رواية أختي عمياء الفصل الخامس عشر بقلم جيسي سلامة

 رواية أختي عمياء الفصل الخامس عشر بقلم جيسي سلامة

رواية أختي عمياء الفصل الخامس عشر بقلم جيسي سلامة

في بيت عائله عائشه وزين

تجلس نيفين تتذكر يوم عيد ميلاد عائشه الاخير

في فيلا فريد

(فلاش باك)

قبل اسبوع

في فيلا فريد الدمنهوري

في غرفة عائشه وخديجه

خديجة : عائشه يلا يابنتي قومي احنا العصر

عائشه : ياوليه سيبيني انام انا بالنسبه للناس مخطوفه وبتعذب

خديجة : انتي صدقتي الفيلم ولا اي قومي يامهزقه يلا

عائشه : يخريبيتك فصيله كنت بحلم حلم حلو اوي

خديجة : حلم اي بتحلمي بمالك

عائشه : ايوه

خديجة : أوعي يكون حلم قليل الادب انا بؤحرج  وبتكسف اوي خلي بالك

عائشه : لا يابت انتي وش كسوف فعلاً يا مهزقه انا كنت بحلم ان انا وهو واقفين نصلي عند الكعبه وانا مبسوطه اوي وبعد كده كنتي جايه علينا انتي وشخص لكن مكنش واضح ملامح الشخص ده

خديجة : طيب يا ام احلام هانزل اقعد مع جني علي بال ما تيجى 

تهبط خديجة وبعد مرور الوقت تهبط عائشه لتجد الظلام يعم المكان

عائشه :  خديجة، جني انتم فين

لينير النور ويسقط ورد احمر اللون فوق عائشه وتجد مالك وخديجه وعائلتها وزين واحمد وخلود وعائلة فريد يقفون حول طاوله يوجد عليها العديد من الهدايا وقالب كعكة

ليقترب منها مالك : كل سنه وانتي طيبه يا قلبي

عائشه بسعاده : وانت طيب

خديجة : يلا يا عائشة عشان نطفي الشمع

بعد ان اطفئت الشمع اقترب الجميع منها ليقدموا الهدايا ويتمنوا لها سنه سعيده 

زين : لحظه يا جماعه بعد اذنكم 

يقترب من خديجة ويركع امامها ويمسك بيده خاتم زواج 

زين : خديجة انا بحبك انتي البنت الوحيده القلبي دق باسمها تقبلي تتجوزيني 

خديجة : اسفه انا مخطوبه 

عائشه : اي الجنان ده يا خديجة انسي بقي غلط الي بتعمليه ده يوسف خلاص مش موجود 

خديجة : لا موجود قلبي بيقولي انه قريب وهايجي 

مالك : معاكي حق يا خديجة هايرجع وهو قريب منك، عائشه جه وقت الهديه الاخيره انا وعدتك ان هارجعلك يوسف وانا وفيت بوعدي 

خديجة : هو فين يا مالك ارجوك قولي 

ينظر مالك بتجاه نيڤين ليجدها تنظر لزين لتنظر له ويوجد بعيونها دموع ليبتسم لها مالك ويومئ لها برأسه لتبتسم وتتجه لزين 

نيڤين : احساسي كان صح انت ابني يوسف انا قلبي مستحيل يخوني وتحتضنه 

ينظر زين بصدمه لمالك 

مالك : ايوه دي الحقيقة يازين انت يوسف 

(بااااااااك) 

يجلس بجانبها اسامه 

اسامه : مالك سرحانه كده 

نيڤين : بفكر في يوسف حبيبي 

اسامه : ايوه حبيبك من ساعه مارجع  وانا اتركنت علي الرف 

نيڤين : اخص عليك بقي تقول كدا بردو ده انت ال في القلب انت جوزي وحبيبي وسندي في الدنيا انا ليا مين غيرك انا بس مش مستوعبه ان يوسف رجع انا قلبي كان بيتقطع  في غيابه كنت حاسه ان روحي بتتطلع ورجعت فيا لما هو رجع 

اسامه : ربنا يخليكي ليا يارب انتي والأولاد ويحتضنها 

لياتي حسام 

حسام : بتعمل اي ياحج بتتمحرش بامي 

اسامه : بتمحرش يجوا يشوفوا الي عايزين يخلفوا يجوا يشوفوا بتمحرش اي يامتخلف دي مراتي 

حسام : ولو ولو فين المبرر يعني 

اسامه : هاوريك المبرر دلوقتي حالا ويخلع حذائه ليفر حسام هاربا في لحظه دخول زين للمنزل 

