رواية أختي عمياء الفصل العاشر بقلم جيسي سلامة
رواية أختي عمياء الفصل العاشر بقلم جيسي سلامة
تقف السياره ويهبط منها احدي الرجال ساحب عائشه لخارج السياره ويتركها ويرحل دون أن يتفوه بأي كلمه لتسمع صوت تضارب امواج البحر ببعضهم البعض لتبدا عائشه بإزالة القماشه السوداء عن عينها لتنظر حولها بصدمه لتجد انها تقف في بداية طريق مصنوع من الورد الأحمر ويقف في نهاية الطريق مالك يرتدي بدله ويمسك ببوكيه ورد احمر ويبتسم لتبدا بتقدم في اتجاهه وتقف مقابل له تماماً،
قدم لها الورد من غير ما يتكلم... عائشه بصت للورد وزوقه ولبسه واناقته وانتبهت علي صوته
مالك :بصيلي يا عائشة انا بحبك متساليش ازاي كل الي اعرفه ان حبك عامل زي السحر ومش هايطلع من قلبي ابدأ، عائشه انا شوفت فيكي حياتي الباقيه شايفك ام للأطفالي في المستقبل مش عايز ابعد عنك عايزك معايا علي طول عائشه تقبلي تتجوزيني.
عائشه بارتباك : يعني انت لابس بدله ومضبط نفسك وانا لابسه لبس عادي لا الكلام ده ماينفعش لوسمحت انا عايزة المشهد ده يتعاد تاني بس اكون لابسه فستان
مالك بابتسامة : لا انتي بتتهربي انا عايز اسمع ردك دلوقتي حالا
عائشه بارتباك : لازم يعني
مالك : ايوه طبعاً
عائشه تضع يدها علي عيون مالك : وانا كمان بحبك اوي يا مالك من اول يوم شوفتك فيه وانا اتعلقت بيك وبشوفك حواليا في كل مكان موافقه اكمل حياتي معاك
ليزيل مالك يد عائشه ويحتضنها بقوه ويدور بها ويصرخ باعلي صوته : بحبك
لتسمع عائشه صوت فرقعات في السماء لتنظر نحوها لتجد مكتوب "عائشه بحبك" لتدمع عينها بفرحه
عائشه : وانا بعشقك
مالك يبتعد عنها : وانا بموت فيكي
ثم يسحبها معه
....................
يصل مالك وعائشه للفندق
عائشه : احنا جايين هنا ليه
مالك بابتسامه : متخافيش مش انتي واثقه فيا
عائشه : اكيد
مالك : معناها تعالي معايا ويتوجهوا لاحدي الغرف يقف مالك امام الباب
مالك : ادخلي هتلاقي لبس البسي وتعالي هستناكي تحت تمام
عائشه بابتسامة : تمام
يتوجه مالك للاسفل وبعد مده ينتبه لنزول عائشه فايفرغ ثغره كم تبدو جذابه برداءها الذهبي وبشعرها البني المنسدل علي كتفيها وظهرها وعيونها الجميلة قاطع تاملوه صوت عائشه
عائشه : انا جاهزه
مالك بابتسامة : يلا بينا
ليتوجهوا ناحية السياره ويصعدوا بها
عائشه : احنا رايحين فين
مالك : مفاجأة
عائشه : خلاص اوكي هاستني اعرف في وقتها
مالك : حبيبي الصبور، لسه وقت علي بال ما نوصل اي رائيك تحكيلي شويه عنك يعني مثلاً تعرفي خديجة من أمته
عائشه : يااااه من زمان اوي ده من ساعه ما خديجة اتولدت تعرف الي مسميها خديجة اخويا يوسف
مالك : انتي عندك اخ غير حسام
عائشه : ايوه أكبر مني دي حكاية طويله اوي
مالك : وانا مستعد اسمع
