رواية أختي عمياء الفصل السادس بقلم جيسي سلامة
رواية أختي عمياء الفصل السادس بقلم جيسي سلامة
في فيلا شهاب المنشاوي
رقيه : خديجة جايه انهارده يا مالك.
مالك : ايوه يا عمتو بعت ليها عربيه وزمانها علي وصول
رقيه : وناوي تبدأ ازاي لازم الأول توقع علي تنازل بالاملاك بتاعتها كلها.
مالك : ايوه يا عمتو بس لازم تثق فيا الأول بعدها اخليها توقع علي الورق وبكده يكون بدأ الانتقام بدأ لما ازل فيها وبعدها ترجع لميرفت تاني من غير ماتكون حصلت علي اي حاجه من الاملاك
رقيه : ايوه يا مالك وبكده تكون نفذت وصيه امك
مالك بغموض : متأكده يا عمتي انو هي دي الوصية بتاعت ماما.
رقيه بتوتر : اكيد طبعاً متأكده
مالك : تمام يا عمتو انا رايح الشركه سلام
رقيه : مع السلامة
(يذهب مالك وبعد ذلك تأتي هايدي بعد ما كانت تستمع لحديث مالك ورقيه)
هايدي : انتي متأكده يا ماما ان مالك هاينفذ الوصية من غير ما يعرف ان هي مزورة او حتي يشك
رقيه : ايوه متأكده مالك بيحب مامته جدا ومستعد يعمل المستحيل عشان ينفذ اخر طلب ليها
هايدي : طيب وبعد ما كل حاجه تحصل وخديجه توقع علي التنازل هانستفاد اي الاملاك هاتكون لسه لمالك
رقيه : لا لان ساعتها ياحرام هاتلاقي مكتوب في الاخبار (المليونير مالك الشناوى يقتل اخته خديجة الشناوى ويتم القبض عليه وهو يقوم بجريمته وحكمت المحكمة عليه بالإعدام شنقا) 😈.
هايدي بخبث : وده ازاي هايحصل.
رقيه : اقولك **********،،،، *******،،، ***********، *
....................................................................
في شركة المنشاوي
يدخل مالك مكتبه وبعد مرور عده دقائق يدخل زين المكتب
زين : واخيرا شرفت يا اخويا أخيراً افتكرت ان عندك شركه يا بارد
مالك : اي يا بني شم نفسك الأول واهدي شويه انا لسه راجع
زين : ما انت معندكش دم البعيد هاقول اي تعرف تقولي انت بقالك اد اي مجتش الشركه
مالك : مابعدش يا جيمي 😂 عشان متحسدش.
زين : وكمان ليك نفس تهزر اعمل حسابك هاتسافر اسكندرية كمان اسبوعين تخلص الصفقه.
مالك : تمام اومال فين أحمد مشفتوش يعني.
(قبل ان يرد زين يدخل عليهم احمد ويبدو عليه الضيق)
زين: ياريتك جبت سيرة مليون جنيه
مالك : مكنوش جم 😂😂
مالك : مالك يابني ليه الوش ده علي الصبح
احمد : منمتش كويس يا عم انت سيبني في حالي
مالك : وجاي تنام هنا فوق كده ومنمتش كويس ليه بقي
احمد : خلود يا سيدي الوحم وهرمونات الحمل طالعه علي دماغ قرمط مصحياني الساعة ٣ بليل عشان نفسها في ايسكريم من المحل الموجود في الزمالك وبعد ما طلع عيني علي بال ماجبته تقولي لا خلاص مش عايزه انا نفسي في رنجه مش ايسكريم ولو مرحتش جبت يبقي انا كده مش بحبها ومتجوز واحده تانيه ومخلف ٦ عيال اموت واعرف اشمعنا جابت ٦ ليه مش ٤
مالك /زين : 😂😂😂😂😂😂😂
احمد : تصدقوا انكم بايخين انا ماشي.
زين : اقعد يا عم مش انت الجبته لنفسك 😂😂وفي الاخر تقول الحب
احمد : عمرك ما هاتفهم انا اقصد اي غير لما تجرب الشعور انا مش قادر اتخيل حياتي من غير خلود من ساعت مادخلتها حياتي بقي ليها طعم تاني خلتني احبها من غير ما حس حبها لعيلتي واحترمها ليا قدامهم ولما اكون راجع من الشغل تعبان وهي تستقبلني بي الضحكه بتاعتها وتحكيلي عملت اي في اليوم ساعتها كل تعبي بيروح ولما اكون في مشكله هي بالمشاكسات بتاعتها تقدر تغيرلي المود بتاعي وتساعدني اجيب حل للمشكلة دي ببساطه وبنتي الي هاتيجي دي رمز حبي وعشقي ليها.
في نفس الوقت يسرح مالك في القطه الشرسه كما اطلق عليها منذ ان قابلها وهي لا تغادر خيال إطلاقاً
فاق من شروده علي صوت زين
زين : الحق يا مالك احمد قلب علي سوما العاشق 😂😂
احمد : بايخ اوي علي فكرة عقبال لما نشوفك بقيت سوما العاشق انت كمان بدل ما انت صايع كده
زين : حد يدعي علي حد كده بردو
مالك يقاطع زين : بس انتم الاثنين قلبتوا الشركه كازينو العشاق يلا كل واحد علي شغله اطلعوا برا.
زين : يلا بينا يا حوده عشان حاسس اننا بنطرد مش عارف ليه
احمد : لا يا حبيبي اتاكد يلا بينا معدش لينا قعده في البيت ده
مالك : بيت اي ياهبل انت
زين : مالك ياخويا لو مش عجبك طلقني
مالك : ارحمني يارب من العاهات دول
احمد : حاسب صحتك يا راجل ليجيلك شوجر ولا حاجه
مالك : انا هاعد ل١٠ لو لقيت حد قدام هاخصم نص الشهر
( قبل ان يبدأ مالك في العد كان فروا هاربين 😂😂😂)
.......................................................
تصل خديجة الي الفيلا ليستقبلها رقيه
رقيه : اهلا وسهلا يا بنتي انا عمتك
خديجة بابتسامة : أهلا بكي يا عمتي
رقيه : تعالي يا حبيبتي اتفضلي جوا (وتساعدها علي الدخول)
رقيه : فتحيه يا فتحيه.
فتحيه : نعم يا ست هانم
رقيه : وصلي خديجة هانم لغرفتها وخلي بالك منها كويس
خديجة : اومال مالك فين
رقيه : في الشركه اطلعي ارتاحي علي بال مايجي
خديجة :تمام
(تساعد فتحيه خديجة للوصول لغرفتها وتجلسها علي الفراش)
...................................................
عند مالك يقف عند الشرفه يتحدث في الهاتف
مالك : اي الأخبار عندك يا حبيبتي
المجهوله :********************
مالك : لا متقلقيش كل حاجه ماشيه زي ما احنا مخططين لها بضبط
المجهوله : ************************
مالك : طيب انا هاقفل انا دلوقتي سلام
يستدير مالك ويجدد زين يقف خلفه
مالك بتوتر :في حاجه ولا ايه
زين : مخبي اي يا صاحبي انا سمعت كل حاجه
ليه بتعمل كده
مالك :هاقولك *****،،،،،، ***************
.................................................................
بقلم /جيسي سلامه ✍️
......................................
لمتابعة البارت السابع اضغط هنا
حلوه اوى يا قمر❤❤❤
ردحذفحبيبتي تسلمي ❤️
حذفوالصداقه الى بينهم جميله جدا😂❤
ردحذفحلوة قوى وخفة دم عسل
ردحذفأسلوبك جميل
ردحذف