رواية أختي عمياء الفصل الثامن بقلم جيسي سلامة

 رواية أختي عمياء الفصل الثامن بقلم جيسي سلامة

رواية أختي عمياء الفصل الثامن بقلم جيسي سلامة

في بيت خديجة

عائشه : ماينفعش كده يا ميمو لازم تاكلي حاجه

ميرفت : مليش نفس والله يابنتي خديجة وحشتني اوي

عائشه : وانا كمان وحشتني اوي عمرها ما بعدت الفتره دي بس هي لو عرفت انك اهملتي في صحتك هاتزعل منك جامد يا ميمو وهاتتعصب عليا ودي لما بتنفجر بتتحول لي وحش

كادت ميرفت ان ترد ليقطع ذلك صوت طرقات علي الباب لتذهب عائشه لتفتح الباب لتنصدم😲

عائشه : مش معقول خديجة لتعانقها بقوه وتبادلها خديجة العناق 

ليفصل العناق صوت ميرفت وهي تاتي بتجاههم 

ميرفت : خديجة يا بنتي وحشتيني اوي  

خديجة : انتي اكتر والله يا ماما 

يفصل عناق خديجة وميرفت 

صوت مالك 

مالك : احم احم اخبار حضرتك اي يا مدام ميرفت 

ميرفت : اهلا وسهلا يا بني معلش ماخذتش بالي منك تعال اتفضل 

ليدخلوا جميعاً تجلس خديجة بجانب ميرفت ومالك وعائشه مقابل بعضهم 

ميرفت : عامله اي يا بنتي

خديجة : انا كويسه اوي يا ماما، انتي اخبارك اي 

ميرفت : الحمد لله يا بنتي 

عائشه : كويس انك جيتي يا خديجة ميمو عامله اضراب عن الأكل عشان انتي كنتي وحشاها اوي 

خديجة : ليه كده بس يا ماما كده هاتتعبي 

ميرفت : مكنش ليا نفس والله يابنتي بس خلاص انتي دلوقتي جيتي هاكل كويس متقلقيش 

خديجة : ايوه انا هاخد بالي من اكلك كويس احنا هانقعد هنا كام يوم عشان شغل مالك 

ميرفت : تنوري يا حبيبتي، عائشه هاتي يا بنتي حاجه لمالك يشربها 

مالك : لا مافيش داعي انا بس كنت عايز اتكلم مع حضرتك شويه 

ميرفت : اكيد يا بني عائشه خودي خديجة دخليها جوا ترتاح شويه وتغير هدومها 

عائشه : حاضر 

تساعد عائشه خديجة لدخول لغرفتها ويبقي مالك وميرفت فقط 

مالك :انا كنت عايز اعرف منك كل حاجه حصلت زمان وإزاي اتعرفتي علي بابا وكل حاجه تعرفيها 

ميرفت : حاضر يا بني هاحكيلك بس قولي الأول انت بجد معتبر خديجة اختك ولا بتعمل كده عشان الوصية وخلاص 

مالك : لا والله انا بجد خلاص عدت مسؤول عنها عشان دي اختي الصغيره وهاكون سندها في المستقبل ان شاء الله بس دلوقتي ارجوكي احكي 

ميرفت : حاضر بص يا بني روحت اشتغل خدامه في فيلا شهاب المنشاوي لما روحت عرفت من الخدم ان شهاب متجوز وعنده ابن بس هو مسفر ابنه برا في أمريكا ومراته عايشه في بيت أهلها بس لسه متجوزين عدا شهرين علي شغلي في الفيلا كنت بحس بمشاعر اتجاه شهاب بس كنت بخبيها جوايا وطول الفتره دي الاء مجتش الفيلا نهائي 

جه في يوم شهاب واعترف بحبه ليا وعرض عليا الجواز بس انا رفضت بس بعدها هو هدد ان هايقتل نفسه وحكالي ان جوازه من آلاء كان عشان صفقه شغل وان حصلت مشاكل معاهم كتير الفتره الاخيره وان الاء مريضه سرطان وهي الي طلبت ان تفضل علي زمته لحد ما تخلص علاج نهائي وفعلا اتجوزنا وبعد ٣ شهور  شهاب كان مسافر عشان شغل كان هايفضل لمدة ٥ ل٦ شهور في الوقت ده كانت آلاء شبه شفت خلاص من المرض وكان اول ما يرجع من السفر هايطلقها بعد سفر شهاب بأيام عرفت ان حامل بس عمتك اقنعتني ان مقولش لشهاب واخليها مفاجأة انا عجبتني الفكره وفعلا مقولتش ليه بس في بعدها بدا يجيلي تهديد بقتلي لو مبعدتش عن شهاب عرفت ان الي كان بيبعت التهديد ده آلاء وان هي خفت من المرض نهائي بس في يوم هجم علينا في الفيلا حراميه كان الهدف بتاعهم قتلي وبس وقتها عمتك ساعدتني اني اهرب وودتني وقالت ان اول ما شهاب يرجع هاتقوله وهو هايجي ياخدني بس بعدها لقيتها جايه ومعاها ورقه طلاقي وان شهاب رجع ل آلاء فضلت عايشه في المكان ده لحد ما خديجة بقي عندها ٥ سنين وقتها عملت حادث وفقدت بصرها عرفت ان الحادثه كانت مدبره اخدت خديجة وهربت وجيت علي الإسكندرية لما عرفت ان الي كان ورا حادثه خديجة كانت آلاء بردو 

مالك : ازاي امي في الوقت ده كانت ما.. 

