رواية أختي عمياء الفصل الخامس بقلم جيسي سلامة
رواية أختي عمياء الفصل الخامس بقلم جيسي سلامة
بعد مرور شهر
................................
في صباح يوم جديد / في بيت خديجة
تجلس خديجة علي الفراش شارده في حياتها تتذكر اخر مره قابلت مالك
(فلاش باك)
خديجة : ليه جاي دلوقتي
مالك : خديجة انتي الي لسه فاضله من عيلتي منكرش ان انصدمت في الأول بوجودك في حياتي فجأه بس بعد كده فرحت جدا ان هايكون ليا اخت بيقولوا ان الي بيكون عنده اخت بيملك الدنيا باكملها لان الاخت بحد ذاتها دنيا وعالم وانا عايز اكون جمبك يا خديجة في وقت حزنك وتعبك واعوضك عن غياب بابا ساعديني اكون سندك انا مليش غيرك دلوقتي.
بعد ذلك تركها مالك ورحل تركها في دوامه من الأفكار
(باااااااك)
انتبهت خديجة لصوت عائشه بجانبها
خديجة : عائشه انتي هنا من أمته
عائشه : لسه جايه دلوقتي
خديجة : اه معلش كنت سرحانه شويه
عائشه : خديجة انا فاهمه شعورك صدقيني
خديجة : فاهمه ازاي فاهمه اني مش عارفه اوثق في حد انا معرفش شكل حد منكم اي الي يضمنلي ان ده حقيقي انا حتي مش عارفه شكلي عامل ازاي ودلوقتي عايزين اوثق في حد جاي يقولي انا اخوكي بسهوله كده
عائشه :عارفه ان صعب عليكي تتحملي كل ده بس الي انا متأكده منه ان انت عارفه ان ربنا ليه حكمه في كل الي بيحصل ليكي صدقيني اي رائيك تصلي استخاره واكيد ربنا هايدلك علي الصح
خديجة : معاكي حق
عائشه : طيب يا حبيبتي انا هامشي انا عشان متاخرش
خديجة : ماشي مع السلامة
(بعد ذهاب عائشه استندت خديجة علي الحائط لتذهب لكي تصلي صلاة الاستخارة وبعد ذلك توجهت الي الفراش
........................................................
في صباح اليوم التالي /في فيلا شهاب المنشاوي
هايدي : وبعدين يا مامي عدة شهر واحد دلوقتي محصلش حاجه وهو كل شويه يروح ليها اسكندرية عشان يقنعها تيجي
رقيه : مين قالك ان محصلش حاجه
هايدي: يعني اي الكلام ده وكمان انتي ها تسكتي ان هي تيجي تعيش هنا عادي كده
رقيه : ومين قالك اني معملتش حاجه وكمان خلاص معدش في مشكله تيجي عشان مش انا الي هاخرجها
هايدي : اومال مين
رقيه : مالك هو الي هايعمل كده 😈😈
........................................................
في بيت خديجة
عند خديجه تدخل عائشه عليها وتجدها تبتسم
عائشه : تدوم الضحكه يا رب
خديجة : عائشه كويس انك جيتي انا مرتاحه اوي انهارده شوفت نفس الحلم الي كان بيجي ليا زمان فاكره الحلم الي بشوف نفسي قاعده في حديقه كبيره وواسعه وقاعد جمبي شاب وسيم وبيبتسم ليا بحب وحنان كبير في عيونه وبكون حاسه بالأمان وبعدها بيجي شاب تاني ومعاه بنت ماشيه جمبه وهو ماسك ايدها كأنه خايف ان تضيع منه.
عائشة : ها واي كمان
خديجة : ولا حاجه صحيت كالعادة
عائشه : طيب وقررتي اي بخصوص مالك
خديجة : قررت اني هاروح اعيش معاه فتره بس ماما مش راضيه تيجي معايا وخايفه عليها.
عائشه : لا يا حبيبتي متقلقيش عليها انا موجوده
خديجة : حبيبتي ربنا يخليكي ليا
عائشه وهي تحتضن خديجة : ولايحرمني منك يا روحي يلا هاروح ارن علي اخوكي عشان تقوليله قرارك.
خديجة : ماشي
........................................
عند مالك
كان يجلس ويبتسم بغموض لتدخل عليه رقيه
رقيه : خير يا بني عايزني في حاجه
مالك : ايوه يا عمتو كنت عايز اقولك ان خديجة وافقت تيجي تعيش هنا فتره
رقيه وهي تبتسم بمكر :انت عارف هاتعمل اي يا حبيبي مش كده
مالك : ايوه يا عمتو
( فلاش باااااااك)
تدخل رقيه علي مالك في غرفته
مالك : خير يا عمتو كنتي عايزه حاجه
رقيه : ايوه يا بني لازم تعرف الحقيقة
مالك : حقيقه اي يا عمتو
رقيه : حقيقه انو مامتك ماتت منتحره
مالك : اي انتي بتقولي اي
رقيه : دي الحقيقة يا مالك امك انتحرت وكانت سايبه الورقة دي ليك يا بني
يمسك مالك الورقة ويبدأ في قراءتها
" مالك يا بني انا خلاص معتيش قادره استحمل سامحني يابني وادعي ربنا يساحمني ابوك السبب يا مالك هو وميرفت ابوك خاني معاها وكانت غلطه ده ان ميرفت بقت حامل وابوك عايز يجبها تعيش في الفيلا انا مش هاقدر اتحمل ده عشان كده قررت ان لازم انهي حياتي يا بني مالك انت لازم تنتقم من ميرفت والطفل الي معاها دي وصيتي ليك يا بني "
مالك : لا مستحيل يكون حقيقي
رقيه بمكر : لا يابني للأسف دي الحقيقة ناوي علي اي يا بني
مالك : ها نفذ وصيه امي
(باااااك)
.........................................................
بقلم / جيسي سلامه ✍️
..
لمتابعة البارت السادس اضغط هنا
تحفه بجد ❤❤
ردحذفروعه
ردحذفجميله جدا
ردحذف