حسام : الحقني ياخويا يا حبيبي ابوك عايز ياكلني 

زين : نيلت اي يازفت في ليلتك انت كل يوم بخناقه شكل 

لياتي اسامه : انا هاربيك يا كلب يابن الكلب 

حسام : لاحظ ان انت بتشتم نفسك ويفر هاربا لغرفته 

زين : اهدي ياحج متعملش في نفسك كده ده عيل 

اسامه : شايفني مجنون قدامك 

زين :لاعاش ولاكان الي يقول كده بس قولي كنت بتعمل اي يا شقي وحسام قفشك 

اسامه : مافيش حد من عيالي متربي عشان كده هاربيكوا من الاول ياكلاب 

ليفر زين هاربا 

اسامه : عوض عليا عوض الصابرين يارب مخلف قرود 

لتظل نيڤين تضحك لينظر لنيڤين ويشاركها الضحك 

...........................   .................... .............. 

في فيلا شهاب المنشاوي تدخل رقيه الباب السري 

رقيه : اخبارك اي يارقيه هانم المنشاوي ( ثم تضحك ضحكه جنون) وتزيل الرابطه عن فم رقيه الحقيقة 

رقيه الحقيقة : ابعدي عني يارحاب انتي اي شيطانه بقالك اكتر من ٢٠ سنه حبساني هنا وبتدمري في عيلتي 

رحاب : انتي الي عملتي كده  لما وقفتي في طريق ساعدتي انتي عارفه ان انا كنت بحب شهاب من أيام الجامعه لكن هو محبينيش ورفض حبي ليه وراح اتجوز وخلف  قررت اخطف مراته الاء واعمل عمليه تجميل اغير شكلي لشكلها واعيش مكانها لكن للأسف انتي عرفتي وحاولتي تمنعيني فمكنش قدامي حل غير ان اخطفك انتي وعملت عمليه التجميل وبقيت نسخه منك وقررت انتقم من الكل دمرت حياه الاء وشهاب وبعدت ابنه عنه بس جت الغبيه ميرفت وحبها  قررت اتخلص منها لكن حظها هي وبنتها كان حلو وشهاب فضل لاخر عمره يدور عليها ويحبها قررت اقتله هو لومكنش ليا مش هايكون لغيري لكن الي مش قادره افهمه عرف منين ان عنده بنت بس هاعرف قريب 

رقيه بغموض : والحقيقه كمان خلاص يارحاب قربت نهايتك

لتصفعها رحاب علي وجهها : ده مستحيل مستحيل بعد كل ده اخسر مستحيل وتتركها وترحل 

....................................  ............................. .. 

في اليوم التالي 

انتهت حفله خطوبه هايدي وزياد ليبقي مالك وخديجه وميرفت وعائله فريد وعائله عائشه واحمد وخلود  ورحاب 

هايدي  : اي يا ماما مش هاتقولي مبروك ليا 

رحاب : مبروك علي اي علي غبائك رجعتي للخانك تاني 

هايدي : ماما زياد مخنيش وانتي عارفه احنا قدرنا نجيب البنت الي كانت معاه واعترفت ان انت الي عملتي كده ليه 

رحاب : اي الكلام الفارغ ده

ميرفت : مش كلام فارغ انتي السبب في كل المشاكل بس ليه قولتي ليا ان آلاء هي الي عايزة تقتلني وكنتي السبب ان بنتي فقدت بصرها  وبعتدي مالك عن والده ووالدته 

رحاب : انا معملتش حاجه 

مالك : لاعملتي ياعمتي 

رحاب : فين الدليل علي ده 

مالك : مذكرات امي 

رحاب : مش دليل 

: بس انا معايا دليل 

لينظروا في اتجاه الصوت بصدمه فهم يرون نسخه ثانيه من رقيه 

مالك : انتي مين 

رقيه : انا رقيه المنشاوي عمتك يا مالك 

رحاب : كدابه دي واحده كدابه 

رقيه : لا مش كدابه يا رحاب 

( وتقوم رقيه بتشغيل تسجيل باعتراف رحاب بكل شيء) 

رحاب بجنون : لا لا لا لا مستحيل انتي هربتي ازاي وجبتي التسجيل ده منين 

رقيه : من يومين عم عبده الجنايني اكتشف بالصدفه الباب السري دخل وشافني طلبت منه يجبلي تسجيل ومايقولش لحد خلاص يا رحاب دي النهايه الخير هو الي انتصر في الأخر وانتي خسرتي 

ليدخل رجال الشرطه  ويتم القبض علي رحاب 

لتسحب مسدس من احدي رجال الشرطه وتطلق الرصاص بتجاه مالك 

مالك : لاااااااااااااااااااااا 

.........................  ................... 

بقلم / جيسي سلامه ✍️

............................... .................... 

لمتابعة البارت السادس عشر اضغط هنا