ليقطع حديثه خروج خديجة وعائشه 

عائشه : انا هامشي انا بقي يا ميمو عايزة حاجة. 

مالك : وانا كمان هاستاذن انا بقي 

ميرفت : ازاي يا بني رايح فين انت هاتقعد هنا معانا 

مالك : مش هاينفع والله لازم اروح الفندق وكمان عشان اصحابي كمان هايجوا بكره 

ميرفت : ماشي يابني علي راحتك 

خديجة بمكر : مالك ممكن توصل عائشه في طريقك عشان ممكن تتخطف في الوقت ده 

عائشه : اي لا اتخطف اي يا خديجة احنا الساعة ٣ العصر 

خديجة : ايوه ما هما الحراميه بيخطفوا البنات الكبار في وقت العصر ايش عرفك انتي 

مالك بمكر : ايوه انا مايرضينيش صاحبه اختي تمشي لوحدها في وقت متأخر زي ده قدامي يلا 

عائشه : وقت متأخر اي انت كمان 

ميرفت : خلاص يا عائشة مالك هايوصلك بدل ما تمشي لوحدك وحد يطلع عليكي يا بنتي 

عائشه : حتي انتي يا ميمو مستحيل 

ليسحبها مالك من يدها ويخرجوا خارج المنزل 

لتنفجر خديجة وميرفت من الضحك 

خديجة : لا مش قادره 😂😂

ميرفت : اي يا بنتي ده خطف اي دلوقتي وكمان مين الي امه داعيه عليه وهايخطف عائشه 

خديجة : مالك، مالك يا ماما هو الي هايخطف قلب عائشه  انا صحيح مش شايفاهم بس قادره احس بمشاعرهم 

ميرفت : ربنا يهديهم يا بنتي ويقرب قلوبهم لبعض 

خديجة : امين يارب، ماما عايزه منك تكلمي مامت عائشه وتخليها توافق ان عائشه تخرج معانا ومع صحاب مالك 

ميرفت : حاضر يا بنتي 

............................................................. 

عند مالك وعائشه 

عائشه : اي يااخ انت جارر جاموسة وراك 

مالك : لا قرده 

عائشه بشهقه : قرده انا قرده لتقترب منه وتعضه في دراعه 

مالك : ااااااااه يا بنت ال 

لتقاطعه عائشه : بنت اي ها عيب عيب جدا صاحب شركه محترم يشتم ويقول الفاظ مش كويسه مكنتش متخيله انك كده ابدا انت وقعت من عيني 

مالك : اي يا بت الاوڤر ده وكمان اسمها سقطت من نظري اي وقعت من عيني دي 

عائشه : متركزش عشان متهيسش وسيب ايدي 

مالك : مستحيل اسيبها 

عائشه : ليه 

مالك : مستحيل اسيبها تروح مني انا حبيتها من اول نظره وعايزها معايا العمر كله وعايز اعرف مشاعرها من نحيتي عامله ازاي 

عائشه بغباء : مالك انت سخن مالك قلبت علي سوما العاشق كده ليه وكمان عايز ايدي وحبيتها ازاي 

مالك : ارحمني يارب انا عارف اني هاتعب 

عائشه : متعملش في نفسك كده يابني صعبت عليا 

مالك : عائشه مش وقت غباء هاحب في ايدك اي فهميني 

عائشه : بقولك اي متعصبنيش مش انت الي قولت وكمان انا جعانه ومش عارفه اركز في حاجه يلا عشان تروحني 

مالك :يلا يااختي قدامي جتك القرف 

عائشه : طب يا عم متزوقش 

مالك : يا عم الصبر من عندك يارب 

...................................................... 

في فيلا شهاب المنشاوي 

نجد رقيه تتجه ناحية الحديقة الخلفية للفيلا وتقوم بفتح باب سري موجود في الحائط 

وتدخل وتغلقه خلفها بعد ان تاكدت من عدم وجود اي شخص خلفها 

رقيه : اتمني الاقامه تكون مريحه بس لا معتقدش يعني بعد عيشه في الفيلا لعيشه في المكان ده مليان حشرات وفران.... 

........................................................ 

بقلم /جيسي سلامه ✍️

.................................. 

لمتابعة البارت التاسع اضغط هنا