عائشه : هاقولك كنت انا عندي سنه تقريبا او سنه ونص وماما وبابا ويوسف اخويا عايشين في القاهرة وجت طنط ميرفت سكنت عند قرايبها هما كانوا جيرانا ماما وطنط ميرفت بقوا صحاب جدا وكانت طنط ميرفت ساعتها حامل ولما ولدت يوسف اول واحد شال خديجة وهو الي سماها كا بيهتم بيها علي طول كان بيخاف عليها من الهوا نفسه كان يقول ليا انا وخديجه انتم فراشاتي الي لازم احميهم وكمان يقول لطنط ميرفت انا لما أكبر هاتجوز خديجة وكانت خديجة كمان متعلقه بيه جدا وفي يوم خديجة كانت عايزه شوكولاتة بس كان الوقت متأخر بس يوسف عمره مارفض ليها طلب ونزل يشتري ليها خديجة أصرت تنزل معاه بعد مانزلوا سمعنا صوت دوشه جامده تحت البيت نزلنا لقينا عربيه خبطت خديجة ويوسف اختفي خديجة فقدت بصرها في الحادثه وبعدها طنط ميرفت اخذت خديجة وسافرت اسكندرية وبعد ما عدي ٦ شهور من غير ما نعرف حاجه عن يوسف ماما جالها انهيار عصبي الدكتور قال لازم تبعد عن الأماكن الي يوسف كان موجود فيها بعدها بابا نقل شغله اسكندرية ومن وقتها وكلنا موجودين في اسكندرية وخديجه مقتنعه ان هي السبب في الي حصل ليوسف بنحاول نقنعها ان ده قضاء وقدر لكن هي مش قادره تنسي وتسقط دموعها وهي تحكي لمالك
مالك بتأثر لدموع عائشه وحاله خديجة : خلاص يا حبيبتي متزعليش نفسك انا ليا معارف كتير هحاول اعرف الي حصل في يوم الحادثه ويوسف راح فين
عائشه وهي تمسح دموعها : بجد يا مالك
مالك : بجد يا عيون مالك بس مش عايز دموع حبيبتي تنزل مهما حصل اتفقنا
عائشه : اتفقنا
...............................
عند هايدي في القاهرة
هايدي : رد بقي رد..... بردو مقفول انا لازم الحق المصيبه دي قبل ما تحصل
............................................
يقف مالك بالسياره امام قاعه لتندهش عائشه
يهبط مالك من السياره ويتوجه ليفتح باب السيارة لعائشه ويساعدها علي النزول
عائشه : مالك احنا بنعمل اي هنا
مالك : هاتعرفي كل حاجه لما ندخل يا حبيبتي يلا بينا
عائشه : يلا
ليدخلوا داخل القاعه وتنصدم عائشه من وجود الكثير من رجال الأعمال وسيدات المجتمع والعديد من الصحافين الذين يلتقطوا العديد من الصور لها ولمالك وزادت الصدمه من وجود خديجة وميرفت ونيڤين وحسام واسامه ( ابو عائشه)
عائشه : مالك انا مش فاهمه حاجه
مالك : اقولك ياروحي انا انهاردة طلبت ايدك من والدك وبعد عزاب وافق ان نعمل الخطوبة بليل الي هو دلوقتي
عائشه بصدمه : افرض كنت رفضتك كنت هاتعمل اي
مالك : مفكرتش في حاجه زي دي قلبي كان عنده ثقه في حبه ليكي
لتبتسم عائشه بكسوف
" ليبدا الحفل برقصه سلو تجمع مالك وعائشه بعد ذلك يلبس مالك عائشه خاتم الماس ويعرفها علي رقيه بعد ذلك يعرفها علي أحمد وخلود وزين لتندمج معهم
عند رقيه تتحدث في الهاتف
رقيه : انت فين يازفت
الشخص : انا واقف عند باب المطبخ
رقيه : طيب نفذ دلوقتي أنجز
الشخص : تمام
ليعمر مسدسه ويوجه في اتجاه عائشه ويقوم بإطلاق النار في نفس الوقت تأتي خديجة بمساعدة ميرفت أمام عائشه لتتلقي الرصاصة بدلا منها وتسقط وينصدم رأسها بالطاوله
ويخرج باقي الضيوف من القاعه ويتجمع حولها مالك وعائشه وباقي أفراد العائلة
...................................................
بقلم / جيسي سلامه ✍️
..............................................
جميله جدا❤❤
ردحذفقصة الحب جميلة قوى والغموض مشوق للاحداث
ردحذفمشوقه وجميلة جدا
ردحذف