقابل اني اروح الجامعه..عمتو صفيه طيبه اوي غير بابا.

جاسم: أنا مش مصدق إزاي واحد يعمل كده فيكي و في والدتك الله يرحمها لمجرد أنه عايز ولد مش بنت دي حاجه بتاعت ربنا وبعدين هو يطول بنت زي القمر كده.

  " نور اتكسفت وبصت نحيه الجنينه وشافت ملك وحوليها دم كتير اوي"

نور: ملك...الحق ملك.

جاسم: مللللك!!!!.

....

البارت ده خلص بهزر معاكم

بقلم: نيللي ياسر

نيللي ياسر 

.....

روايه:" نور _ الجاسم "  

Part ( 5).

بقلم: نيللي ياسر.

....

جاسم: مللللك!!!

  " جاسم جري علي تحت ونور وراه ولقي أن ايد ملك متعوره..شالها و وداها المستشفى ومعاه نور والدكتور دخل وقفل الجرح وخرج لجاسم اللي هيموت من القلق"

جاسم: طمني يا دكتور هي كويسه.

الدكتور: الحمدلله بقت كويسه بس من الواضح أنها اتعورت بأله حاده جدا.

نور: يعني فاقت اقدر أدخلها.

الدكتور بإعجاب: طبعاً يا آنسه.. حضرتك اسمك ايه.

جاسم بغضب: مدام اسمها مدام .

الدكتور: ا..اتفضلو.

  " دخلو كلهم ل ملك اللي كانت بتضحك عكس اللي جواها"

ملك: ههههه..معرفش اني غاليه عندك كده.

جاسم وهو بيبوس دماغها: كنت هموت من القلق عليكي.

ملك: بعد الشر عليك..انا..انا بس اتعوت في باب الجنينه.

جاسم: ازاي ده.

ملك: المطره مطرت وانا خرجت أقف في الهواء تحت المايه وانا بجري في الجنينه مسمار الباب بتاعها عورني كنت هدخل اوقف الدم بس تقريبا أغمي عليا. ( بتكدب ) .

نور: حمد الله على السلامه يا ملك.

ملك: الحمدلله يا نور.

نور: ممكن يا جاسم تجيب اكل لملك علشان الدم اللي خسرته.

جاسم بحب: اكيد عن أذنكم. ( وخرج)

نور: ملك انتي حاولتي تنتحري.

ملك بتوتر: ا..ايه..اللي..انتي بتقوليه ده.

  " نور طلعت أله حاده من جيب البنطلون وفيه دم"

نور: لما جاسم كان بيشيلك انا لقيته تحتك وخدته.

ملك ببكاء: ارجوكي جاسم ميعرفش حاجه.

نور: اكيد مش هيعرف بس انتي عملتي كده؟!.

 « فلاش باك»

 ( ملك بعد لما نامت تحت المطره حلمت بشادي صحيت وهي بتصرخ وكانت الساعه حوالي6 ونص ومحدش صاحي ولقت أله حاده زي المطوه قدام باب الڤيلا مسكتها وعيطت وعورت اديها وكانت هتدخل الڤيلا بس أغمي عليها.).

  « باااك»

ملك ببكاء: أيوه انا عملت كده.

نور: لايه كده يا ملك.

ملك: ممكن لما نروح هحكيلك.

نور: اكيد.

جاسم: تك..تك ( وفتح الباب) أتأخرت عليكو.

نور: انت كنت بتجري ولا ايه ده انت مقعدتش نص دقيقه..هههههه.

ملك: ههههه..عندها حق.

جاسم: نينينينينينيني...بس يا بت منك ليها خدو افطرو.

 " كلهم فطرو وبعدين جاسم روحهم البيت وراح المستشفى"

نور: احنا بقينا لوحدنا دلوقتي ممكن تحكي لو حابه.

ملك بدموع: هو انا لو محكتش انتي ممكن تقولي لجاسم.

نور: لا طبعاً مش هقوله..لو مش حابه تحكي براحتك.

ملك بابتسامه: انتي طيبه اوي يا نور.

نور:( ابتسمت).

ملك: تعالي نحضر الغداء النهارده سواء ونعمل الاكل اللي جاسم بيحبه ده حتي لسه عريس جديد( بتغمز 

نور بكسوف: لا انا هحضر الاكل بس قوليلي هو بيحب ايه.

ملك: انتي بتعرفي تتطبخي؟!.

نور: اه وبيقولو اكلي حلو.

ملك: طب هساعدك.

نور: لا انتي تعبانه..قوليلي الاكل اللي بيحبه واستريحي.

ملك: ماشي هو بيحب الورق عنب و البانيه و المكرونه بالبشاميل.

نور: ماشي اطلعي استريحي بقي.

ملك: ربنا يكون في عونك..ههه.

نور: ههههه.

  " نور دخلت المطبخ وحضرت الاكل اللي بيحبه وكانت تعبانه شويه من الوقفه وبعد كده حطت الاكل لملك و ملك كان ونامت وهي لبست فستان بيتي قطن بنص كم وديق لونه اسود ورفعت شعرها ديل حصان وشراب ابيض وشبشب عليه فرو كتير لونه ابيض واستنت جاسم"

جاسم: ايه ده انتي لسه صاحيه.

نور بتعب: كنت مستنياك.

جاسم: وملك نامت طبعا علشان تعرف تسهر باليل صح 

نور: ههههه..صح.

جاسم: الفستان هياكل منك حته.

نور بمداعبة: الفستان بس؟؟.

جاسم: وانا طبعاً..ههه.

نور بكسوف: مقصدش كده..انا اقصد الشبشب.

جاسم: ماشي وانا برضو هموت واكل..

نور بكسوف: احترم نفسك.

جاسم: ظلمتيني انا اقصد هموت واكل الورق عنب..ههه.

نور بضحك: طب يلا الاكل هيبرد.

جاسم: يلا.

  " جاسم بياكل ونور قاعده جمبه ومتبعاه وهو بياكل"

جاسم: الاكل تحفه تسلم ايدك.

نور: طب كمل أكلك.

جاسم: لا انا شبعت معلشي هتعبك معايا ممكن تعملي كوبايه نسكافيه وتيجي عايز اتكلم معاكي في موضوع.

نور: اكيد حاضر.

جاسم: انا هتعبك معلشي بس انا كنت ناوي اجيب خدامه النهارده بس انتي شوفتي اللي حصل لملك.

نور: لا عادي روح وانا هاجي وراك.

  

  " نور شالت الاطباق وعملت النسكافيه وخرجت لقت جاسم غير لبسه ببنطلون رمادي شروال بيتي وتيشيرت ابيض بنص كم وقاعد في الجنينه باصص للسماء"

نور: ها كنت عايزني في ايه.

جاسم: ابوكي جيه النهارده المستشفى عندي.

 " نور وقفت بخوف وجاسم وقف قدامها ومسك اديها"

جاسم: نور ابوكي قالي حاجه غريبه اوي.

نور: قالك ايه؟!.

جاسم: انتي..انتي متجوزه.

نور:*****

 ....

للمتابعة البارت السادس و السابع اضغط هنا